ورده‌كاری بڕیاره‌كه‌ی ئه‌مریكا بۆ ئاشكراكردنی شوێنی سه‌ركرده‌كانی په‌كه‌كه‌
PM:03:39---07-11-2018
ئه‌م بابه‌ته 1127 جار خوێنراوه‌ته‌وه‌‌
لڤین:
ماتیۆ پاڵمه‌ر جێگری لێپرسراوی كاروباری ئاڤراسیا و ئه‌وروپا رایگه‌یاند، وه‌زاره‌تی ده‌ره‌وه‌ی ئه‌مریكا بڕیاری داوه‌ به‌ پێدانی پاره‌ به‌و كه‌سانه‌ی زانیاری له‌باره‌ی شوێنی هه‌ریه‌ك له‌ موراد قه‌ره‌یلان، جه‌میل بایك و دوران كاڵكان به‌رپرسانی باڵای په‌كه‌كه‌ ده‌ده‌ن بۆئه‌وه‌ی بكرێنه‌ ئامانج.

به‌گوێره‌ی رونكردنه‌وه‌یه‌كی باڵیۆزی ئه‌مریكا له‌ ئه‌نقه‌ره‌، ئه‌و بڕیاره‌ی ئه‌مریكا دوای سه‌ردانی ماتیۆ پاڵمه‌ر دێت بۆ ئه‌نقه‌ره‌ و كۆبونه‌وه‌ی له‌گه‌ڵ به‌رپرسانی حكومه‌تی توركیا.

پاڵمه‌ر جه‌ختیكردۆته‌وه‌ له‌وه‌ی له‌ بابه‌تی به‌ره‌نگاربونه‌وه‌ی تیرۆردا به‌رده‌وام ده‌بن له‌ كاری هاوبه‌ش له‌گه‌ڵ هاوپه‌یمانیان له‌ ناتۆ و توركیا و وتیشی "له‌ په‌راوێزی سه‌ردانه‌كه‌مدا بۆ توركیا، به‌خۆشحاڵییه‌وه‌ ناوی هه‌ریه‌ك له‌ به‌رپرسانی باڵای رێكخراوی په‌كه‌كه‌ موراد قه‌ره‌یلان، جه‌میل بایك و دوران كاڵكان راده‌گه‌یه‌نین، كه‌ له‌ چوارچێوه‌ی پرۆگرامی (خه‌ڵات بۆ دادپه‌روه‌ری) هه‌ركه‌سێك زانیاری له‌سه‌ر ئه‌و سێ به‌رپرسه‌ بدات ئه‌وه‌ بۆ موراد قه‌ره‌یلان (پێنج ملیۆن دۆلار) بۆ جه‌میل بایك (چوار ملیۆن دۆلار) و بۆ دوران كاڵكان (سێ ملیۆن دۆلار) ده‌به‌خشین".

وه‌زاره‌تی ده‌ره‌وه‌ی ئه‌مریكا ده‌شڵێت "له‌ ساڵی 1997ـه‌وه‌ ئه‌مریكا، په‌كه‌كه‌ی وه‌ك رێكخراوێكی تیرۆریستی ناساندوه‌. له‌ ساڵی 2011ـه‌شدا ئیداره‌ی ئه‌مریكا، په‌كه‌كه‌ی وه‌ك رێكخراوێكی تیرۆریستی جیهانی ناساندوه‌".



وادەی دابەشکردنی نەوتی سپی لەگەرمیان ئاشکرا کرا
ڕۆژێک پشوو ڕاگەیەنرا
گۆڕان: ئەجێندای هیچ لایەنێك قبوڵ ناكەین
پارتی: لایەنەكان دەبێت رەفتارەكانی رابردوویان دووبارە نەكەنەوە
ئەندامێكی سەركردایەتی یەكێتی: مەرجەكانی پارتی ئێمە ناگرێتەوە
دەوامی خوێندكارانی وەرگیراو لە زانكۆ و پەیمانگاكان دەستیپێكرد
داواکارییەکانی یەکێتی و گۆڕان لە پارتی بۆ کابینەی داهاتووی حکومەت بڵاوکرایەوە
ئەگەر ئەمریکاش وەک تورکیا کورد و پەکەکە جیا بکاتەوە دەبێتە پاکتاوکەر و قڕکەر
کەش و هەوای ئەمڕۆ و سبەینێ
یەکەمین دیداری هاتوچۆ لەسلێمانی ڕێکخرا

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە