نوێترین داهێنانی بیل گه‌یتس ئاوده‌ستێكی هۆشمه‌نده‌
PM:12:04---08-11-2018
ئه‌م بابه‌ته 872 جار خوێنراوه‌ته‌وه‌‌
لڤین:
بێل گه‌یتس، خاوه‌ن و دامه‌زرێنه‌ری هاوبه‌شی كۆمپانیای مایكرۆسۆفت، له‌ میانه‌ی به‌ڕێوه‌چوونی كۆنگره‌یه‌ك له‌ باره‌ی "ئاوده‌ست" له‌ چین، پلانی درێژخایه‌نی خۆی بۆ گۆڕینی سیسته‌می ئاوده‌ست له‌ جیهان، خسته‌ڕوو.

له‌ كۆنگره‌ی "دووباره‌ داهێنانی ئاوده‌ست" كه‌ له‌ چین به‌ڕێوه‌چوو، بیل گیتس به‌ وردی باسی پلانه‌كه‌ی كرد و ئاوده‌سته‌ نوێكه‌ی نمایشكرد، بۆ تاقیكردنه‌وه‌ش، قووتووێك پاشه‌ڕۆی مرۆڤی له‌گه‌ڵ خۆی بردبوو.

مه‌به‌ست له‌ بردنی ئه‌و قووتووه‌ پاشه‌ڕۆیه‌، بۆ راكێشانی سه‌رنجی ئاماده‌بووان بووه‌ و نیشانی داوه‌ چۆن ئه‌و ئاوده‌سته‌ی ئه‌و دایهێناوه‌، ده‌توانێت به‌بێ ئاو له‌ رێگه‌ی چه‌ند مادده‌یه‌كی كیمیاییه‌وه‌ "پاشه‌ڕۆی مرۆڤ" بگۆڕێت و بیكاته‌ په‌ینی كیمیایی.

بۆ ئه‌و پرۆژه‌یه‌ش، بیڵ گیتس، نزیكه‌ی 200 ملیۆن دۆلاری بۆ تیمی زانایان و پسپۆران دابینكردووه‌، بۆ ئه‌وه‌ی ئه‌و ئاوده‌سته‌ "نموونه‌ییه‌" درووست بكه‌ن، كه‌ تێچووی كاركردنی رۆژانه‌ی ناگاته‌ 5 سه‌نت.

گەیتس له‌ كۆنگره‌كه‌ رایگه‌یاند، هێشتا درووستكردنی ئاوده‌ستی نموونه‌یی له‌ قۆناغی سه‌ره‌تاییدایه‌ و كاره‌كه‌ نزیكه‌ی 10 ساڵی ده‌وێت تا به‌ سه‌رتاسه‌ری جیهان بڵاوده‌بێته‌وه‌.

وه‌ك گه‌یتس ئاماژه‌ی بۆ كرد، ئاوده‌سته‌ نوێیه‌كه‌ پێویستی به‌ ئاو نییه‌ و له‌ رێگه‌ی مادده‌ی كیمیاییه‌وه‌، پاشه‌ڕۆی مرۆڤ بۆ په‌ینی كیمایی ده‌گۆڕێت.

گەیتس گوتیشی: "وڵاتانی ده‌وڵه‌مه‌ند، له‌ رێگه‌ی سیسته‌مێكی تۆڕی بۆڕییه‌وه‌، پاشه‌ڕۆكان ده‌باته‌ ناوه‌ندێكی چاره‌سه‌ری، ئه‌وه‌ش تێچووه‌كی یه‌كجار زۆری ده‌وێ و له‌ وڵاته‌ هه‌ژاره‌كانیش جێبه‌جێ نابێت".

به‌ گوێره‌ی رێكخراوی ته‌ندرووستی نێوده‌وڵه‌تی، نزیكه‌ی 2.3 ملیار كه‌س له‌ جیهان، یان ئاوده‌ستییان نییه‌، یانیش ئاوده‌سته‌كانییان ته‌ندرووست و شیاو نین بۆ به‌كارهێنان.

له‌و چوارچێوه‌یه‌شدا، گه‌یتس ده‌یه‌وێت له‌ رێگه‌ی پرۆژه‌كه‌ی، چاره‌سه‌ری ئه‌و كێشه‌یه‌ بكات و هه‌موو تاكێك له‌ جیهان، بتوانێت ئاوده‌ستێكی ته‌ندرووست به‌كاربهێنێت.

سه‌رچاوه‌: سكای نیوز



هاوسه‌رێكی نهێنی جه‌مال خاشوقچی له‌ كه‌نداوه‌وه‌ ده‌ركه‌وت
بەهۆی زیادبوونی نرخی سوتەمەنی فەرەنسا خۆپیشاندان دەکات
تره‌مپ بۆ میشێل ئۆباما: له‌ مێرده‌كه‌ت خۆش نابم
په‌رله‌مانی ئه‌وروپا داوای سه‌پاندنی گه‌مارۆی چه‌ك به‌‌سه‌ر سعودیه‌دا ده‌كات
ئه‌مه‌ریكا بیرۆكه‌كه‌ی ماكرۆن ره‌تده‌كاته‌وه‌
میلانیا له‌ كۆشكی سپی ئافره‌تێكی به‌ ده‌ركردن دا
داواكاری گشتی سعودیه‌ په‌رده‌ له‌سه‌ر 24 نهێنی کوشتنی خاشوقچی هه‌ڵده‌داته‌وه‌
وەزیری دەرەوەی تورکیا سەردانی واشنتۆن دەکات
شازاده‌ی سعوودیه‌ فه‌رمانی كوشتنی خاشوقچی ده‌ركردووه‌
ژمارەی قوربانیانی ئاگرەکەی کالیفۆرنیا لە زیادبووندایە

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە