دژی بڕیارەکەی هاتوچۆی هەولێر سکاڵای یاسایی تۆمار دەکریت
AM:10:06---06-12-2018
ئه‌م بابه‌ته 669 جار خوێنراوه‌ته‌وه‌‌
ژمارەیەک پارێزەر سکاڵای یاسایی دژی ئەو بڕیارەی هاتوچۆی هەولێر تۆمار دەکەن کە بڕیاریدا بەکردنەوەی بەشێکی تایبەت (ڤی ئای پی) بۆ ڕایکردنی مامەڵەی هاوڵاتیان لەبەرامبەر بڕێک پارە.

پارێزەر ئاسۆ هاشم لە لێدوانێکی رۆژنامەوانیدا رایگەیاند، ئەو بڕیارەی بەڕێوەبەرایەتی هاتوچۆی هەولێر لە دەرەنجامی نەخوێندەواری بەرپرسانی بەڕێوەبەرایەتییەکە دەرکراوە، چونکە بڕیارەکە پێچەوانەی دەستوری هەمیشەیی عێراق و سەرجەم یاساکانە.

بڕیارەکە دژی پرەنسیپەکانی مافی مرۆڤە و بۆ دروستکردنی چینایەتی لە هەرێمی کوردستان دەرکراوە، بۆیە بڕیاریانداوە سکاڵای یاسایی دژی بەڕێوەبەرایەتی هاتوچۆی هەولێر لە داواکاری گشتیی هەرێم تۆمار بکەن.

شایەنی باسە ڕۆژی سی شەممە بەرواری ٤/١٢/٢٠١٨ بەڕێوەبەرایەتی هاتوچۆی هەولێر ڕایگەیاند بەشێکی تایبەت لەنێو بەڕێوەبەرایەتییەکەیاندا دەکرێتەوە بۆ پشوودان و ڕاییکردنی مامەڵەی هاوڵاتییان و بەشەکەش هەموو پێداویستییەکی پشوودانی تێدایە،هەر هاوڵاتیەک بڕی ١٠٠ هەزار دینار بدات لەبەرامبەردا سەرجەم مامەڵەکانی بۆ رایی دەکرێت و خۆی لەوێدا چاوەڕێدەکات.





زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە