پارتی: بەغدا قەرز ناداتە هەرێمی كوردستان
PM:06:44---11-01-2017
ئه‌م بابه‌ته 2783 جار خوێنراوه‌ته‌وه‌‌
پەرلەمانتارێكی كورد لەبەغدا رایدەگەیەنێت فشار لەحكومەتی بەغدا دەكەین بۆئەوەی لەو قەرزانەی وەریدەگرێت پشكی هەرێمی كوردستان دابین بكات.

حكومەتی عیراق رێككەوتنی بۆ وەرگرتنی قەرزی نێودەوڵەتی لەگەڵ ئەمریكاو چەندین وڵاتی دیكە واژۆ كردوە، بەڵام پێناچێت پشكی هەرێمی كوردستان بدات، لەوبارەیەشەوە نەجیبە نەجیب ئەندامی ئەنجومەنی نوێنەرانی عیراق لەفراكسیۆنی پارتی دەڵێت، چەندینجارە چەندین وڵاتی زلهێزی جیهان بەدەیان ملیار دۆلار قەرزو هاوكاری دەدەنە حكومەتی عیراق كە پشكی هەرێمی كوردستانیشی تێدابوەو بەغدا ئامادەنەبوە بیدات، بەڵام ئەمجارە كاری جدیتر دەكەین و فشارەكانمان زیاتر دەكەین بۆئەوەی مافی خۆمان وەربگرین لەو ملیاران دۆلارەی كە بەقەرز لەئەمریكا، ئەڵمانیا، بەریتانیاو ژاپۆن وەریدەگرێت.

نەجیبە نەجیب بۆ ئاژانسی ئەنادۆڵ وتویەتی: رێككەوتن لە نێوان حكومەتی عیراق و ئەمریكا واژۆ كراوە بۆ وەرگرتنی قەرزێكی یەك ملیار دۆلاری، لەو رێككەوتننامەیەدا ئەمریكا لەڕێگەی بەغداوە پشكی هەرێمی كوردستانیشی دیاریكردوە، ئێمەش سورین لەسەرئەوەی پشكی هەرێم لەو قەرزە وەربگرین.

پێشیوایە فشارەكانی ئەمریكا لەسەر عیراق وادەكات پشكی هەرێم لەو بڕە قەرزە دابینبكات، چونكە ئەمریكا ئەو قەرزە یەك ملیارییەی داوەتە عیراق بێگومان دۆخی هەرێمی كوردستانیشی لەبەرچاو گرتوە كە لەقەیرانی دارایی و شەڕی دژ بەداعشە، ئەگەر پشكی هەرێم بدرێت بێگومان هاوكارییەكی باش دەبێت و كارئاسانییە بۆ دابینكردنی موچەی موچەخۆرانی هەرێمی كوردستان.




حكومه‌ت ده‌ستكاری مووچه‌ی ئه‌م توێژه‌ ناکات
‌حزبی‌ دیموكرات ئاماری چالاکیییەکیان ئاشکرا دەکەن
پەرلەمانی كوردستان بانگهێشتی پەرلەمانتاران دەكات بۆ كۆبوونەوە
تەمەللی: هه‌ر 8 كورسیه‌كه‌ی شاری وان بۆ هه‌ده‌په‌ ده‌بێت
هۆشیار عه‌بدوڵا: له‌ هه‌رێم ئابڕوبه‌رترین هه‌ڵبژاردن ئه‌نجام دراوه‌
‌ئاسایش كه‌سێكی به‌ چوار جۆر مادده‌ی هۆشبه‌ره‌وه‌ ده‌ستگیركرد
كۆسره‌ت ره‌سول: شه‌هیدان و تێكۆشه‌ران سه‌رمایه‌ی ئه‌م گه‌له‌ن
ئەمڕۆ وادەی یاسایی ئەنجومەنی پاریزگاکان کۆتایی دێت
گۆڕانکاری لە ٦٠ پۆستی وەزارەتی پێشمەرگەدا دەکرێت
سەزای تەمەللی لە شاری وان دەنگیدا
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە