قائیمقامی سلێمانی دڵنیایی ده‌داته‌ هاووڵاتیان
PM:03:54---17-10-2017
ئه‌م بابه‌ته 8449 جار خوێنراوه‌ته‌وه‌‌
لڤین:
قائیمقامی سلێمانی له‌گه‌ڵ ته‌واوی ئه‌ندامان و سه‌رۆكی لیژنه‌كانی سه‌ر به‌ لیژنه‌ هاوبه‌شه‌كانی قائیمقامییه‌تی سلێمانی كۆده‌بێته‌وه‌، و دڵنیایش ده‌داته‌ هاووڵاتیانی شاری سلێمانی كه‌، نرخی كاڵاو شمه‌ك و جێگیر ده‌بێت، و سه‌رجه‌م لیژنه‌كانیشی راسپارد به‌دواداچوونی زیاتر له‌وباره‌یه‌وه‌ بكه‌ن.

ئاوات محه‌مه‌د قائیمقامی سلێمانی، له‌دیوانی قائیمقامییه‌ت به‌مه‌به‌ستی پێداچوونه‌وه‌ به‌ ئیش و كاره‌كانیان، له‌گه‌ڵ نوێنه‌ران و ئه‌ندامانی سه‌رجه‌م لیژنه‌كانی سه‌ر به‌لیژنه‌ هاوبه‌شه‌كان  كۆبوویه‌وه‌، له‌ سه‌ره‌تای كۆبوونه‌وه‌كه‌دا داوای له‌ سه‌رجه‌م لیژنه‌كان كرد به‌ گروتینێكی زیاتره‌وه‌ چاودێری كۆگاو بازار و شوێنه‌ گشتییه‌كان بكه‌ن و به‌هه‌موو جۆرێك رێگری بكه‌ن له‌و كه‌سانه‌ی ئیستغلالی باردودۆخی ئێستا ده‌كه‌ن، تاوه‌كو  به‌رژه‌وه‌ندی هاوڵاتیان پارێزراو بێت.

داواشی له‌ سه‌رجه‌م لیژنه‌كان كرد"به‌هه‌ماهه‌نگی له‌گه‌ڵ لیژنه‌ی باڵا ژماره‌ی سه‌ردان و به‌دواداچوونه‌كانیان زیاتر بكه‌ن و  به‌ به‌رنامه‌یه‌كی تۆكمه‌ تر و باشتره‌وه‌ كاربكه‌ن و بارودۆخی ئێستای كوردستانی تێدا ره‌چاوبكرێت".

له‌ به‌شێكی تری كۆبوونه‌وه‌كه‌دا  قائیمقامی سلێمانی ئه‌وه‌ی خسته‌ڕوو كه‌،  بری پێویستی شمه‌ك له‌ كۆگاكانی شاری سلێمانیدا هه‌یه‌و هیچ كێشه‌یه‌ك له‌ ئارادا نییه‌، به‌وهۆیه‌شه‌وه‌ داوای له‌ لیژنه‌كان كرد كه‌ رێگری له‌ به‌رزبوونه‌وه‌ی  نرخ بكه‌ن، له‌ باره‌ی سوته‌مه‌نیشه‌وه‌ رایگه‌یاند"بری پێویستی سوته‌مه‌نی له‌ به‌نزینخانه‌كاندا هه‌یه‌ و نرخی سوته‌مه‌نی به‌ به‌راورد به‌ پارێزگاكانی تری هه‌رێمی كوردستان كه‌متره‌، هۆكاری ئه‌مانه‌شی گه‌ڕانده‌وه‌ بۆ هاوكاری و هه‌ماهه‌نگی  فه‌رمانگه‌و به‌ڕێوه‌به‌رایه‌تییه‌كانی سنوری پارێزگای سلێمانی".

 له‌ كۆتایی كۆبوونه‌وه‌كه‌شدا دڵسۆزی و هه‌وڵ و  ماندووبونی لیژنه‌ هاوبه‌شه‌كانی به‌رز نرخاند و داوای لێكردن به‌ دڵسۆزی و ئه‌مانه‌ته‌وه‌ ئه‌ركی سه‌ر شانیان ئه‌نجام بده‌ن.



حكومه‌ت ده‌ستكاری مووچه‌ی ئه‌م توێژه‌ ناکات
‌حزبی‌ دیموكرات ئاماری چالاکیییەکیان ئاشکرا دەکەن
پەرلەمانی كوردستان بانگهێشتی پەرلەمانتاران دەكات بۆ كۆبوونەوە
تەمەللی: هه‌ر 8 كورسیه‌كه‌ی شاری وان بۆ هه‌ده‌په‌ ده‌بێت
هۆشیار عه‌بدوڵا: له‌ هه‌رێم ئابڕوبه‌رترین هه‌ڵبژاردن ئه‌نجام دراوه‌
‌ئاسایش كه‌سێكی به‌ چوار جۆر مادده‌ی هۆشبه‌ره‌وه‌ ده‌ستگیركرد
كۆسره‌ت ره‌سول: شه‌هیدان و تێكۆشه‌ران سه‌رمایه‌ی ئه‌م گه‌له‌ن
ئەمڕۆ وادەی یاسایی ئەنجومەنی پاریزگاکان کۆتایی دێت
گۆڕانکاری لە ٦٠ پۆستی وەزارەتی پێشمەرگەدا دەکرێت
سەزای تەمەللی لە شاری وان دەنگیدا
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە