"دەنگەکانتان ڕۆژێك لە ڕۆژان بە فیڕۆ ناچێت"
مەسعود بازرانی دوای 24 کاتژمێر لەئاڵۆزی کوردستان و ونبوونی دەرکەوت
PM:06:04---17-10-2017
ئه‌م بابه‌ته 14468 جار خوێنراوه‌ته‌وه‌‌
لڤین:
مەسعود بارزانی سەرۆکی پارتی دیموکراتی کوردستان پەیامێکی لەسەر ئاڵۆزییەکانی چەند ڕۆژی رابردووی هەرێمی کوردستان و کەرکوک و ناوچە جێ ناکۆکییەکانی عێراق بڵاوکردەوە.

دەقی پەیامەکەی بارزانی:.

بەناوی خودای بەخشندە و میهرەبان

جەماوەری خۆشەویستی كوردستان

ڕای گشتیی كوردستان و عێراق و جیهان

بە درێژایی مێژوو گەلی كوردستان لەژێر هەڕەشە و زوڵمدا بووە و مافەكانی پێشێل كراوە. لەو مێژووەدا گەلی كوردستان بەرگریی لە ناسنامەی خۆی كردووە و تووشی جینۆساید و كۆمەڵكوژی هاتووە كە دوایینیان پەلاماری دڕندانەی تیرۆریستانی داعش بووە بۆ سەر كوردستان و جینۆسایدی كوردانی ئێزیدی. لەگەڵ ئەوەیشدا گەلی كوردستان هەمیشە لە ڕوانگەی چارەسەری ئاشتیانەدا هەنگاوی ناوە و هیچ كاتێك شەڕمان نەویستووە، بەڵكو شەڕمان بەسەردا سەپێندراوە و هەموو هەوڵێكمان بۆ چارەسەری ئاشتیانە داوە بۆ مانەوەمان و گەییشتنمان بە ئامانجەكانمان. ئامانجی سەرەكیشمان هەمیشە ئاساییش و مافەكانی گەلی كوردستان بووە.

هاووڵاتیانی خۆشەویست

ئەوەی لە شاری كەركووك ڕووی داوە، دەرئەنجامی بڕیاری تاكلایەنەی چەند كەسێك لەنێو لایەنێكی سیاسیی ناوخۆی كوردستان بوو، كە دواجار بووە هۆی ئەوەی هێزەكانی پێشمەرگە بەو شێوەیەی كە دیترا پاشەكشە بكەن و لە دەرئەنجامی ئەم پاشەكشەیە، هێڵی تەماسی پێش دەستپێكردنی ئۆپەراسیۆنی ئازادكردنی موسڵ لە 17ـی 10ـی 2016 لەنێوان بەغدا و هەولێر بووە بە بنەمای لەیەكگەییشتن لە چۆنییەتیی بڵاوەپێكردنی هێزەكانی عێراقی و هەرێمی كوردستان.

جەماوەری كوردستان دڵنیا دەكەینەوە ئەوەی پێویستە و دەكرێ، لەپێناو پاراستنی دەستكەوتنەكانمان و ئارامی و ئاساییشی خەڵكدا ئەنجامی دەدەین.

ئێستایش داكۆكی لەسەر پاراستنی یەكڕیزی و خۆڕاگریی گەلی كوردستان و هێزە سیاسییەكان دەكەینەوە و، داوایش لە دەزگەكانی ڕاگەیاندن دەكەم بە گشتی لە ڕوانگەی هەستكردن بە بەرپرسیارێتیی نەتەوەیی و نیشتیمانی مامەڵە لەگەڵ بارودۆخی هەستیاری كوردستان و عێراقدا بكەن.

گەلی خۆڕاگری كوردستان، جەماوەری دڵسۆز و خۆبەخشەكان، پێشمەرگە قارەمانەكان، كەسوكاری شەهیدە سەربەرزەكانمان، ئەو خوێنەی ڕۆڵەكانتان لەڕێگەی ئازادیی كوردستان بەخشیویانە و ئیمڕۆش هەر دەبەخشرێ، ئەو دەنگە زوڵاڵە بەرزەی كە بۆ سەربەخۆیی كوردستان خستانەڕوو و گەیاندتانە گشت گەلان و وڵاتانی جیهان، ڕۆژێك لە ڕۆژان بە فیڕۆ ناچێت و بەفیڕۆیش نایدەین.

گەلی كوردستان بە هیمەتی هێز و ڕۆڵە قارەمانەكانی زوو یان درەنگ هەر دەگاتە ئامانجە ڕەوا و پیرۆزەكانی. ئیمڕۆ ڕۆژی باوەڕبوونە بە هێز و یەكڕیزیی گەلەكەمان.

مسعود بارزانی

17ـی 10ـی 2017



بزوتنەوەی گۆڕان پڕۆژەکەی بۆ پێکهێنانی حکومەتی کاتی بڵاودەکاتەوە
حکومەتی هەرێم وەڵامی قسەکانی عەبادی دەداتەوە
عەلی حەمەسالەح: بەرپرسانی هەرێم تا چەندین ساڵی دیکە نەوتی هەرێمیان فرۆشتووە
بەڕێوەبەری کارەبای سلێمانی:ئەمساڵ کەمتر کارەبا دەدرێت بەراورد بە پار
ئەو ڕێکخراوەی عەلی قەرەداخی سەرۆکایەتی دەکا خرایە لیستی تیرۆرەوە
عەبادی:حکومەت پابەندە بە گواستنەوەی دەسەڵاتەکان بۆ پارێزگاکان
حکومەتی هەرێمی کوردستان داوایەک دەخاتە بەردەم حیزبەکان
پۆلیسی سلێمانی سێ کەس بە ئاڵتونی ساختەوە دەستگیر دەکات
گۆڕێکی بەکۆمەڵ لە شەنگال دۆزرایەوە
گۆڕان:لەئەگەری دروستنەکردنی حکومەتی کاتی بژاردەی ترمان هەیە
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە