ئه‌ردۆغان: ئیسرائیل تیرۆریسته‌
PM:02:03---16-12-2017
ئه‌م بابه‌ته 2196 جار خوێنراوه‌ته‌وه‌‌
لڤین:
له‌ شاری ئیستانبوڵی توركیا، لو‌تكه‌یه‌كی به‌په‌له‌ی رێكخراوی هاریكاریی ئیسلامی له‌باره‌ی ئۆرشه‌لیم (قودس) ده‌ستی به‌ كاره‌كانی كرد، كه‌ 16 سه‌رۆك و سه‌رۆكی شاندی وڵاتانی ئه‌ندام به‌شدارییان تێداكردووه‌.

پاش ئه‌وه‌ی هه‌فته‌ی رابردوو، دۆناڵد تره‌مپ، سه‌رۆكی ویلایه‌ته‌ یه‌كگرتووه‌كانی ئه‌مریكا ئۆرشه‌لیم (قودس)ی به‌ پایته‌ختی ئیسرائیل ناساند و داوای له‌ وه‌زاره‌تی ده‌ره‌وه‌ی وڵاته‌كه‌ی كرد، باڵیۆزخانه‌ی ئه‌مریكا له‌ ته‌لئه‌بیبه‌وه‌ بگوازنه‌وه‌ ئۆرشه‌لیم (قودس)، ناڕه‌زایه‌تییه‌كی زۆری له‌ناو وڵاتانی عه‌ره‌بی و ئیسلامی لێكه‌وته‌وه‌ و ده‌یان هه‌زار كه‌س دژی بڕیاره‌كه‌ خۆپیشاندانیان ئه‌نجامدا.


ره‌جه‌ب ته‌یب ئه‌ردۆغان، سه‌رۆككۆماری توركیا له‌ سه‌ره‌تای ده‌ستپێكردنی كاره‌كانی لوتكه‌كه‌دا وتارێكی پێشكه‌شكرد و ووتی"بڕیاره‌كه‌ی تره‌مپ پاداشتی ئیسرائیله‌ به‌رامبه‌ر كرده‌وه‌ تیرۆریستییه‌كانی و "قودس" هێڵی سووره‌ بۆ موسڵمانان".


ئه‌ردۆغان له‌ سكرینی هۆڵه‌كه‌دا وێنه‌ی سه‌ربازانی ئیسرائیلی نیشانی ئاماده‌بووان دا و ووتی"ئه‌وه‌ ره‌فتاره‌كانی ئیسرائیله‌ به‌رامبه‌ر منداڵان و بڕیاره‌كه‌ی تره‌مپیش دژی پرۆسه‌ی ئاشتییه‌ و ئیسرائیل ژماره‌یه‌كی زۆر رێكخراوی تیرۆریستی هێناوه‌ته‌ ئۆرشه‌لیم (قودس).


هه‌روه‌ها رەجەب تەییب ئەردۆغان، سەرۆك كۆماری توركیا، ئیسرائیلی تۆمەتبار كرد بەوەی كە كردەوەی تیرۆرستی ئەنجام دەدات و ئاشكرای كرد، ئیسرائیل خاوەن دەزگا و سیستەمێكی تیرۆرستییە و منداڵی تەمەن دە ساڵ لە فەڵەستین دەكاتە ئامانج".



پێش ده‌ستپێكردنی لوتكه‌ نائاساییه‌كه‌، مه‌ولوود چاوشئۆغڵو، وه‌زیری ده‌ره‌وه‌ی توركیا، له‌ كۆبوونه‌وه‌ی وه‌زیرانی ده‌ره‌وه‌ی رێكخراوی هاریكاری ئیسلامی ووتی"پێویسته‌ هه‌موو وڵاتانی رێكخراوه‌كه‌ دان به‌ ده‌وڵه‌تی فه‌ڵه‌ستین دا بنێت، ده‌بێت هه‌موومان بۆ ئه‌و ئامانجه‌ تێبكۆشین".

هه‌روه‌ها ووتی"ده‌بێت وڵاتانی دیكه‌ هانبدرێت له‌سه‌ر بنه‌مای سنووره‌كانی ساڵی 1967 دان به‌ ده‌وڵه‌تی فه‌ڵه‌ستین بنێن و پایته‌خته‌كه‌ی "قودسی رۆژهه‌ڵات بێت".





بریتانیا،ئەڵمانیا و فەرەنسا: هیچ شتێک ڕەوایەتی بە کوشتنی خاشقچی نادات
هەسەدە: لەڕوبەڕوبونەوەیەکدا شەش چەکداری داعس کوژراون
بەلەمێکی کۆچبەران لەتورکیا نوقمبوو
ترەمپ و ئەردۆغان بەڵینی ئاسایی کردنەوەی پەیوەندیەکانیاندا
جۆ بایدن:ئیدارەکەی ترەمپ ناوبانگی ڕەوشتی ئێمەی لەکەدار کردوە
دوو وەزیری حکومەتەکەی ڕۆحانی دەستیان لەکارکێشایەوە
نەتەوە یەکگرتوەکان داوای لێپرسینەوە لە کوژرانی خاشقچی دەکات
ترەمپ:گێرانەوەکانی سعودیە لەسەر کوژرانی خاشقچی ڕاستن
سعودیە کوژرانی خاشقچی لەکونسوڵخانەی وڵاتەکەیدا ئاشکراکرد
ئەردۆغان: دەبێ لەماوەی ٩٠ ڕۆژدا یەپەگە مەنبج چۆڵ بکات

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە