"حکومەتی ناوەند بەڵێنی کردنەوەی فڕۆکەخانەکانی داوە"
PM:04:07---17-12-2017
ئه‌م بابه‌ته 7220 جار خوێنراوه‌ته‌وه‌‌
وەزیری گواستنەوە و گەیاندنی حکومەتی هەرێمی کوردستان ڕایگەیاند حکومەتی عێراق بەڵێنیداوە کە بەرلە هاتنی ساڵی نوێ فڕۆکەخانەکانی هەرێمی کوردستان بکاتەوە.

مەولود باوەموراد وەزیری گواستنەوە و گەیاندنی حکومەتی هەرێمی کوردستان ئەمڕۆ یەکشەممە ١٧\١٢\٢٠١٧ لە کۆنگرەیەکی ڕۆژنامەوانیدا ڕایگەیاند لە کۆبونەوەی نوێنەری وڵاتانی بیانی لەهەرێمی کوردستان حکومەتی ناوەند بەڵێنی ئەوەی داوە بەرلە سەری ساڵ فڕۆکەخانەکانی هەرێم بکرێنەوە.

وتیشی سەرەڕای ئەوەی هەوڵەکانمان بۆ کردنەوەی فڕۆکەخانەکان تائێستا بەغدا هیچ وەڵامێکی دیاریکراوی نەداوینەتەوە و وادەیەکی دیاریکراوی دانەناوە بۆ کردنەوەیان.

هەروەها ئاماژەی بەوەدا کە بەغدا لەکۆبونەوەی نوینەرانی وڵاتانی بیانیدا بەڵێنی کردنەوەی فڕۆکەخانەکانی هەرێمی داوە بەڵام تائێستا ئێمە بە شیوەی فەرمی پێمان نەگەیشتوە.

سەبارەت بە ڕەوانە کردنی بەڕێوەبەر و ئەفسەر لەلایەن حکومەتی ناوەندەوە بۆ فڕۆکەخانەکان وتی هیچ ئەفسەر و بەڕێوەبەرێک لەلایەن بەغداوە ڕەوانە نەکراوە و وتیشی تاکو گفتوگۆ و دانوستان نەکرێ ئێمە ئامادەنین فڕۆکەخانەکان ڕادەست بکەین.




بەڕیوەبەری کۆنترۆڵی کارەبای هەرێم:ڕۆژانە ٢٠ کاتژمێر کارەبای نیشتیمانی دەدەینە هاوڵاتیان
کۆمسیۆن:ئەنجومەنی کۆمسیاران ٦١٤ سکاڵای ڕەتکردۆتەوە
سلێمانی: خوێندکارانی پزیشکی گردبونەوەیان ئەنجامدا
کەش و هەوای ئەمڕۆ و سبەینێ
ئەو بڕیارەی بۆ هەڵوەشاندنەوەی فەرمانگەی گستی ڕەگەزنامەی هەرێم دەرکرابوو ڕاگیراوە
موچەی خانەنشینان دابەشدەکرێت
دواین زانیاری لەسەر دادگایکردنی دەمیرتاش
مەسعود بارزانی ئاراستەی لایەنە سیاسییەکان دەکات
پارتی: بۆئەوەی هەڵبژاردن له‌كه‌دار نه‌بێت، نه‌رمیمان نوواندووه‌
دەستلەکارکێشانەوە لەناو گۆراندا بەرپرسانی باڵا دەگرێتەوە

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە