قوباد تاڵەبانی لەسەر گرتە ڤیدیۆیی هێرش کردنە سەر گەنجەکە هاتە دەنگ
AM:09:46---22-09-2018
ئه‌م بابه‌ته 868 جار خوێنراوه‌ته‌وه‌‌
قوباد تاڵەبانی جێگری سەرۆکی حکومەت و هاوکات کە ئێستا سەرۆکی لیستی یەکێتیشە بۆ هەڵبژاردنەکان لەسە ر ئەو گرتە ڤیدیۆییەی کە گەنجێک لەلایەن چەکدارێکەوە هێرشی دەکرێتە سەر هاتە دەنگ و ڕایگەیاند ئەو گرتە ڤیدیۆییە هیچ گۆشەو دەرفەتێكی بۆ موزایەدەی سیاسی‌و میدیایی تێدا نییە.

قوباد تاڵەبانی لە پەیامیکدا لەوبارەیەوە کە لە پەیجی تایبەتی خۆی لە فەیس بوک بڵاوکردۆتەوە رایگەیاندوە گرته‌یه‌كی ڤیدیۆیی له‌ تۆڕه‌ كۆمه‌ڵایه‌تییه‌كان بڵاوه‌ كه‌ تێیدا پیشه‌وه‌رێك له‌لایه‌ن چه‌كدارێكه‌وه‌ تووشی ئه‌شكه‌نجه‌و سووكایه‌تی ده‌بێته‌وه‌، ئه‌مه‌ش ھه‌مومانی وه‌ك یه‌ك نیگه‌ران و توڕه‌ كردووه‌.

دەشڵێ ئه‌وه‌ی جێگه‌ی خۆشحاڵییه‌ داموده‌زگا ئه‌منی و یاساییه‌كان له‌ رۆژی ١٣ی ئه‌یلوله‌وه‌ ئه‌ركی خۆیان به‌جێھێناوه‌ و ھێرشبه‌ریان خستۆته‌ ژێر رێككاری یاسایی و له‌ دوا ھه‌نگاویشدا سه‌رۆكایه‌تی دادگای تێھه‌ڵچونه‌وه‌ی سلێمانی جه‌خت له‌گرتنه‌به‌ری ھه‌موو رێكاره‌ یاساییه‌كان به‌رانبه‌ر كه‌سی ھێرشبه‌ر ده‌كاته‌وه‌.

نوسیویەتی ئەو كەیسە بەهی خۆمان دەزانین‌و لە هەنگاو بەهەنگاوی رێوشوێنە یاساییەكاندا چاودێری جێبەجێكردنی فەرمانی یاسا دەبین، ئەمەش واتای راستەقینەی ئارامی‌و دابینكردنی ئاسایشە كە لەهەموو كەیسەكاندا یاسا سەروەرو بڕیادەر بێت‌و هیچ سەرپێچیكارێك بەبێ لێپێچینەوەو سزا دەرباز نەبێت.

ئاماژە بۆ ئەوەشدەکات کە ئەم كەیسە رێوشوێنی تێدا گیراوەتەبەر هیچ گۆشەو دەرفەتێكی بۆ موزایەدەی سیاسی‌و میدیایی تێدا نییەو كەرامەتی مرۆڤ زۆر لەوە شكۆدارترە بكرێتە بابەتی كەرەستەیەك بۆ بانگەشەی هەڵبژاردن، بە دڵنیاییەوە ئەگەر لەكەیسەكانی هاوشێوەی پێشودا لە هەموو جێگایەك وەك ئەم كەیسە رێوشوێنی یاسایی خێرا بگیرایەتەبەر، چیتر خەڵكیتر هێندە بێباكانە رێگەی سنوربەزاندنیان بەخۆیان نەدەدا.




خوێندکارانی زانکۆی سلێمانی زیاتر لە چوار هەزار ئیمزایان دایە سەرۆکایەتی زانکۆ
وەزیری تەندروستی: بەراورد بە چەند ساڵی پێشوو تەندروستی خەڵک و دامەزراوەکان باشتر بووە
پۆلیسی سلێمانی چوارکەسی بەتۆمەتی جادوو و دەستدرێژی بۆسەر ژنان دەستگیرکرد
نێچیرڤان بارزانی:لەئایندەدا پەیوەندیەکانمان لەگەڵ بەغدا بەرەوپێش دەچێت
پارتی و یەکێتی ڕاگەیەنراوێکی هاوبەشیان بڵاوکردەوە
ئیسرائیل هه‌ڕه‌شه‌ی هێرشی سه‌ربازی له‌ ئێران ده‌كات
شاندی پارتی و یەکێتی لەکۆبونەوەدان
بەهۆی بارانەوە جارێکی تر ڕێگەی نێوان دەربەندیخان کەلار داخرا
فڕۆکەکانی تورکیا چەند ناوچەیەکی هەرێمیان بۆردومان کرد
کارەبای سلێمانی وەرگرتنی پارەی کارەبا ڕادەگرێت

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە