رسوابوونی ئەردۆغانی فاشیست
لەتیف فاتیح فەرەج
PM:03:12---09-02-2018
ئه‌م بابه‌ته 1043 جار خوێنراوه‌ته‌وه‌‌

ئەگەر ناوەندی ئاینی یان سەنتەری ئیسلامی سونە سعودیە یان ئەزهەری میسر بێت ، ئەوە بە هۆی سیاسەتەچەوت و چێڵەكانی ئەردۆغانەوە هیچ یەك لەو دوو ناوەندە لە ئەردۆغان رازی نیە ، دیارە نەجەف و قومیش كە وەك ناوەندی شیعە سەیر دەكرێن خۆشیان بە ئەردۆغاندا نایەت ، پەنا بردنی ئەردۆغان لە نێو ئەو گێژاوەی خۆی توركیای تێخستووە بۆ لای پاپای ڤاتیكان و دەست و دیاریەكانی بۆ ئەوەی لە گێژاوەكە دەربچێت ، جگە لە رسوای هیچی تری لێ‌ سەوز نەبوو ، پاپا زیاتر نوێنەرێكی ئاینیە نەك سیاسی ، بۆیە ئەو كەمتر ئاوڕ لە سیاسەت دەداتەوە ، مەگەر بۆ ئامۆژگاری كردن ، ئامۆژگاریش بۆ ئەوانەیە كە شەڕەنگێزن و كێشە بۆ مرۆڤایەتی دروست دەكەن .
رەجەب تەیب ئەردۆغان هێشتا بەرهەمی سەردانەكەی بۆ ڤاتیكان نەچنیەوە ، هەرچەند هیچی تیا نەبوو ، پارلەمانی ئەوروپا سوك و رسوایان كرد ، پارلەمانی ئەوروپا جگە لەوەی لە دەرەوەی كۆبونەوەفەڕمیەكەیان لە بارەی عەفرین و سوپای توركیاوە زیاتر لە 90 پارلەمانتار واژویان كۆكردەوە بۆ ئەوەی توركیا دەست لە لەشكر كێشی سەر عەفرین هەڵبگرێت ، لە نێو پارلەمانیشدا زۆربەی قسە كەرەكان بە جۆرێك قسەیان كرد كە ئەگەر ئەردۆغان بای گەردیلەیەك ئابڕوی هەبێت دەبێت هەر چی زووە دەست لە كاری سیاسی بكێشێتەوە .
پەرلەمانتارانی ئەوروپا ئەردۆغانیان وەك دیكتاتۆر ، مرۆڤ كوژ ، رۆژنامە كوژو ئازادی كوژ نیشاندا ، ئەوان باسی گرتنی رۆژنامەنوسان و دادوەران و نوسەران و ئەفسەران و ئەندامانی ئۆپۆزسیۆنیان كرد ، هەروەها باسی پەلاماری دڕندانەی سەر عەفرین و نەبوونی دیموكراتیان كرد لە توركیا ، قسەكان زۆر ڕوون و ڕاشكاو بوون ، ئێستا ئەگەر ئەردۆغان لە پاپاش شتێكی هەڵكڕاندبێت ، كە نەبووە ، كۆبونەوەكەی پەرلەمانی ئەوروپا و سەرزەنشتی توندی توركیا تێیدا كە ئەمەیان ناوەندە سیاسیەكەیە نەك ڤاتیكان خەونی ئەردۆغانی بە تەواوەتی زڕ كرد .
ئەردۆغان بە هاوكاری ئاقڵمەندانی ئاكەپەو گەلانی توركیا لە سەڵانی رابردوودا توركیای تا ئاستێكی باش بەرەو پێشەوە برد ، لێ‌ لەم ساڵانەی دوایدا و بە تایبەت كردنەوەی دەرگا بۆ هاتنی داعش بۆ عێراق و سوریاو پەلاماری كوردانی رۆژئاواو هەروەها تارو مار كردنی گولەنیەكان و بەرتەسككردنەوەی دیموكراتی و دەست لە بینە قاقانانی ئاكەپەو هاوڕێكانی  وای كرد كە خۆی و توركیا و ئاكەپە بخاتە كەنارێكی خراپی دنیاوە ، بێ‌ دۆستی تاڕادەی مردن ، ئەمەش ئایندە زیاتر كاركەناری دەخات ، ئەگەر زۆر زوو بە خۆیدا نەچێتەوەو دەرگای ئاشتەوای بۆ كورد لە باكورو رۆژئاڤا نەكاتەوە .






زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە