بە كورتی لە بارەی گۆڕانەوە
لەتیف فاتیح فەرەج
PM:12:21---03-03-2018
ئه‌م بابه‌ته 2036 جار خوێنراوه‌ته‌وه‌‌

بزوتنەوەی گۆڕانی دوای رەوانشاد نەوشیروان مستەفا ، پێویستە بە هەڵوەستەو بە خۆدا چونەوەو رەخنە گرتنی زیاترە ، ئەمەش لە پێناوی ئەو ئامانج و خەونەدا كە بزوتنەوەكەی بۆ دروستكرا ، ناكرێت بەهیچ بیانویەك ئەو بزوتنەوەیە وا وێنا بكرێت كە لە سەرو رەخنەوە یەو دەبێت چاوپۆشی لە كێماسیەكانی بكرێت ، وەك ئەوەی دەنگۆیەكی لەو شێوەیە هەیە ،بزوتنەوەكەبە رەخنەی ئەرێنی بەرەو پێشەوە دەچێت و بە چاوپۆشی لێكردن وێران دەبێت ، نەبوونی پەیڕەو رێبازێك بۆ كاركردنی خانەی راپەڕاندن ، نەبوونی كۆدەنگی وبڕیاری دەستە جەمعی ، ناڕوونی داهات و سەرمایەی بزوتنەوەكە ، لێڵی بواری میدیای بزوتنەوەكەو ناكارایی دەزگا میدیاییەكانی ، هەموو ئەمانە كەمو كوڕین ودەبێت قسەیان لە سەر بكرێت ، نەوشیروان مستەفا بزوتنەوەی گۆڕانی بۆ گۆڕانكاری و تێپەڕاندنی دۆخی چەقبەستوی یەكێتی  و پارتی دروست كرد ، نەك بۆ لاسایی كردنەوەی كت و متی ئەوان ، تا ئەو ئاستەی رەخنە گرە ناحەزەكانی ئەو بزوتنەوەیە لە گەڵ ئەوانی تردا بە یەك چاوسەیریان بكەن ، ئەركی سەرانی ئەوبزوتنەوەیە ، لە خانەی راپەڕاندن وجیڤاتەكان ئەوەیە سیماكانی لێكچوون و بەراورد قەبوڵ نەكەنو كاربۆ ئەوە بكەن كە بزوتنەوەكە وەك بزوتنەوەیەكی سیاسی تازەو دژە گەندەڵی و نادادی ودامەزرێنەری حكومەتی هاوڵاتی درێژە بەبەرنامەكەی خۆی بدات وعەیب و عارەكانی نێو خۆیشی چارەسەر بكات، نەك ئەوەی كاربۆ شاردنەوەی بكات .
بە باوەڕی من پێویستە بزوتنەوەی گۆڕان بێ‌ سڵەمینەوەوبە خێرایی لیژنە و گروپی بە دواداچوون بۆ كێشەوگیرو گرفتە ناوخۆییەكانی دروست بكات ولە كۆی كێماسیەكانی رابردووشی بكۆڵێتەوە ، هەر لە وازهێنانی كارەكتەرە جیاجیاكانیەوە ، تا دەگاتەچۆنێتی مامەڵە كردنی لە گەڵ پارتی ویەكێتی و ئەوانی تر ، هەروەها بە دیقەتەوە گوێ‌ بۆ رەخنەی هەڵسوڕاوانی هەڵبخات و بە هەندیان وەربگرێت و چارەسەریانبۆ بدۆزێتەوە ، ئەمەش لەو روانگەیەوە كە ئەو بزوتنەوەیە سەرەڕای تازەییەكەی ، هێشتا بەرفراوانترین بزوتنەوەی سیاسی رەخنەگرو زندوی باشوری كوردستانەو هیچ هێزێك لە ئێستاوداهاتووی نزیكدا ناتوانێ‌ هەنگاوەكانی ئەوبنێت .
جیاكردنەوەی بزوتنەوەی گۆڕان لەوانی تر بەشێكی گرنگی پەیوەستە بە بوێری قسەكردن و دەنگ هەڵبڕینەوە ، ئەگەر ئەو قسە كردن و دەنگ هەڵبڕینە سەبارەت ناوخۆی بزوتنەوەكە رووبەڕووی بێدەنگ كردن بێتەوە ، یان كار بۆ پینە كردن بكرێت لە بری چارەسەر ، كەواتە بوزتنەوەكە لە دەرەوەی خۆیدا ناتوانێت عیچ هەنگاوێكی ئازایانەی تر بنێت ، بۆ ئەمە پێویستە جیڤاتی نیشتمانی ئازایانەو بوێرانە دیست لە سەر كێماسیەكان دابنەن و رێچارەكانیش دیاری بكەن .







زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە