چەمانەوە بۆ عێراق
لەتیف فاتیح فەرەج
AM:11:48---15-03-2018
ئه‌م بابه‌ته 671 جار خوێنراوه‌ته‌وه‌‌

1
بارزانی بە بۆنەی كردنەوەی فڕگەكانەوە پەیامێكی داو بە كارێكی باشی زانی ، لێ‌ دەڵێت كێشەی هەرێم و بەغدا بەس بودجەو فڕگە نیە ، راستە كێشە بەس كردنەوەی فڕگەو بودجە نیە ، بەڵام بۆ كار گەیشتە ئەوە، ئایە هەر لەسەر خیانەتی 16ی 10 دایبكوتین ، یان بگەڕیچینەوە بۆ ریفراندۆمە ناقۆڵاكە كە سەری كوردی لە هەش نا ، بۆ زانیاری بارزانی فڕگەكان لە 29ی 9 داخران ، ئەردۆغان چەند رۆژی كەم دوای ریفراندۆم هەڕەشەی لە بارزانی كرد كە لە كورسیەكەی دەیهێنێتە خوارەوە ، هێشتا 16ی 10 نەهاتبوو ، هەندێك شوێن و ناوچە چۆڵكرا ، ئەو پێشمەرگانەی لە كەركوكیش شەهید بوون هەموو یەكێتی بوون ، خۆزگا چوار پارتیشیان تیا بوایە بۆ ئەوەی ئێستا گوتبامان بارزانی شەڕی دژی خیانەت كرد ، ئەوە كەركوك و ئەوەش عەفرین .
2
لادانی ئاڵاكانی سەرسنگ لە فڕگەكان ، كەوتنە دوای ئەستێرە بە شانەكانی بەغداو هەڵقونانەوە لە بەردەمیان ، ئاكامی نەخوێندنەوەی بارو دۆخە ، دەركەوت ریفراندۆم بۆ سەربەخۆی نەبوو ، بۆ چەمانەوەی زیاتر بوو ، ئیتر با هەر كاكە حەمەی حاجی مەحمود لای وابێت ریفراندۆم سڕ نەكراوە ، دوای 13 ساڵ لە خۆخاوەنی و ململانێی حزبایەتی لە ناو كەركوك و تاڵانی نەوت و تبیاتەی شەوان و شتی  تر ، شروگیەك پێی وتم هویتك ، سڵاو لە ریفراندۆمی چەمانەوەو خاك بە دەستەوە دان .
3
لانی كەم نوسەران و رۆشنبیران و مامۆستایانی زانكۆو هونەرمەندانی هەولێر كە هیچ ناكەن ، با لە پێناوی گێڕانەوەی فەرهاد پیرباڵ بۆ نێو ژیان بەیاننامەیەك دەربكەن ، با سەردانی بكەن و لە ئازارەكانی بارە دەرونیەكەی كەم بكەنەوە ، خۆ ئەوە هیچی تێناچێت ، یان ئەوەش پێویستی بە مۆڵەتی پارێزگارو پۆلیس و دەزگا تەناهیەكانە ، ئەرێ‌ كاتی خۆی كە ئەو هەموو زێرەڤانیە دژی سروە ڕژلنە سەر جادە لە هەولێر مۆڵەتیان لە پارێزگارو پۆلیس ئەفەندی وەرگرتبوو ، لە راستیدا لە دانیشتنێكی تایبەت لە گەڵ فەڕەنسیەكان ویستم باسی دۆخی فەرهاد بكەم ، لێ‌ گوتم ئەدی ئەوانی هەولێر.
4
ئێستا ئەوانەی رادەستی عێراق كراونەتەوە بریتین لە 51%ی خاكی كوردستان ، فڕگەكان ، خاڵە گومرگیەكان ،  زۆربەی بیرە نەوتەكان ، ئاسمانی هەرێم و زۆر شتی تر خوا بكەم لەوەندە بوەستێ‌ .







بۆ كاك ئاری هەرسین لە بری كاك قادری حاجی عەلی
نەوشیروان مستەفاو ئەم تایپە
چەمانەوە بۆ عێراق
بە كورتی لە بارەی گۆڕانەوە
ئاڵاو سروەو نەتەوە پەرستی گەوج
سوكایه‌تی كردن به‌ پێشمه‌رگه‌
رسوابوونی ئەردۆغانی فاشیست
عفرین سەردەكەوێت، بەڵام
چی بكرێت بۆ ناوچە دابڕێنراوەكان
رائیدیەكەی من و عە میدیە كە ی شاناز خان و حزبی كوردی
خۆپیشانده‌ران و لینا بارزانی
كێ‌ قازانج لە رادەستكردنەوەی هەرێم بە بەغدا دەكات
كوردو نامەكەی ریكس تیلەرسن
قوباد تاڵەبانی و فیرعەونەكان
كاممان دەستی پێوە بگرین تۆ یان ئێمە
12345678910...
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە