ئەتوبنووسە ئەمن تەئلیفی دەكەم
لەتیف فاتیح فەرەج
AM:11:22---15-08-2018
ئه‌م بابه‌ته 683 جار خوێنراوه‌ته‌وه‌‌

1
ناونیشانەكە قسەیەكی بە ناو بانگی ئوستادە " بەشیر موشیر " ، ئەو پیاوەی ئێستا لە هەر كات زیاتر پێویست بووهەبێت ، لانی كەم بۆ نەفرەتكردنی ئەو هەمووسەركردە  سیاسیە نەزانەی ئەمڕۆ ، دۆستێكمان هەیە دەڵێت ئێمە لە عەزیز نەسینێكمان كەمە ، راستی حەسەنی قزڵجی هیچی لە نەسین كەمتر نەبوو ، بەڵام كورد خاوەن بوو ، جا دنیای كوردی بە نوكتە نەبێ‌ تێناپەڕێت ، شێرزاد شێخانی لەو رۆژانە نووسیبووی بۆ رۆژنامەنوسێك پرسیارم بۆ سەركردەیەك نووسیوە ،سەركردەكە تەلی بۆ كردووم وتوویەتی وەڵامی ئەو پرسیارانەم بۆ بدەرەوە .قوربان تەئلیف و نوسین و بڕین و كوڵان و دورین هەمووی یەككەسە ، ئەرێ‌ ئەوە چ شورەییەكە بە خۆت بێژی رۆژنامەنووس و داوابكەی یەكێكی تر هەواڵەكەت بۆ داڕێژێ‌، خۆت لە بن دەستی مەسئولێكیش هاوی .
2
وەڵام نەدانەوەو شتی تر 
كابرا تا دەگاتە كورسی پارلەمان ژمارەی تەلە فونەكەی دەداتە دارەكانی نێو پارك و باخچەكانیش ،حەزدەكات دارتێلەكانی كارەباش داوای ژمارەكەی لێبكەن ، هەر كە یەكەم موچەی وەرگرت ، ئیدی تەلەفونەكەی دەنووقێنێ‌ ، نوقاندن ئەما نوقاندن ، مەگەر وەك عەباس قژی بێنیتە ناوچاوی ، با چیرۆكی عەباس و قژەكە بمێنێ‌ بۆ رۆژی خۆی ، تۆ كە چەند مۆبایل و ژمارە تەلەفونێكت هەیە ، كە تویتەرو فەیس بووك و چەندین رێگای دیكە بۆ پەیوەندی دادەنەی ، هیچ نەبێت وەڵامی ئەوانە بدەرەوە كە بەڵێنت پێداون، وەڵامیان بدەیتەوە لەم رۆژانە بابایەك هاتە لام گوتی كابرا چوار ژمارەی پێداوم كەچی هەزاری بۆ لێدەدەم هەڵیناگرێت ، منیش وتم ئەزیزم یەكجاری بۆ لێدەو باشی بۆ لێدە تا هەڵیگرێت .
3
لەقەی دۆست 
مناڵ بووم چووم بۆ لادێكەی ماڵی نەنكم " نەنەهەوام " كە هێشتا ماوە ، خۆی ناوی هەواگوڵە ، ئیتر گوڵەكەیان لێكردوەتەوە ، كەرێكیان بوو " عەماش " لام وایە ئەم ناوە لە داخی عەرەبە تاڵانچیەكانی 1963 لەو كەرە نراوە ، بینیم لە تەك كەرێكی ترا شەڕێتی ، منیش بەو ئەقڵەی ئەو ساوە چووم بۆ ناوبژی جالەقەیەكێیان لێدام تا ئێستا نیشانەكەی بە سەر برۆمەوە دیارە ، لەقە بۆ ئەوەیە ، كەچی ئێستا هەموومان قوربانی لەقەی دۆستین ، لەو رۆژانە دۆستێك لەقەیەكی ناخۆشتر لە لەقەكەی كەرەكەی مناڵی لێدام ، ئەو لە پاش ملەلەقەكەی وەشاندبوو لێ‌ ئازارەكەی گەیشتە دڵم ، ئاخر من لە تەمەنما لە گوڵ كاڵترم بەو نەوتوە ، ئێستا باو باوی لەقەیە ،لە هیچ چین و توێژو دەستەیەكا بە قەدەر ناو سیاسیەكان و رۆشنبیرەكان لەقە وەشێن نیە .






زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە