بژاردەی هەڵبژارنەکان
هاورێ توانا مێرگەسەری
PM:05:42---03-08-2018
ئه‌م بابه‌ته 180 جار خوێنراوه‌ته‌وه‌‌

 ئومێد بەگۆڕنکاری سیاسی و ڕیفۆڕم لە فۆڕمی حکومڕانی شەقی بەهێزی بەر کەوتووە لەلایەک بەرەی بەردەوام لەگەندەڵی و نادادی ، تۆختر لە جاران وگەرم تر لە دوێنێ سەرگەرمی گیرفان گەرمکردنن و ئیدامە به ئەدائی خراپی حکومڕانی خۆیان ئەدەن ، لەولای تریش بەرەی بەرەنگار و بەرهەڵستکاری ئەم فۆرمە لە سیاسەت و حکومڕانی پەرتەوازە کراو و توشی کێشە هاتووە و تەقەتەقی تێ کەوتووە و بەدیار ئازارە ناوە کیەکانی خۆیەوە سەرقاڵکراوە ڕایڵەی نێوان هێزە هاودیدوو هاو ئامانجەکانی دەرەوەی دەستەڵات لاوازتر بووە لەبری ئەوە تەگبیری هاوبەش و گوتار هاوبەش بۆ نمایندە کردنی ئەم قۆناغە ئەولەویەت بێت ، کەچی کراونەتە ئۆپۆزیسیۆنی یەکتر ! بۆیە دروست ئێستا مۆدێلی( ئۆ پۆزیسیۆنی ئۆپۆزیسیۆن بەرکارە ! ) ئەم دۆخە دۆخێکی قوڵقاندووە کە خەون و خواستەکانی خەڵک هەم بۆ گۆڕانکاری ڕیشەیی و هەم ئومێد بە بەیانیەکی باشتر لە مڕۆ وا ڕۆژ بەڕۆژ خامۆشتر دە بێت ئەگەر ڕابردوو کێرڤی داواکانی خەڵک ئازادیەکی زیاتر لەو پەراوێزە ئازدیە و چاکسازی سیاسی و ئیداری و هەروا دیمۆکراسیەتێکی کامڵ تر لەو دیمۆکراسیەتە سەتحیە بوو بێت ، ئەوا بێ گومان ئێستا داواکانی خەڵک کورت کراو نە تەوە لە باشکردنی خزمەت گوزاریە سەرەتایەکان و پاشەکشە کردن بیرۆکەی پاشەکەوتی نیوە موچە ! هەر بۆیە گرنگە ددانی پێدا بنرێت ئەم فەزا خەلاقە چەندە دە ستی دەستەڵات لە دروستکردنی دا هەیە ، هێندەو نیویش هێزەکانی دەرەوەی دەستەڵات لێی بەرپرسیارن کە توانادار نەبوون له کەنالیزەکردنی ناڕەزایەکانی خەڵک ، ئستا پرسیارێکی پێج فەرزەی خەڵک بێ وڵامە ئەویش ئایە هەڵبژاردن ئەو بژاردەیه کە بتوانێت چی لە و دۆخە دروستکراوە دنیای ئێمە بگۆڕ ێت ؟






زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە