هیوایەتی گەنجەكان
شێرزاد شێخانی
PM:01:27---10-02-2018
ئه‌م بابه‌ته 914 جار خوێنراوه‌ته‌وه‌‌

لەسارانی شێستەكان وەكی ئێستا مۆبایل و فەیسبوك و سناتچات و تەڕەماشخانەمان نەبو.. سەفەریاتی ئەوروپاو ئەستانبۆل و مەلهاكانی لوبنان و جۆرجیامان نەبو.. هەبو نەبو ساری جارەك دوجار دەچوینە بەغدا ئەویش لۆ كتێب كڕین لەجادەی موتەنەبی و سەردانی مەكتەبەكانی بابولشەرجی ، هەر لەوێش دوو پیاسەی شارع رەشیدمان دەكردو ، شەوانیش لەفندق هیلال الكبیر بەدوو درهەم یان لەفندق أربیل و فندق ئەحمەد بە سێ درهەم دەنوستین.. سەفەرەكانیشمان هەموی بەنێرنی هەژدە نەفەری و رێگای هەشت سەعات ئەوجا دەگەیشتینە بەغدا.ئەو زەمان فەیسبوك وماسینجەر نەبون شەوێ هەتا سبەینێ بەدیار كچو مچانەوە دانیشین، بەنامە ناردن تەعاروفمان لەگەر خەركی دەكرد، ئەویش لەرێگای موجەلەكانی ئەو سەردەمە كە لەلاپەڕەكانی ئەخیریدا یەكدو لاپەڕەیان تەرخان دەكرد بەناوی " ركن التعارف " لەوێ هەر كەسەك بیویستبایە ناوی خۆی ورەسمیشی براو دەكردەوە لۆ ئەوەی تەعاروف لەگەر خەركی دەرەوە بكاو نامە بگۆڕنەوە.ئەوجا هەر كەسەك ناوی خۆی ورەسمەك و هیوایەتەكانی دەنوسی، هەندەك دەیاننوسی هیوایەتم موراسەلەو خڕ كردنەوەی پوولی نامەیە، هەندەك دەیاننوسی هیوایەتم خیندنەوەیە، ئەوجا ئەوەی هەمان ئەو هیوایەتەی هەبایە نامەیان لۆ یەكدی دەنوسی وشتەكانیان دەگۆڕییەوە، ئەوەی حەزی لەپوولی بەریدبایە لۆ ئەوی دی دەنارد، ئەوەی حەزی لەخیندنەوەی كتێب بایە بەنامە رای خۆیان دەگۆڕییەوە، ئاو بینەو دەست بشۆ.. ئەوە هەمو هیوایەتی گەنجان بو لەو سەردەمەدا. جگە لەوانەش هەر لەلاپەڕەكانی ئەخیری موجەلەكان گۆشەیەك هەبو بەناوی " كەلیمات موتەقاتیعە" ئەویش هیوایەتەك بو لۆ بەرزكردنەوەی ئاستی فیكری گەنجەكان، ئەمن زۆرم حەزم لێ دەكردو زۆریش مەعلان بوم لەحەلكردنی ئەو كەلیماتانە چونكی عەرەبیەكەم زۆر باش بو. لەولاشەوە سینەماش هیوایەتی زۆربەی گەنجان بو. زۆرجاریش بێ تامیان دەكرد وەكی خۆم ، كە هیچ فلیمەكم لەدەست خۆم نەدەدا هەر لە هەرقەل و ماشیستی و مسارعون العشرە ، هەتا فلیمەكانی بۆدابوت و نۆرمان ویزدەم ، تا دەگاتە فلیمەكانی عەبدولحەلیم و فەرید ئەتڕەش و ئیسماعیل یاسین وشوكری سەرحان ومەحمود ملیجی كە بەئەسڵ كوردەو خەركی ئەو كوردستانەی خۆمانە.. ئەوجا وەكی دەرێن قسە قسەی رادەكێشی ،با شتەكتان لۆ باس بكەم. لەو رۆژانەدا لەقەناتەكی میسریدا بەرنامەیەكی تایبەتم دیت لەسەر ئەو پیاوە ناسراوانەی میسر كە بەئەسڵ خەركی ئەو كوردستانەی خۆمانن. بەرنامەكە ناوی حەفت كەسی هینا كە بەئەسڵ كوردن لەوانەیە زۆرتان پێ سەیر بی كاتەكەی دەیانناسن. یەكەمیان قاسم ئەمینی رابەری ئازادی ژنانی عەرەب بو.. دوەم ئەمیری شاعیرەكانی عەرەب ئەحمەد شەوقی كە بەقسەی بەرنامەكە ئەسڵی دەگەڕێتەوە لۆ شاری سلێمانی خۆمان، دوای ئەویش عەباس مەحمود عەقادی مەزن بەئەسڵ خەركی كوردستان بوە لەوانەیە باپیرەكانی لە هەولێرەوە رۆیشتبنە میسر، لەوانەش مەحمود ملیجی وسوعاد حوسنی ونەجات سەغیرە ودكتۆرە سوهیر قەلەماوی كە یەكەم ئافرەتی عەرەب بوە شەهادەی دكتۆرای هینابیتن لەهەمو وراتانی عەرەبیدا. ئەوجا جارەكیدی چاو بخشێننەوە بەو ناوە گەورانە كە بونە رەمزی گەورەی عەرەب كە لەئەسڵدا كوردن وخەركی ئەو كوردستانەی خۆمانن، ئەوجا بزانن كورد چەند میللەتەكی بەدبەختو چارەڕەشە، باشترین كەسانی خۆی دەنێریتە ناو میللەتان خزمەتیان بكەن، لۆ خۆشی وەكی میزی حوشتر هەمیشە دەگەڕێتە پاشەوە، سەیرە ئەوڕۆش  میللەتەكەمان باشترین گەنجە عاقرمەندەكانی خۆی تەسدیری ئەوروپا دەكاو خروتوخاشەكانیش لۆ خۆی دەگێڕتەوە!. باشترین كەسانی خۆی لەورات دەردەكا لۆ خزمەتی بێگانە، خۆیشی هەرچی پیاوی خراپو سەركردەی فاشیل و وەزیری دزو گەندەڵ و تاجیری قۆڵبڕو گەنجی حەشیشەخۆر لای خۆی دەهێلتەوە!.با لەوە زیاتر قسە نەكەم نەبادا سبەینێ پەرلەمانی كوردستان و وەزارەتی ناوخۆ دەعوام لەسەر تەسجیل بكەن بەمادەی تەشهیرو ناوزڕاندن لەدژی میللەتی كورد، باقی وەلسەلام..






ململانێی پارتی ویه‌كێتی له‌سه‌ر پۆسته‌كانی هه‌ولێرو به‌غدا
پۆستی سەرۆك كۆماری عیراق لەنێوان كوردو سوننەی عەرەبدا
دیمەنی هەڵبژاردنەكانی داهاتوی پەرلەمانی كوردستان
پارتی وسلێمانی
حكومەتی دەوڵەتمەدارو مەجلیس تەنفیزیەكەی جاران
من و مام جەلال لەفرۆكەخانەی لوبنان
كاك نەوشیروان و خیانەتەكانی پارتی
هیوایەتی گەنجەكان
یەكێتی و چارەنوسێكی هاوشێوەی پارتی
لیستی رۆشنبیرانی ئازاد بۆ هەڵبژاردنەكانی داهاتوی پەرلەمان
حەفتاكانی هەولێر
بۆچی خۆپیشاندانەكان دامركانەوە ؟
پارتی بۆ وای بەسەرهات؟
ریفراندۆمی دووەم بۆ جیابونەوەی هەرێمی سلێمانی
نیفاقی سیاسی حزبەكانی كوردستان
1234
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە