پێشبینی بەرەو ئاشتی و دیالۆگ
بەهرۆز گەڵاڵی
PM:04:08---19-04-2017
ئه‌م بابه‌ته 2106 جار خوێنراوه‌ته‌وه‌‌
دوایی ئەنجامدانی ڕیفەراندومەکەی ١٦ی نیسان ،کە دەربارەی گۆڕینی دەستوری تورکیا بوو ،کۆتایھات و ئەنجامەکەشی بەم شێوەیە دەرچوو کە بینیمان. بێگومان دوای ئەم ڕێفەراندومە، ھەندێ گۆڕانکاری تازە دێتە کایەوە ، بەندە پێشبینی دەکەم ،لەماوەی ٣ تا ٦  مانگی تر گۆڕانی تازە لە سیاسەتی تورکیا ، ڕوبدات . لەوانەش ئازادکردنی ھاوسەرۆکانی پارتی دیموکراتی گەڵان (ھەدەپە) ،بەڕێزان سەلاحەدین دەمیر تاش و یوکەسەک فیگەنداغ و ھاوڕێ پەرلەمێنتارەکانیان لە زیندان .
دوای ئەم ھەنگاوەش پێشبینی دەکەم پرۆسەی ئاشتی بەرەو چارەسەری کێشەی کورد لە باکوور جارێکی تر دەستپێدەکاتەوە و دەبێتەوە ڕۆژەڤی سیاسەت لە تورکیا .دیارە بۆ زیاتر و زوتر ھێنانە کایەوەی ئەم بارودۆخەش،بابەتەکە پێویستی بە ھەوڵ و تەقەڵای ھەموو ئەو کەس و لایەنانەش دەکات کە پێشتر ڕوڵیان ھەبوە لە بەدیھێنانی ئاشتی و ڕاگرتنی شەڕ و ڕاگەیاندنی ئاگربەست ، لەم بارەیەوەش پێویستە ھەمدیس ڕۆڵی خۆیان ببیننەوە ، بەتایبەتیش یەکێتیی نیشتمانیی کوردستان، لەسەروی ھەموشیانەوە ڕابەری خۆشەویستمان جەنابی سەرۆک مامجەلال کەلە ڕابردودا لەم بارەیەوە ڕۆڵێکی یەکجار گرنگ و گەورەی بینی، ھەرچەندە ئێستاکە نەخۆشە. بەڵام دیسان دەتوانێ ڕۆڵ ببینێتەوە لەڕێگای ھەریەکە لەکاک کۆسرەت و ھێرۆخان و کاک بەرھەم و یەکێتیی نیشتمانیی کوردستان .چونکە گەلی باکوور بۆ پرۆسەی ئاشتی پێویستی بەھاوکاری و پشتیوانی ھەموو خێرخوازێک بەتایبەتیش لە باشوور ھەیە، بۆ دروستکردنی جەوێکی سیاسی و ئارام و لەبار لە پێناوی ئاشتی و گەڕانەوەی ھەردوولا بۆ مێزی وتووێژ و ھەوڵدان بۆ چارەسەرکردنی کێشەی سیاسیەکانی نێوان ھەردوولا بە ڕێگایەکی دیموکراسیانە و ئاشنیخوازانە .لەوبوارەشدا یەکێتیی نیشتمانیی کوردستان ،ئامادەگی خۆمان بۆ پشتیوانیکردن لە ئاشتی و دیالۆگی دیموکراسیانە و برایانە دەردەبڕین ودرێغیش ناکەین ،و وەک ھەمیشە خوێندکاری بۆچونەکانی جەنابی مام جەلالین و دەبێ ئەوەشمان لەبیر نەچێت، کەجەنابی مام زۆر بایەخ  و گرنگی بە چارەسەری گەلی باکوورو کێشە ڕەواکەی ھەبوو . بۆ ئەم مەبەستەش ھەمیشە لەنێوان تورکیا و سەرکردەکانی کوردی باکوور ڕۆڵی دیار و گەورەی بینیوە و لە ھەوڵی نێوانگیریدا بو.ئێستاش پێموایە دوای ئەو ڕێفەراندومە ،قۆناغێکی تازە ھاتە پێشەوە . جارێکی تر ھەوڵەکان بۆئاشتی دێنە کایەوەو ئاشتی و برایەتی باڵدەکێشتەوە بەسەر شەڕو ئاشوب و ناخۆشیەکان .بەو ھیوایەی لەداھاتویەکی نزیکدا ئاشتی و دیالوگ و دەستپێبکاتەوە و لەشوێنی شەڕ و ئاشوب ،ئاشتی و دیالۆگ ببێتەوە ڕۆژەڤی سیاسەت.





با هەڵبژاردن ببێتە وێستگەیەكی نوێی دیبلۆماسی
پێشبینی بەرەو ئاشتی و دیالۆگ
ڕێفەراندۆم نییە ڕێفریودەرە
وەڵامێک بۆ خاوەن فایلی شاخ و شار مەلابەختیار!
پرۆژەیەك بۆ چارەسەر
بۆ ئەزمونی حكومەت
بازارەكانی میوە‌و سەوزە لە توركیا ‌
داهاتی سەفەركردن! ‌
داهاتی موڵكەكانی دەوڵەت! ‌
باجی كرێی خانوبه‌ره ‌
شانسو بەخت
بۆ ئەزمونەی حکومەت ، دروستكردنی كۆمپانیا
بۆ ئەزمونی حکومەت: كۆمپانیاكانی پاسی گواستنەوە
ئالتون و موجەوهەرات
باجی جگەرەو خواردنەوە! ‌
12
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە