شکستی پارتی و حوکمی ئەدهەم بارزانی
دانا مەنمی
AM:09:39---12-08-2018
ئه‌م بابه‌ته 1167 جار خوێنراوه‌ته‌وه‌‌

لەماوەی ۱۳ ساڵی ڕابردوودا پارتی لە زۆنی دێز هەشت بەرپرسی گوڕیوە پینج جار بەرپرسی لقی چوارو سێ جاریش بەرپرسی ئەنجومەنی سەرکردایەتی سلێمانی گۆڕیووە ،تا ئێستا پارتی دەنگەکانی لەسلێمانی بەرەو دابەزین و کەمبونەوە تائاستی نیوە چوون .

کەمبونەوەی دەنگەکانی پارتی لەسلیمانی تائاستی نیوە نیگەرانی لای سەرکردایەتی پارتی ناوەندی بڕیاردان دروست کردووە و بەڵام تائێستا توێژینەوەی ووردی لەبارەوە نەکراوە ، هێندەی مژدەی فشەڵ ئەدەن بەگوێی جەماوەری پارتیدا هێندە ئامادەنین دەست بخەنە سەر برینەکان و ساڕێژی بکەن ، کێشەی پارتی لەسنوری سلێمانیدا دەگەڕێتەوە بۆ ئەو کەسانەی کە پارتی پۆستی باڵایان پێدەبەخشێت.

شکستی لەناکاو کتوپڕی پارتی لەسلێمانی لەدوای هەڵبژاردنەکانی ۱۲ی ئایاری ئەنجومەنی نوێنەرانی عێراق و هەموو ئەو مژدە فشەڵ و وەهمانەی کە بەرپرسانی سلێمانی پێش هەڵبژاردنەکان دەیانبەخشییەوە سەرکردایەتی پارتی تووشی شۆک و نائومێدی کرد ، ئاخر ئەوەندە ڕاپۆرتی ناڕاست و چەواشەکارانە لەلایەن لق و سەرکردایەتی سلێمانییەوە نیردرابوو بۆ مەکتەبی سیاسی و مەکتەبی ڕێکخستن و مەکتەبی براگەورە ،هێندەش بەڵێنی بێ بنەماو مایەپووچ بەسەرۆک بارزانی درابوو بڕوا نەدەکرا پارتی لەسلێمانی تووشی ئەو شکستە بێت و دەنگدەرەکانی سزای بدەن .

هەر دوای کۆتایی هاتن بە پرۆسەی دەنگدان بەرپرسە دۆڕاوەکانی سلێمانی بەتایبەت بەرپرسی یەکەمی لق و سەرکردایەتیە فشەڵ و بەزیوەکەی سلێمانی بۆداپۆشینی شکستی سیاسی خۆیان هەڵهاتن لەبەرپرسیارەتی و پاشەکشەیان لە بەڵێنەکانیان کرد .

شکستی پارتی لەسلێمانی لەهەڵبژاردنەکانی ۱۲ ی ئایاردا بەتەنها کەوتن و داڕمانی پارتی بوو بەس ، چونکە بەرپرسە فشەڵ و بەزیوەکان ، بەرپرسە ترسنۆک و شکستخواردووەکان بەتەیفێک ماستاوچی و مرۆڤی گرگن و گەنەخۆرەوە لەشوێنی خۆیانن و لەدوورەوە بە شکستەکەی پارتی پێدەکەنن .

۱۲ ی ئایار سەلماندی کە پارتی لەسەر دەستی چەند بەرپرسیکی شکستخواردوو دۆڕاو بەزیوو هێدەی ئاسمان و ڕێسمان لەجەماوەرەکەی دورە ! ۱۲ ی ئایار سەلماندی کە نوێنەرو نەوەی شێخ ئەحمەدی بارزان چ شکستێکی لەماوەی دووساڵ و دوو مانگدا کردە خەڵات بۆ پارتی و پارتییەکانی سلێمانی چۆن بێ ئەرزشکرد .

لەماوەی دووساڵ ودوو مانگی دەستبەکاربوونی ئەدهەم بارزانی لەسلێمانی بە گوێرەی تواناو ئیمکانیاتی خۆی بەشێک بووە لەخولقاندنی کێشەو گیروگرفت ، زوڵم و ستەمکاری ستراتیژی کارکردنی بووە ، بەعەبەسیەتەوە مامەڵەی لەگەڵ پارتییەکانی سلێمانی و هەڵەبجەو دەڤەری ڕاپەڕین کردووە ،لەهەموو گۆشەو سوچێکی شارو شارۆچکەو بارەگاکاندا دڵشکاوێکی تری زیادکردووە بۆ سەر گەنجینەی دڵشکاوەکان .

سەرۆک بارزانی ڕۆژی ۲٤ ی ئایاری ۲۰۱٦ متمانەی بە ئەدهەم بارزانی بەخشی کە لەسلێمانی نوێنەرایەتی ماڵباتی بەڕێزیان و پەیرەوی لە ڕێبازو فەلسەفەی قدس سرەو مستەفا بارزانی بکات ، بەڵام ئەفسوس لەئاست ئەو متمانەیەدا نەبوو ، پێشینان ڕاستیان گوتووە کەدەڵێن مریشک هێلکەش دەکات و ڕیقنەیش ! پارتییەکانی سلێمانی جگە لەڕیقنە هیچیان لەئەدهەم بارزانی نەدورییەوە ، مێژووی دووساڵ دوو مانگی ئەدهەم بارزانی هێندە تەڵخە مرۆڤ شەرم دەکات لەهەڵدانەوەی ڕۆژو کاتژمێرو چرکەکانی ، مێژوویەک هیچ شانازیی و سەروەرییەکی تێدا نییە جگە لەشکست و شەرمەزاری ، دووساڵ و دوومانگ مێژوویەکی ڕەش ڕەشێکی قەترانیتان تۆمار کرد لەڕووی مەعنەوی و ڕۆحییەوە پارتییەکانی سلێمانیتان بئ ئومێد کرد .





خۆپیشاندانه‌كانی به‌سره‌ مافێكی ڕه‌وایه‌
شکستی پارتی و حوکمی ئەدهەم بارزانی
كوردو سواره‌ی حه‌میدی !
هێزێك خاكی خۆی نەپارێزێت چۆن خاكێكی تر دەپارێزێت
گیرفانی به‌تاڵ و قه‌یرانی سیاسی و ئابوری و پیرۆزكردنی ساڵی نوێ
شۆرش له‌ پیناو ناندا ئه‌ركێكی ئه‌خلاقی ویژدانی ئینسانی یه‌
پێكهاته‌ی حه‌شدی شه‌عبی و ناكۆییه‌كانی خامنه‌یی و سیستانی
گه‌شه‌كردنی پارتی له‌ سلێمانی و هه‌ڵه‌بجه‌ پێویستی به‌ ئیراده‌و بوێری و ڕاشكاوییه‌
هاتنی ئه‌دهه‌م بارزانی بۆ سلێمانی
بیر له‌ چاره‌نوسی كه‌ركوك و دۆزی میله‌ته‌كه‌مان بكه‌نه‌وه‌
لێگه‌رێن بارزانی وه‌كو خۆی بژی
بڕیاره‌كه‌ی ئه‌نجومه‌نی سه‌ركردایه‌تی سلێمانی پارتی ناعه‌قڵانی و شمولی و میزاجی یه‌
عێراق له‌ لیواری هه‌لوه‌شاندنه‌وه‌دا
خوێندنه‌وه‌یه‌ك بۆ دیدارو چاوپێكه‌وتنه‌كانی سه‌رۆك بارزانی
سبەینێ ۳۱ ی ئاب ڕۆژی سەربەرزی و شانازی، ئەرکێکی نیشتیمانی و نەتەوەیی
123

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە