ریفراندۆم سەرپۆشی‌ فڕێدا
ئارام مەحمود
PM:04:00---19-08-2017
ئه‌م بابه‌ته 11300 جار خوێنراوه‌ته‌وه‌‌

ئیتیكی‌ سیاسی‌ لێدەركە پارتی‌ تابڵێی‌ یارییەكی‌ جوان دەكات، لێزانانە توانیویەتی‌ كۆمەڵێك هێز دوای‌ خۆی‌ بخات و  تەركیز و فۆكەسی‌ لایەنەكانی‌ تر و میدیا و خەڵكی‌ كوردستان-یش بۆ سێ پرس كێشبكات، یەكەمیان: قەزییە و خەیاڵی‌ نەتەوەیی‌، دوهەم: دوبەرەكی‌ و پەرتەوازەكردن و تەخوینكردنی‌ یەكتر، سێهەمیش: ئەنجامی‌ دانوستان و كۆبونەوەكانی‌ وەفدی‌ ڕیفراندۆم، لەكاتێكدا هیچكام لەم مەسەلانە توخنی‌ ئەو ئامانج و ستراتیجانە ناكەون كە پارتی‌ دەیەوێت لەڕێی‌ ئەو وەرەقە سیاسیە زێڕینەوە دەستیكەوێ و زامنی‌ سفركردنەوەی‌ كێشەكان و دەرفەتی‌ دەربازبونی‌ لەو گەمارۆ خنكێنرە بۆ دەڕەخسێنێت كە تێیكەتوە.
 
لێزانی‌ تەوزیفكردنی‌ ئەم كارتە لەلایەن پارتیەوە لەوەدایە لەكاتێكدا هێز و لایەنە كوردستانی‌ و عێراقی‌ و تەنانەت ئیقلیمیەكانیش ئەو ڕاستیە ڕونە دەزانن كە زەمان و زەمینی‌ ڕیفراندۆم لەم دۆخە پڕكێشەو ململانێ قوڵە هەمەلایەنەدا و دەستكاریكردنی‌ نەخشەی‌ سیاسی‌ ناوچەكە لەمەودای‌ خەونی‌ شاعیرانەشدا نیە، لەگەڵ ئەوەشدا جۆرێك لەترس و دڵەڕاوكێی‌ تیادا چاندون.
 
لە ئاستی‌ ناوخۆدا هەندێك مەترسی‌ دواكەوتن لەكاروانی‌ نەتەوەیی‌ و نەفرەتی‌ مێژوی لێنیشتوە، هێزە عێراقیەكان خەمی‌ پارچە پارچەبون و كردنەوەی‌ شەهیەتی‌ پارێزگا و تائیفە جیاوازەكان و سڕینەوەی‌ یەكجاری‌ نەخشەی‌ وڵاتەكەیان هەیە، لەئاستی‌ ئیقلیمی تاران زۆرترین مەترسی‌ هەیە، چونكە  دەزانێت ئەنكەرە بەشدارێكی‌ سەرەكییە لەم یارییەدا، ئەم قسەیە بۆ ئاستە نێودەوڵەتیەكەش ڕاستی‌ تیادایە، ئەمەش ئەوە دەگەیەنێت پارتی‌ توانیویەتی‌ ئەگەر و گریمانە لە بەرامبەرەكانی‌ بكاتە واقیع و قەناعەت، ئەگەر بە ئاستی‌ جیاوازیش بێت.

ئامانجی‌ باڵای‌ پارتی‌ لە سەرۆكایەتیكردن و ناردنی‌ وەفدی‌ ڕیفراندۆم بۆ عێراق و وڵاتانی‌ دەرەوە نمایشكردنی‌ توانا و بازوەكانێتی‌ وەك ئەو هێزەی‌ هەر كاتێك تەنگەتاوی‌ بكەن یان هەوڵی‌ پەراوێزخستنی‌ بدەن توانای‌ ڕیسك و كردنەوەی‌ ئاگری‌ گەورەو دەستكاریكردنی‌ بەرژوەندییە جیاوازەكانی‌ هەیە.

سیحری‌ پێداگری‌ پارتی‌ لەسەر ئەنجامدانی‌ ڕیفراندۆم لێرەدایە، لە هێزێكی‌ گەمارۆدراوەوە بەرەو وەرزی‌ چنینەوەی‌ كۆمەڵێك دەستكەوتی‌ تازە و لەدەستچوی‌ دەبات، تا نزیكتریشبینەوە لەوادەی‌ دیاریكراو، پێداگرییەكان بۆ تۆخكردنەوەی‌ ئەو بڕوایەی‌ مەسەلەی‌ ئەنجامدانی‌ ڕیفراندۆم جدیە و گەڕانەوەی‌ نیە توندتر دەبێت، كە ئامانجی‌ گەورەی‌ هێنانە سەرخەستی‌ ئەمریكا و ئێران و نەتەوەیەكگرتوەكان و وڵاتانی‌ تری‌ دونیا لەپێناو فشارخستنە سەربەغداو ئەنجامدانی‌ ڕێكەوتنێكی‌ نوێ، چەند ڕۆژێكیشە ئەم پرۆسەیە دەستیپێكردوە.

ڕیفراندۆم لە بەرامبەر چی‌؟
لەڕوی‌ ئابورییەوە پارتی‌ دەیەوێت بەغدا وەرەقەیەكی‌ ئەستۆپاكی‌ بداتێ لەو دەیان ملیارد دۆلارەی‌ لەپارەی‌ نەوت و داهاتەكانی‌ ناوخۆی هەرێمی‌ كوردستان بردویەتی‌، لەڕووی‌ سیاسیشەوە مەسەلەی‌ هاتنی‌ داعش و داگیركردنی‌ موسڵ و شنگال و ئەو تۆمەتانەی‌ ئاراستەی‌ دەكرێن چ بەدەستێكەڵاوكردن و چ مامەڵە و بازرگانیكردن بە نەوتی‌ ژێردەستی‌ داعش بەڕەیەكی‌ پیابدرێ و بەتەواوی‌ دابخرێت، زەمانەتی‌ ئەوەش وەربگرێت كە جارێكی‌ تر هیچ بەرپرسێكی‌ تری‌ وەك زێباری‌ نەنێرێتەوە بۆ ماڵەوە، كە ئەمە ئۆتۆماتیكی‌ گەرەنتی‌ وەرگرتنەوەی‌ كۆی‌ ئەو پۆستانەش دەكات كە لە بەغدا لە دەستی‌ داون.

جگە لەمانە پارتی‌ دوو خاڵ زۆر بە جەوهەری‌ دەزانێت بۆ بەردەوام بون لەگەڵ بەغدا؛ یەكەمیان وازهێنان لە بیرۆكەی‌ پێكهێنانی‌ حكومەتی‌ زۆرینەی‌ سیاسی‌ كە نوری‌ مالیكی‌ داوای‌ دەكات و ترسی‌ هەیە گەر بگەڕێتەوە بۆ دەسەڵات پارتی‌ پەراوێزبخات، دوەمیشیان بەدەستهێنانەوەی‌ پۆستی‌ سەرۆكی‌ كۆمسیۆنی‌ هەڵبژاردنەكان.

زانیارییە دروستەكان باس لەوەدەكەن ئەو وەفدەی‌ بەناوی‌ ڕیفراندۆمەوە چۆتە بەغدا لە دانوستانی‌ ژێر بە ژێردان لەگەڵ هاوپەیمانی‌ نیشتمانی‌ شیعەكان تا بزانن لە بەرامبەر دەستبەرداربون لە ڕیفراندۆم چی‌ وەردەگرن، دەنگۆیەكی‌ بەهێزیش هەیە پێش چونی‌ وەفدەكەی‌ هەرێم بەرپرسانی‌ هەولێر و بەغدا گفتوگۆی‌ نهێنیان بەسەرپەرشتی‌ ئەمریكا و ئێران ئەنجامدابێت بۆ گەیشتن بەڕێكەوتن.   

هەر بۆ زانیاری‌ خوێنەر، پارتی‌ لە چەند ڕۆژی‌ ڕابردودا پۆستی‌ ئەمینداری‌ گشتی‌ ئەنجومەنی‌ نوێنەرانی‌ عێراقی‌ وەرگرتۆتەوە كە پلەكەی‌ وەزیرە، ئەگەرێكی‌ بەهێزیش هەیە سەرۆكی‌ كۆمیسۆنی‌ باڵای‌ هەڵبژاردنەكان وەربگرێتەوە جگە لە وەلا دو ئەندامیشی‌ بۆ كۆمسیۆنەكە كاندیدكردوە، یەكێكیان بەناوی‌ خۆیەوە ئەوی‌ تریشیان بەناوی‌ كەمایەتیەكان، مانگی‌ ڕابردوش پۆستێكی‌ لە كۆمسیۆنی‌ مافەكانی‌ مرۆڤ وەرگرت كە پلەكەی‌ بریكاری‌ وەزیرە.

توركیا ئیشی‌ چی‌ بەڕیفراندۆمە؟
ئەنكەرە بە ئاشكرا دژایەتی‌ ڕیفراندۆم دەكات، بەڵام لەجەوهەردا هاوشێوەی‌ پارتی‌ وەك گریمانە و ئەگەر تەماشای‌ ئەم وەرەقە سیاسیە دەكات، ئەگەر پرسی‌ ڕیفراندۆم سەری‌ گرت ئەوا لە باشترین حاڵەتدا دەوڵەتی‌ كوردی‌ ئاییندە دەكاتە قوبرسێكی‌ تر، ئەگەر سەریشی‌ نەگرت  لەم قۆناغەدا وەك كارتێكی‌ فشاری‌ بەهێز بەكاریدێنێ بەتایبەت دژ بە ئێران تا قەرەبوی‌ شكستەكانی‌ لە سوریا پێبكاتەوە.

توركیا دەیەوێت لە بەرامبەر پەشیمانكردنەوەی‌ پارتی‌ لە مەسەلەی‌ ڕیفراندۆم، تاران هاوكاری‌ بكات لە گۆڕینی‌ نەخشەی‌ سەركەوتنەكانی‌ كورد لە ڕۆژئاوای‌ كوردستان، ئەنكەرە خوازیارە تاران لە ڕێی‌ سوپای‌ بەشار ئەسەدەوە فشار بۆ سەر شەڕڤانانی‌ یەپەگە دروستبكات بەتایبەت لە منبج و  ڕقە و بەرگرتن لە ئەگەری‌ پێشڕەوییان لە ئایندەدا بەرەو ئیدلیب كە گەورەترین مۆڵگەی‌ گروپە توندڕەوەكانی‌ نزیك لە توركیایە، جگە لەوەش مانای‌ گەیشتنی‌ كوردە بە دەریای‌ سپی‌ ناوەڕاست.






بۆ کاک علی حەمە ساڵح،"ئەوەی دەیڵێن قورسە، ئەگەر بیکەن ڕیسکە"
ئەگەر گۆڕان ڕازیبێت
ئاوازێكی تر بدەن بەهاوئاواز
ریفراندۆم سەرپۆشی‌ فڕێدا
پارتی تەنها نەبو
گەنج‌ و گۆڕان
دەوڵەت بەتۆ دروستناکرێت
چەقین لەمێژودا، وەڵامێک بۆ ‏‎عەتا قەرەداغی
چەقین لەمێژودا، وەڵامێک بۆ عەتا قەرەداغی
(یەکێتی و حوزەیران)
ڕیفراندۆم ناکرێ، دوو قسەش بۆیەکێتی
ئاڵا تاڵەبانی باجی هەڵوێستەکانی دەدات
وەڵامی پرسیارەکەی نەوشیروان مستەفا بدەنەوە
"خۆ ماست نیە بەلێوتانەوە دیاربێت"
گۆڕان...بەسە چاوەڕوانیى
12
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە