میدیاکانی پارتی ڕاپەڕین
ئارام مەحمود
PM:12:21---19-10-2017
ئه‌م بابه‌ته 4305 جار خوێنراوه‌ته‌وه‌‌


ئەو فەوزایه‌ى میدیاكانى پارتی ناویانەتەوە هەرایەکی بێسەمەری هاوشێوه‌ى پڕوپاگه‌نده‌كانى ڕۆژانى بانگه‌شه‌ى ڕیفراندۆم و دروستکردنی دەوڵەتە، کە جگە لەکێشکردنی خەڵک بۆ نائومێدی زیاتر شتێکی تری لێناچنینەوە.
ئامانجی پارتی لەم گاڵتەجارییە، هەڵلوشینی ڕق و توڕەیی خەڵک و به‌رگرتنه‌ لەئەگەری سەرهەڵدانی ناڕەزایی جەماوەریی لەشاری هەولێر كه‌ ئه‌گه‌رێكى نزیك و چاوه‌ڕوانكراوه‌.
لەوەش گرنگتر لابردن و ڵێڵکردنی فۆکەسی ئەو شەرمەزارییە گەورەیەیە کەڕوبەڕوی شەخسی بارزانی بۆتەوە بەتایبەت دوای بەرزبونەوەو زۆربونى ئه‌و ده‌نگانه‌ى به‌تاوانبارى سه‌ره‌كى ئه‌م دۆخه‌ى ده‌زانن و داوای ڕۆیشتنی دەکەن لەڕێی چەواشەکردنی تەرکیزی خەڵک و مەشغوڵکردنیان بەم هاتوهاواری ڕاپەڕینەی کە تەنها لە میدیاكانى خؤياندا وجودی هەیەو هەرئەوانیش دروستیان کردوە لەکاتێکدا لەسەر ئەرزی واقیع وێنەکە تەواو پێچەوانەیەو لەسایەی نالێهاتوی بارزانی خەڵکی کوردستان دوچاری گەورەترین شکست و سەخترین گلان بوە لەمێژوی خۆیدا.

دیوێکی تر ئەم یارییە بەتاڵ و بێناوەرۆکە کە پێویستە ڕوتبکرێتەوە بۆ هه‌مو خه‌ڵك، دروستکردنی وێنەیەکی ساختەیە بۆ پارتی لەهێزێکی بەزیوی بێورەوە بۆ هێزێکی براوەو سەرکەوتو لەکاتێکدا بەبەرچاوی خەڵکی کوردستان و هەمو جیهانەوە ئەو حزبە بەبێ بچوکترین خۆڕاپسکاندن و تەقاندنی فیشەکێک هەزاران کیلۆمەتری چوارگۆشەو چەندان قەزاو سەدان ناحیەو گوندی کوردستانی رادەستی سوپای عێراق و حەشد شەعبی کرد، کەچی ئەوەندە ڕوقایمن بەخەڵکی کوردستان دەڵێن حەشدی شەعبی لەکوردستان ڕایکرد، وەک ئەوەی ئەوان ڕاویان نابێت یان لەترسی ئەوان هەڵاتبن.

هەر کەسێک بچوکترین سەروسەختی لەگەڵ ڕوداوەکانی عێراق و کوردستان هەبێت ئاگاداری ئەوەیە کە حەشدی شەعبی بەفەرمانی سەرۆک وەزیرانی عێراق پاشەکشێیکردوەو سوپاو پۆلیسی ئیتحادی بەرپرسیارێتی پاراستنی ئاسایشی ناوچەکانیان پێسپێردراوە.
لەهەموی خەمبارتر باوەڕهێنانی خەڵکێکه‌ بەو پروپاگەندانەی دەزگا سیخوڕییەکانی پارتی بڵاویدەکەنەوە گوایە فڕۆکەکانی ڕوسیا و ئیسرائیل بۆردومانی حەشدی شەعبی و سوپای عێراق دەکەن یان هێزەکانی پارتی کەرکوک ئازاد دەکەن، وەک ئه‌و درۆیانه‌ى پێش ڕیفراندۆم بڵاویانده‌كرده‌وه‌ لەناو خه‌ڵك و له‌تۆڕە کۆمەڵایەتیەکان و فرۆکەکانی ئەمریکایان پیشانی خەڵک دەدا گوایه‌ ئه‌مانه‌ فرۆكه‌ى ئیسرائیلن و هاتون دەوڵەتی کوردی بپارێزن، بيێئةوةى بةخةلَك بڵێن ئەم وڵاتانە لەپێناو چی خۆیان لەسەر ئێمە توشی شەڕدەکەن؟ چی وایان لێدەکات لەبەرخاتری کوردێکی بەدبەخت عورف و یاسا نێودەوڵەتیەکان و سەوەری وڵاتان پێشێلبکەن و خۆيان توشى شةرِو مالَويێرانى بكةن ؟ یان بۆچی ئەمانە لەسەرمان دێنە دەنگ و تورکیای دۆستيان بەوشێویە دژمانە؟.






گێژەڵوکەیەکی گەورە بەڕێوەیە
میدیاکانی پارتی ڕاپەڕین
بارزانی بەغدای خەبەرکردەوە
عیبره‌ت له‌شكاندنی‌ بێده‌نگیدایه
بۆ کاک علی حەمە ساڵح،"ئەوەی دەیڵێن قورسە، ئەگەر بیکەن ڕیسکە"
ئەگەر گۆڕان ڕازیبێت
ئاوازێكی تر بدەن بەهاوئاواز
ریفراندۆم سەرپۆشی‌ فڕێدا
پارتی تەنها نەبو
گەنج‌ و گۆڕان
دەوڵەت بەتۆ دروستناکرێت
چەقین لەمێژودا، وەڵامێک بۆ ‏‎عەتا قەرەداغی
چەقین لەمێژودا، وەڵامێک بۆ عەتا قەرەداغی
(یەکێتی و حوزەیران)
ڕیفراندۆم ناکرێ، دوو قسەش بۆیەکێتی
12
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە