حەوزی ستراتیژی پەکەکە
هونەر تۆفیق
PM:01:32---09-01-2017
ئه‌م بابه‌ته 788 جار خوێنراوه‌ته‌وه‌‌

زۆر پرسی سیاسی و سەربازی هەیە ، نە بە هێز و جەبەروت ، نەبە مناوەرە و پێچولۆچی دیبلۆماسی یەکلادەکرێتەوە . بەڵکە جیوگرافیا حەسمی پرسە سەربازی یان سیاسیەکە دەکات . جیوگرافیا دەبێتە بەرگریکارێکی سەختی جەنگ و هێرشەکان . زۆربەی بردنەوە سەربازیەکانی ڕوس لە جەنگی تەتار و ناپلیۆن و نازییەکانیشدا دەگەڕێتەوە بۆ ڕووبەری جیوگرافیا فراوانە کەی ڕوسیا کە سروشت بەشێکە لە نەخشەی بەرگری ئەو وڵاتە .
لە سیاسەتی هەر گەل و وڵاتێکدا ، ئەگەر لەبایەخی جیوگرافیا و چۆنیەتی بەکارهێنانی تێنەگات ، ئەو سیاسەتە شکستخواردووە و فڕی بەسەر چەمکی ئاسایشی نیشتمانی و نەتەوەییەوە نیە .
لەپرسە سیاسی و نیشتمانیەکانی کورددا سادە و ساکار ، ڕێکەوت لەگەڵ سەردانی سەرۆک وەزیرانی تورکیادا بۆ هەرێمی کوردستان و پێداگری بنئەلی یەڵدرم لە بەغدا و لەهەولێر ، بۆ کشانەوەی هێزەکانی پەکەکە لە سنجار ، تێگەیشتنێکمان لادروست دەبێت کە ناخود ئاگا ئەو تێگەیشتنە وەڵامێکە بۆ ئەو پرسیارەی لەخۆمانی دەکەین : باشە بۆچی لەکاتێکدا داعش سنجاری داگیرکرد و هەزاران مرۆڤی ئێزیدی قەتڵوعام کرد ، تورکیا سەغڵەت نەبوو ؟ بۆچی وەها بەجدی هەوڵی بۆ کشانەوەی هێزەکانی داعش نەدا لە سنجار ؟ کەچی بەبوونی هێزەکانی پەکەکە یان دۆست و موالی بە پەکەکە سەغڵەتە ؟ هەموومان وەڵامەکەی دەزانین ! بەڵام پێویستمان بە شەرحکردن و دەربرینی تێگەیشتنەکەمانە .
ستراتیژی سیاسی نەتەوەیی و ئاسایشی نیشتمانی دوو شتن پێکەوە بەستراو لە لاشعوری هەر تاکێکی نەتەوەدا هەن . پێویستیان بە کەسانی تیئۆریست و ئەکادیمست نیە بۆیان دروست بکات یان دەرسیان بدات بەوەی ئەمە ئەمنی قەومیە و ئەوەیان ستراتیژی سیاسی مانەوەی گەلە . چونکە ئەمنی قەومی زۆر سادە ، لە هەست و نەستی هەر هاوڵاتیەکدا هەیە . لەکاتی مەترسیدا زەنگە ترسناکەکە لێدەدات .. لەوکاتەندا ئەرکی حکومەت و دەزگا ئەمنی و سەربازیەکان ئەوەیە ئەو مەترسیانەی خەڵک دڵنیابکاتەوە . ئەرکی پارێزگاری و پاراستنی ژیان و مانی خەڵک لە ئەستۆ بگرێت .
ئێمە پێمان وایە لە سۆز و عاتیفەی مانەوەی کوردبونمانەوەیە ، ئەگەر پەکەکەشمان خۆشنەوێت حەزناکەین زیانی پێبکەوێت !! بەڵام لە ڕاستیدا ئەمە عاتیفە نیە ، بەڵکە ئەو زەنگی مەترسی و ئالەرمەیە لە ناخودئاگاماندا پێمان دەڵێت ، لەبەین چوون و فەوت بوونی ئەو هێزە کوردیە مانای نزیکبوونەوەی خۆمان لە شکست . کیان و قەوارەی ژیانمان دەکەوێتە بەر هەڕەشەی راستەوخۆی نەیارانمان .
جیوگرافیا بەقەد ئەوەی زەمین و نیشتمان و سروشت و مەڵبەندی ژیانمانە ، دوو هێندە ڕەهەندێکە پێوەری بەها و قەوارە و دڵنیایی و هەستکردنمانە بەشوێن . تا شوێنت نەبێت پرسی خۆت و کات و ناسینت لادروست نابێت . بۆیە هێندەی هەستکردنمان بە ئەمنە قەومیەکەمان ، هەستمان بۆ جیوگرافیا بەهێزدەبێت .
پەکەکە ئەو هەستە نادیار و شاراوەی کوردی لەباوەش گرتووە . قەندیل لە ستراتیژی پەکەکەدا مجەرەد چیایەکی سەختی کوردستان نیە ، بەڵکە باوەشێکی جیوگرافیە کردوێتی بە هەستی شاراوەی ئێمەدا . بۆئەوەی ئەو باوەشە ستراتیژیە گەورەتر و ئەمینتربێت ، لەبەرانبەردا چیای سنجاری هەڵبژاردووە تا هەموو ئەمنی قەومی و سنووری باشووری تورکیا بە درێژایی ٩٠٠ کیلۆمەتر ، لە قەندیلەوە تێپەڕدەبێت بە سنجاردا ، لەوێوە دەگاتەوە بە حەلەب و ئەدلب . ئەو سنوورەی لەهەرسێ دەوڵەتی هاوسێ ی تورکیا ( ئێران ، عێراق ، سوریا ) سەندۆتەوە بەخۆی و خواست و جەماوەر و هێزەکەیەوە بەدرێژایی هەموو باشووری تورکیا دەستی لەسەر پەلەپیتکەی هەر ئەگەرێکە لە تورکیاوە ڕووبدات .
ئەمەش ترسە مەزنەکەی تورکیا و سەغڵەت بوونەکەیەتی . هەوڵی گەورە ئەدات بۆ شێواندن و تێکدانی حەوزی ستراتیژی پەکەکە بەهاوکاری داعش و هەندێ لە هێزە کوردیەکان .






لە پێرسی کۆکسەوە تا برێت ماکگۆرک
هیلالی بەپیت - هیلالی شیعی
ماچەکانی پاش ڕاپەڕین
سیاسەتی گوریس جەڕان و دیبلۆماسیەتی گرێکردنەوە
پانزە هەزار کیلۆمەتر بە سێوێک
دەوڵەت بە کردە یان دەوڵەت بە فیکرە
کوژانەوە لە گیرفانەکانی بارزانیدا، حەفیدزادە و تاڵەبانی زادە بەنمونە
ناونیشانێکی نوێ بۆجەنگ : دۆزینەوەی ڕووبەرێکی تر
ڕیفراندۆم لەپێناو چەسپاندنی دیکتاتۆردا
لە کۆتایی ١١ ی سیپتەمبەردا
ئێمە باوکتمان بەسەرۆک نەویست ، ئەوە خۆت هەرنا !!
پێوستان بە شەراب فرۆشیە .. بۆ سەرکردەکان
زرت‌و زل‌و زەبەلاح
حەوزی ستراتیژی پەکەکە
کوڕەکانی ئەردۆغان بەرەوباوان دەبنەوە
12
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە