کۆیە
عەزیز ڕەوف
PM:12:28---09-09-2018
ئه‌م بابه‌ته 733 جار خوێنراوه‌ته‌وه‌‌
تۆپ باهاوێژن یان نا، بە تەیارە بێن یان بە تانک، تەقینەوە بکەن یان کاری خۆکوژی، دەزانین ئێران و تورکیا لێرەن. مایەی شۆک نیە بە هاوێژانی چەند گوللەتۆپێک بۆ کۆیە توشی شۆک بین بەوەی کە ئێران هاتووە، ئێران هەمیشە لێرەیە بە خۆی و سوپا و هێز و جاسوس و قاسم سلێمانیشەوە، وەک چۆن تورکیا لێرەیە بەخۆی و سوپا و جەندرمە و میت و ئاردۆگان بە خۆی و هاوبیرە کوردەکانیشیەوە. 

ئەم ئەزموونەی ئێمە لە باشور بۆتە بەڵا بۆ پارچەکانی تریش. بەڵام لەم گەمەیەدا پارتی لە یەکێتی زیاتر حیسابی بۆ دەسەڵات و هەیمەنەی خۆی کرد و یەکێتی بە ئاشکرا بارەگای کۆمەڵە و دیموکرات وەک دوو هێزی ئۆپۆزسیۆنی ئێرانی جێ کردەوە و بە نهێنیش بێت ژێر دەسەڵاتی یەکێتی بنکە و بارەگای هێزەکانی تری باکور و ڕۆژئاوای کوردستانی تێدایە. ئەمە بە هەر پێوەرێک بێت لەسەر یەکێتی کەوت و پارتیش ناوچەی خۆی لە ئۆپۆزسیۆنی سەرجەم پارچەکانی کوردستان پاککردۆتەوە و چەند پارتێکی بچوک نەبێت ئەوەش لە سیاسەتی خۆیەوە نزیکن. لە ئێستادا فۆکەس لەسەر یەکێتیە کە ڕێگەی بە ئێرانیەکان داوە و ژێر دەسەڵاتی پارتیش پڕە لە چەکداری تورکی و بە ئاشکرا لە گوندەکان دەسوڕێنەوە و پەکەکە پاکتاو دەکەن و کەسیش ورتەی لێوە نایا. میدیای پارتی زۆر بە وردی کار لەسەر ئەجێندای حزبەکەی دەکات و میدیای یەکێتیش سەری لەم گەمەیە دەرناچێت. 

ئێمە لە باشور لە کوێی ڕووداوەکانداین؟ هەرکات تورک بیەوێت دەتوانێت سنورەکان ببەزێنێت و ساتێکیش فارس بیەوێت بە خۆی و پاسدارەکانیەوە نەک گورز لە هێزەکانی نەیاری خۆی بوەشێنێت بەڵکو لە داڕشتنی سیاسەتی ئەم ناوچەیە دەستی هەیە. 

کورد لە ناوخۆی و نە لە عیراقیش ئەجێندای ڕوونی نیە و ئەوە بۆ دەوڵەتانی دراوسێش ڕاستە کە هەر زۆنە و هەر هێزە و وەلائی بۆ وڵاتێکی ئیقلیمی هەیە و خۆی و نفوز و دەنگ و سامان و کورسیەکەی دەپارێزێت. 

کورد هێشتا شەڕی چاڵدێرانی تێنەپەڕاندووە و ناوچەکە لەنێوان عوسمانی و سەفەویدا دابەش بووە و هێزە کوردیەکان و دەسەڵاتی خۆجێیی کوردی هیچ دەسەڵاتێکی لە گۆڕینی ئاراستەکانی ناوچەکە و تەنانەت ناوخۆشدا نیە و بە درێژایی پێنچ سەد ساڵی ڕابردوو ڕێک لە سەردەمی شەڕی چاڵدێرانەوە ئەم ناوچەیە کەوتۆتە بەر تەپ و تۆزی ئەسپەکانی عوسمانی و سەفەوی. 

لە بەسرە سەفارەتی ئێران دەسوتێنن، لە کۆیە تۆڵە دەکەنەوە. ئێران هەمیشە وابووە، شەڕەکە دەباتە دەرەوەی خۆی، لەم یاریە ئێران دەیەوێت چالاکوانانمان بیر بباتەوەو لە سێدارەیان بدات و هەم گورزێکیش لە پلنیۆمی دیموکراتەکان لە کۆیە بوەشێنێت.

ئەی حکومەتی هەرێم لە کوێی ئەم هاوکێشەیەدایە؟ کورد لەم ناوچەیە هەمیشە بە هێزێک دەنازێت کە نیەتی.






کۆیە
عەموودی کارەبا و کاندید
نەوشیروان مستەفا
سه‌ربه‌خۆیی كوردستان ، له‌په‌راوێزی وتاره‌كه‌ی "به‌رهه‌م ساڵح"دا
سیمای ئەو دنیایەی کە دەبێت دروستی بکەین
بابە برام چەك هەڵگرن،بۆ دیشلەمەخۆرەكانی سیاسەت
جێی‌ نیگه‌رانی نیه‌ عه‌زیزان؟
چ مامۆستایه‌كتان ده‌وێ؟
ئایین وەك بەڵا، ئیماندار وەك جەللاد
وه‌زیری‌ ئه‌وقاف بتینم، وه‌زیری‌ ئه‌وقاف لێت ده‌پاڕێمه‌وه‌
ئاڵا وه‌ك گه‌مه‌ی‌ منداڵان
جه‌نگاوه‌رانی‌ پله‌ و پۆست
داعش كێیه‌؟
دارشەقێك بۆ یەكێتی
هه‌ڵبژاردن‌و به‌رپرسیارێتی ‌
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە