هەولێرو دهۆک بۆ پارتی چۆڵمەکەن
هەرێم مەجید
AM:10:52---13-09-2018
ئه‌م بابه‌ته 347 جار خوێنراوه‌ته‌وه‌‌

هەڵبژاردنی ئەم جارە ئەنجامەکانی دەبنە ئەمری واقع و دەسەپێنرێن،هەموان بەناچاریش موقیع دەبن پێی، قەڵەم ڕەوی یەکێتی و پارتیش دێتەوە باری هاوسەنگی ڕابردیان،دەبێت هەموان وەک جاران بەناچاری بچنەوە ژێر پەرچەمی دەسەڵات، هەڵگری ڕەوایەتی بدەنەوە بەیەکێتی و پارتی،دەرهاویشتە سیاسییەکانیشی وەک 27ساڵی ڕابردوو دەگەڕێنەوە خاڵی سفر، دەتوانیین بڵێین دەسەڵات دەچێتەوە لای هەوەس بازانی پێشو،جا هۆکاری ئەم گۆڕانکارییەش چ سستی بێت لەعەڵقەی چوارساڵی ڕابردوی گۆڕانو حیزبەکانی تر، یاخود زیادبونی هەژمونی دەسەڵاتە بەسەر جەمسەری دەزگاکان و بیرو زیندەگیانی خەڵکەوە یا بەهۆی تیرۆری ڕاگەیاندنەکانەوەبێ.

ئێستا کاتی بانگەشەیە شەڕەدەنوکی حیزبی کفن و دفنی عەقڵی هەموانی کردوەوە،بەیەکتری هەڵدەشاخێن هەریەک وەک بێڕەزایەک لەساحەکە ڕەوایەتی دەدەن بەخۆیان،ئەمە نەک وەک گەرموو گوڕییەک لە هەموو شوێنەکان بەڵکو تەنها لەسلێمانی هەیە،وەک ئەوەی هەر لەوێ هەڵبژاردن بێت،و هەولێر و دهۆک ناوچەی دابڕێنراوی دەسەڵاتی لۆکاڵی ئێمەبن،نازانم ئەمە چ جۆرێکە لەبیرکردنەوە لەناوحیزبی سیاسی ئێمەدا بەردەوام دەیانەوێ لە ناو هەولێرو دهۆکا هەبن کەچی نایانەوێ دهۆک و هەولێر لەناویاندا هەبن مەشخەڵی دروشمیشیان تەنها وەهمێکە و خۆخنکاندا لەناو نەزانی سیاسیدا 

ئەوەی لێرە من بە کفرو کارەساتی فکری و رێکخراوەی سیاسی ئەم حیزبانەی دەبینم چڕکردنەوەی بانگەشەی هەڵبژاردنە لەسلێمانی کەناتوانێ ئەو سنورە بەرتەسکەی تێپەڕێنێ کە زۆرترین ژاوەژاوو دەنگە دەنگی لێوە دروست دەکەن،کەچی ناوچەی هەولێرو دهۆک کە بەپارتی سکپڕکراوە هیچ لێکەوتەیەکی سیاسی پێوە دیارنییەو بۆ پارتی یەکلا کراوەتەوە.،وەدوایش گلەیی لە ئەنجامەکان دەگرن یاخود بەهێزی غەیبانیی پشت پارتییەوە دەیزانن،بەڵام من پێتان پڵێم هیچ یەک لەمانە ڕاستنین جگە لە نائاگای هۆشیاری عەقڵی سیاسیتانەوە کە لە ئاوێنەی پارتییەوە خۆتان دەبین و گەڕانەوەتان بۆ هەولێرو دهۆک بەشەڕێکی دۆنکیشۆتانە دێتە پێش چاو،

ئەم هەڵبژاردنە پێویستی بەهۆشیارێکی نوێ هەیە لەشێوازی بیرکردنەوەتان لەگەڵ پارتیدا هەتا عەقڵی خورافی و تاک حیزبی و خۆسەپێنی سیاسی و سیستەمی خێڵەکی ناوچەیی بەکۆتابێ،هەموتان سروشتی پارتی باش دەناسن بۆیە لە باتی پڕوپاگەندەو بۆڵەبۆڵ و دەنگە خشکێ پێویستە بچنە سوڕی بیرکردنەوە ،وەک [سلاڤۆ ژێژێک]کاتێ باسی کەموو کورتییەکانی بزوتنەوەی چەپ دەکات دەڵێت ئێستاکە بەشێکی زۆر تاک و ڕێکخراوی چەپ خەریکی کاری وەک پڕوپاگەندەو خۆپیشاندان و چاڵاکی لەم چەشنەن،ئەم چالاکیانە نەک کاپتالیزم لاواز ناکەن،بەڵکو دەبنە هۆی بەهێزبونی و پێش بەگۆڕانی ڕاستەقینە دەگرن،هەر بۆیە دەڵێ...ناهەڤاڵ دەستڕاگرە و هیچ مەکەو دانیشەو بیربکەرەوە،. بۆیە پێویستە هەموو حیزبەکان ستراتیژیەتی خۆیان گەورەبکەن بەشێوەیەک لەخودی دورەپەرێزی و حوکمی داسەپاوی پارتییەوە بچنە خودی کردارەوە،خەریکی ئەو کێشە پەیوەندی دارانەبن کە ئەوانی لەناچەکە کردۆتە دەرەوە.

بەگەڕانەوەتان بۆ هەولێرو دهۆک شێوازێک لەنوێگەری سیاسی بهێنە بوون بەڵکو ئاڵو گۆر لەبونیاتی سیاسەت بێتە ئاراوە،چۆن هەریەک لەئێوە هێزو قودرەتی سیاسی تایبەت بەخۆتان هەیە،ئاواش هەولێر و دهۆک هێزو قودرەتی گەلەو ،بە سەرلەنوێ گۆڕینی دەسەڵاتەکان لەم ناوچانە گۆڕانکاری لەسیسەتەم کایەیی سیاسی دێتە بون.

بەپێچەوانەی ئەوەی وتمان گەر پارتی وەک جاران زۆرینەو زیاتر لەم ناوچانە بهێننێت ئەوا هەیمەنەو خۆسەپێنی لە داخراویدا دەگاتە لوتکە،هەر وەک چۆن سلێمانی بۆ پارتی لەکێشەوە بۆتە گرێ ،ئەوا ئێوەش ڕۆژێک چیرۆکێکتان نابێ لەناو هەولێرو دهۆک.
با دەسەڵاتان لەسێبەردا نەمێنێتەوە و خۆتان دەرخەن،دەسەڵات لە هەولێرو دهۆک دا چڵەکێنن..





هەولێرو دهۆک بۆ پارتی چۆڵمەکەن
گۆڕان دەبێ لەیەکێتییە کۆنەکان خۆی ڕزگارکات
هەڵوێستی گۆڕان زەمانی مانەوەیەتی
یەکێتی و پارتی داهێنەری جنێوی سیاسین!
بۆڕەشبین نەبین لێتان؟!
ئێوە کە باسی گۆڕانکاری دەکەن
یەکگرتوو دوبارەکردنەوەی هەڵەیەکی بێحیکمەت
پارتی وەک بەعسی سەردەم لەهەولێرە
گومرگی ناوخۆش ئەگەڕێتەوە!!
گۆڕان و کۆمەڵ ئیتر بەسە!!
ئەی کێ ئێوە هەڵوەشێنێتەوە؟!
جیاوازی پارتی و یەکێتی وەک بیبسی و کۆلایە
وازلە پارتی و یەکێتی بێنن خەتای یەکگرتووە
با ئیتر بێدەنگ نەبین!!
بڕیاری دوو ئیدارەیتان دا؟!
12
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە