بۆیە ئەمە رونەدا، با ئەمەیان بكرێت
‎محەمەد نوری ئەحمەد
PM:05:16---15-10-2018
ئه‌م بابه‌ته 512 جار خوێنراوه‌ته‌وه‌‌

ئینجا قوباد دەتوانێت؟
ئەگەر یەكێتی سەر لەقوباد تاڵەبانی تێكنەدا ئەوا دەتوانێت بێتە كارئەكتەرێكی دیار لەناو گفتوگۆی پێكهێنانی حكومەت لەگەڵ پارتیدا. بەڵام ئاماژەی شارەوە هەیە كە دو دەستە نایانەوێت قوباد بیتە سەرۆك تیم‌و سەركەوتووبێت لەوەی یەكێتی وەك حزبی دووەم لە هەڵبژاردنەكاندا مامەڵەی لەگەڵ بكرێت .كێن ئەوانە؟

دەستەی یەكەم: ئەوانەن كە ئارەزوو ناكەن قوباد سەركەوتوبێت، لەبەرئەوەی لایانوایە سەركەوتنی قوباد لەهەولێرو پێشتر باڤیڵ لەبەغدا هەنگاوێكە بۆ تەواو كۆنتڕۆڵكردنی یەكێتی‌و دەستپێكردنی حیكایەتێكی نوێ لەبەرێوەبردنی ئەو حزبەلەلایەن كوڕەكانی تاڵەبانییەوە(بۆیە ئەم دەستەیە ئامادەی دروستكردنی هەموو گرژی‌و بەربەستێكە، بۆ ئەوەی هەم قوباد نەچێتەوە سەر مێزی حكومەت ،هەمیش سەركەوتنی لەهەڵبژاردنەكاندا بەهەوادا بڕوات‌و بفەوتێت).

دەستەی دووەم: ئەوانەن كە وابیردەكەنەوە كە دەبێت ئاراستەی تەواو پێچەوانەی پارتی وەربگیرێت ، ئەم دەستەیە لایان وایە سەردەمی پەراوێزخستنی پارتی دەبێت دەستپێبكات، وا بیریشدەكەنەوە كە حەزفی پارتی ئاسانە .بۆیە كاردەكەن گرژییەكان زیاتربێت، خەرەندەكەی نێوان ئەم دوو هێزەش فراونتربێت (وروژاندنی پۆستی پارێزگای كەركوك لەم كاتەدا، لێدان دەبێت لەو نزیكبوونەوەیە كە رووبدات لەنێوان پارتی ویەكێتی بۆ تەشكیلكردنی حكومەت).
ئەگەر قوباد وەك سەرۆكی لیستی یەكێتی بتوانێت ئەو دوو دەستەیە تێپەڕێنیت، نەهێڵێت كاردانەوەی هەبێت بۆ دەستپێك‌و رێككەوتنامەی ناو گفتوگۆكان، ئەوا دەتوانێت خاڵێكی ئیجابی لە هەولێر بۆ حزبەكەی تۆماربكات. كەواتە یەك رێگا هەیە لەبەردەم یەكێتی كە خاوەن٢٢ كورسیییە، ئەوەش: ئەمجارە سەری گوریسەكەی گفتوگۆ لەگەڵ پارتی بەهەمو مەلەفە ئاشكراو نهێنی‌و دیار ونادیارەوە تەسلیمی قوباد بكات، ئەگەر ئەمە بكات هەنگاوێكی نوێیە، ئەگەر نەشیكات ناتوانێت سەرەتایەكی باشی هەبێت لەناو جەستەی حكومەتی داهاتو. (لەساڵیادی مردنی تاڵەبانی، پەیامەكەی قوباد تێگەیشتنە لەو مەترسییانەی لەبەردەم حزبەكەیدا هەیە).

بلۆكەكە دروست بكەن
دەستەواژەی بلۆكی مێژوویی(پێكهێنانی مێژویی) لەلایەن فەیلەسوفی ئیتاڵی گرامشییەوە تەرح كراوە، كە خۆی لەگونجاندنی هێزە جیاوازەكان لەرووی بیروباوەڕە دەبینێتەوە، بۆ ئەوەی لەگەڵ یەكترهەنگاوبە دۆخی سیاسیی‌و ئابوری كۆمەڵگا بنێن (بەرەی ساندینیە كە لەنێوان ساڵانی ١٩٧٩بۆ ١٩٩٠ حكومەتی نیكارگۆیان تەشكیلكرد ئەو شێوە بلۆكە بو، بەرەی ساندینیە پێكهاتووبوون لەچەپەماركسییەكان‌و مەسیحییە كەنسییەكان. بۆ دورتربڕۆین ئەوەی نێوان رەوتی سەدرو حزبی شیوعی یەكێكە لەو نموونانە).

كەواتە گۆڕان ویەكێتی بۆ ناتوانن پێكەوە هەنگاوێكی نوێی سیاسیی بنێن؟ ئایا ئەوەندە دورن لەیەكەوە تا خاڵێكی هاوبەش كۆیان نەكاتەوە؟ بەقەدەر شیوعییەكان وسەدرییەكان لەیەك جیاوازن؟ بۆ لەسلێمانی‌و هەڵەبجە، گۆڕان دەتوانێت پشكداربێت لەگەڵ یەكێتی، ئاڵوگۆڕی پۆست‌و كورسی بكەن، كەچی گۆڕان كە بچێتە هەولێر یەكێتی بكاتە نەیاری سەرەكی خۆی. بەهەمانشێوەش یەكێتی لەم دووشارە پشكدارە لەگەڵیدا، بەڵام لەهەولێر وەك تەماشاكەرێك لەهەموو كارەساتێك بڕوانێت كەبەسەر گۆڕاندا دێت.

بۆ چیا ناتوانێت هاوڕێی‌ سیاسیی قوبادبێت؟ (چیا كارئەكتەری شاراوەی جوڵاندنی بزوتنەوەی گۆڕانە).بۆ گۆڕان ئامادەنییە لەگەڵ یەكێتیدا پێكبێتەوە؟ یان واتایەكی رونتر ئایا زەمینەی نزیكبوونەوەی گۆڕان ویەكێتی لەبارترە یان زەمینەی گۆڕان‌و پارتی؟ گەرلەدەرەوە سەیری تابلۆكە بكەین ئەو رستەیە دێتە پێشەوە: گۆڕان ویەكێتی هەردووكیان سیاسەت دەكەن، بۆیە گۆڕان ئازادە بیەویت بەڕەكانی دەسەڵات لە ژێر پێی یەكێتیدا دەربهێنیت ،بەڵام گەر وردتر لە تابلۆكە بڕوانین ، ئەوەیە هەم یەكێتی وهەم گۆڕان كە زەمینی كاركردنیان لەم ناوچەیەدایە ناتوانن یەكتر فەرامۆش بكەن. یان پێی بەیەكتردا بنێن .(جاراستە یان درۆ ،دەڵێن رێككەوتنامەی دەباشانی نێوان مام جەلال وكاك نەوشیروان خاڵێ سەرەكی تێیدا شێوەیەكگرتنەوەیەكی نێوان ئەو دو هێزە بوە ،بەهۆی مردنی هەردوكیانەوە ئەو پرۆژەیە رووی نەدا ) .هەنگاوی دروست لەنێوان كوڕی مام جەلال كە قوباد و كوڕی نەوشیروان كە چیا زیاتر نمایندەی دەكات دەستپێكردنی نزیكبوونەوەیەكە لەنێوان ئەم دوو هێزدا .بیرمان نەچێت هەردوو هێزەكە خۆشیان بێت وترشیان بێت لەسەر یەك ئاراستەی سیاسیی مەحسوبن كەناوی ئاراستەی جەلالیەتە لەناو جوڵەی سیاسیی لەكوردستان .گۆڕان دەتوانێت ببیتە هاوڕیی كاركردنی داهاتووی یەكێتی‌و بلۆكێكی نوێ سیاسی دروستبكەن بەمەش هێزێك دەدەنەوەبەوەی كە بەرامبەر پارتی بویرتر وقورستربن.
ئایا دەیكەن؟ (ئەگەر وتی وتی پیرەكانی دەوروبەر نەمێنیت، رەنگە بتوانن ئەوەبكەن)

پارتی سوعبەت نازانێت
بەپێی هەموو ئەو تەسریحانە بێت كە دەوترێت ،ئەمجارە پارتی بە ئاسانی دەستبەرداری پۆستەكان وپلەكان نابێت. ئەمجارە پارتی شەڕ لەسەر هەموو پۆست وكورسییەك دەكات. ئەو روداوەكەی بەغدای بیرنەچووەتەوە بۆیە لەهەولێر تەرزاووی بەشكردنی پۆست دادەنێت .ئەمجارە پارتی ٢٠١٣ نابێت ،ئەمجارە پارتییەك خۆی نمایش دەكات كە كۆی هێزەكان بەركابەرو دوژمن‌و نەیاری سەرسەختی خۆی دادەنێت ،پارتی لەهەوڵدایە قوباد وەك كوری مام جەلال و هێرۆ برایم بخاتە دەرەوەی یاری شەراكەت، كار لەسەر دروستكردن وبەهێزكردنی رایەڵەی نێوان خۆی وگۆڕان دەكات. (سەركردایەتییەكی پارتی بەناراستەوخۆ بە بڕیاربەدەستێكی گۆڕانی وتوبو: لەگەڵماندا بێنە پێشەوە جموجۆڵ وداخوازیی خەڵك دەگەڕێنینەوە بۆ گردەكە،چونكە وەزیر لەكوێ بوو داخوازی خەڵكیش لەوی دەبێت). ئەگەر گۆڕان ئەمە بكات دەسكەوتی سیاسیی بۆ بزوتنەوەكەی تۆماردەكات ،بەڵام پێگەكەی لەم ناوچەیەدا كە نفوزی گەورەی هەیە لاواز دەكات. بۆیە خاڵی دروست بۆ گۆڕان لەم كاتەدا ئەوەیە: كە ببیت بەدۆستی ئەو نەوەتازەیەی لەیەكێتیدا كاردەكەن‌و بڕیاربەدەستن ، بەهەمانشێوەش یەكێتیش دەبێت ئەو دڵنیاییە بدات بەگۆڕان ئەمجارە تەنیای ناكات ودەتوانێت شەریكبن نەك دوژمن. ئایا ئەی كەن؟ دەبێت خۆیان وەڵام بدەنەوە





بۆیە ئەمە رونەدا، با ئەمەیان بكرێت
ئایا دەسڕێتەوە؟
یەكێتی دەچێتەوە ناو یاریگاكە؟
كێ قورئانەكەی دزی؟
پێش نۆمانگ لەمەوپێش، پێكەنین بە دیار دروستكردنی دەوڵەتەوە
با هەر بمێننەوە
تەقەی جام دێت
مەلابەختیار وكارەبا
عومەر فەتاح باسی دیموكراسی كرد
ئاواتەكەی موحسن حەكیم دێتە دی، كچانی ٩ساڵ ئامادەبكەن
كامیان خەتابارە یەكێتی یان پارتی؟
چی روویدا؟
با ئەزموونەكە تێكبچێت
دوای تاڵەبانی، یەكێتی بەرەوكوێ؟
ئایا ریفراندۆم لە هەرێمی كوردستاندا كرا؟
123

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە