بەهـاری یەكـێتی
دانــا زەنــدی
PM:12:41---23-04-2018
ئه‌م بابه‌ته 1939 جار خوێنراوه‌ته‌وه‌‌
درەختێكی بەساڵاچو كە رەگی ئەستوری رۆچو بەناخی خاكدا، ئەگەرچی بەهۆی وشەكەساڵی بێت یان هەر ئافاتێك، هەندێك لە لقە چڕ و بەیەكداچووەكانی وشك هەڵبگەڕێت و سەوزیەكەی لەدەستدابێت، لقە زیندووەكانی دیكەی هێندە زۆرن هەرگیز بەهیچ ئافاتێك رێگەنادەن زەفەر بە قەدە ئەستورەكەی ببەن و وشكی بكەنەوە. دیارە رەگ و ریشەكەشی كە لەدێرزەمانەوە بەجۆرێك تێكەڵ بەخاكەكەی بووە لێكجوداكردنەوەیان مەحاڵە، بۆ هەمیشە بەسەوزی مانەوەی گەڵاكانی هەرگیز بێبەشی ناكات لە ئاو و خۆراكی زەویە بەپیتەكەی، ئەمەش بۆ دەستبەردارنەبوونە لە سێبەرە پڕ لەمیهرەبانیەكەی كە پێویستیەكی ژیانە، خۆ ئاشكرایە، ئەگەر لەپایزیشدا گەڵاكانی زەرد هەڵگەڕێن و هەڵبوەرێن، لە بەهاریشدا لقەكانی چرۆدەكەن و گەڵای سەوزی تازە دەهێننەوە بوون.

بەڵێ‌ ئەمە درەختی یەكێتی نیشتیمانی كوردستانە كە بیر و هزری شۆڕشگێڕانەی مۆدێرنی تێكەڵ بەخوێنی شەهیدەكانی كرد بۆ چنینی چەتری دیموكراسی بۆ ئەوەی لە سێبەرەكەیدا هەزاران نەمامی تازە و گوڵی رەنگاوڕەگ سەوزبێت، (ی.ن.ك) ئەو هێزە شۆڕشگێڕەیە كە هەرەسی بەهەرەس هێنا، ئەو قوتابخانەی كوردایەتیەیە كە چۆكی بەئاشبەتاڵ دادا و لوتی بەرزی دكتاتۆرەكانی هێنایە بەرپێی پێشمەرگەیەكی ماندونەناسی كورد.

پێموایە گەر بەویژدانەوە ئاوڕێكی كوردانە لە مێژووی یەكێتی بدەینەوە، دەبینین كە ئەم پێشەكیە فەنتازیەم بۆ مێژووی بەرخودانی (ی.ن.ك) هیچ زیادەڕۆییەكی تیانییە، بەڵكو وەسفێكی سەرپێییە بۆ خەبات و قوربانیدانە گەورەكەی یەكێتی بەئامانجی داهێنانی فەلسەفەیەكی نوێی شۆڕشگێڕانە بۆ نەتەوە و خاكپەرستی و بەها مرۆییەكان.

ئاشكرایە رێی خەباتی ئەم حزبە پڕە لە هەوراز و نشێوی، لێكترازان و گرێدانەوە، رەنگاوڕەنگی و هەماهەنگی بیروبۆچوونە جیاوازەكان بەرەو یەك ئاراستە كە ئەویش ئازادی و سەرفرازی مرۆڤی كوردە، بەهۆی هەڵوێستی شۆڕشگێڕانە و بیرە پێشكەتنخوازەكەیەوە هەردەم قەڵغانێكی پۆڵایین بووە بەڕووی پیلانە نامرۆڤانەكانی دوژمنانی گەلی كورد.

دیارە جێگەی داخ و نیگەرانیەكی زۆریشە كە هێشتا حزبی كوردی هەیە شكاندنی رێچكە بنبەستەكان و شەڵەقاندنی گۆمە مەنگەكان كە لەبێجوڵەییدا بۆگەنیان كردووە، بەشكست و لاوازی حزبی دەزانن و دكتاتۆری حزبی و فكری دۆگمایی بەدەستكەوتی گەورەی حزبی خۆیانی دەزانن و لەمیدیا زەبەلاحەكانی خۆیانەوە تانە لە یەكێتی دەدەن كە گوایە كێبڕكێی حزبی زیاتر لە زۆنی نفوزی ئەودا بوونی هەیە و لایەنە ركابەرەكان لەم پرۆسەی هەڵبژاردنەدا لەسەر كۆی دەنگدەرانی (ی.ن.ك) كێبڕكێ‌ دەكەن..! لێرەدا جێی خۆیەتی بپرسین كە ئایا ئەم فەزا دیموكراسیەی ئەم دەڤەرەی یەكێتی و ئەم شڵەقاندنی گۆماوە و ئەم رەنگاو ڕەنگیە كە لەم زۆنی پڕ لەڕەنگەدا هاتووەتە كایە نیشانەی زیندویی و دیموكراسی و لیبرالیەتی یەكێتی نیشتیمانی نییە؟ نیشانەی نەترسی یەكێتی نییە لە مێژووی پڕ لەسەروەری خۆی و گومان نەبوونی لە دڵسۆزی و راڕانەبوونی جەماوەر و دەنگدەرانی خۆی؟.

بۆیە من لەم سۆنگەیەوە وایدەبینم كە ئەم قۆناغە بەهاری یەكێتیە، واتە قۆناغێكی زۆر گرنگ و پێویستە بۆ ئەزموونی خەباتی جەماوەری یەكێتی، هەروەك پێشتر ئاماژەم بۆ كرد، یەكێتی حزبێكی زیندووە و بەردەوامە لە خۆنوێكردنەوە و جوانی مێژووەكەشی لە هەڵكشان و داكشانەكەیدایە.

لێرەدا بەپێویستی دەزانم ئەم پرسیارە لە ئێوەی خوێنەر بكەم: ئایا قەت بیستوتانە لەدونیای سیاسەتدا حزبێك هەبێت وێڕای ئەم هەمووە لێكترازانە و پاش ئەم جیابوونەوە گەورانە، هێشتا هەر لەسەرپێی خۆی وەستابێت و ژمارەیەكی گەورەش بێت لە هاوكێشە سیاسی و سەربازی و دیبلۆماسیەكانی ناوخۆ و دەرەوەدا..؟ دیارە فاكتەرەكان زۆرن كە هۆكاری راستەوخۆ و ناڕاستەوخۆی ئەم هێزە لەبن نەهاتووەی (ی.ن.ك)ن، بەڵام من نهێنی ئەم بەرگە گرتنە موعجیزەئاسایەی یەكێتی دەگەڕێنمەوە بۆ جەماوەرە كۆڵنەدەرەكەی و دڵسۆزی دەروێشانەی زۆرێك لە كادیرە ناوەندیەكانی كە هەردەم خوێندكارێكی گوێڕایەڵ و بەوەفاو بەئەمەكی رێبازەكەی بەڕێز (مام جەلال)ن یادی بەخێر. ئەمەش سەرەڕای گیانی پێشمەرگانەی بەشێك لە سەركردایەتیە بەئەزمونەكەی كە سورن لەسەر پاراستنی كەشە دیموكراسیەكەی ناوخۆی یەكێتی. بۆیە من گەشبینم سەبارەت بەداهاتووی (ی.ن.ك) و پێموایە كە بەهاری یەكێتی لێرەوە و لەم قۆناغەوە دەستپێدەكات.





سەردەمی نوێ‌ و كارەكتەرە نوێكانی (ی.ن.ك)
سەفین لەبندێ‌ و یەكێتی لەبن نایەت
سەرنجێك سەبارەت بە (ی.ن.ك)
خـودا چیە..؟!
چاكسازی خوازەكان و دۆزی كەركوك
پەیامێكی كەركوكیانە بۆ (ی.ن.ك)
كەركوك و یەكێتی
بەهـاری یەكـێتی
كوردستان لە پرۆسەی بەشكردنی خۆرهەڵاتی ناوەڕاستدا
عەفرین كەركوكە
فەزای دیموكراسی و حزبی نوێ‌
كــورد و سیاســەت
نامەیەكی كراوە بۆ بەڕێز دادە هێرۆ، یەكێتی نیشتیمانی و ویستی كوردایەتی
عەفرین دەستەخوشكی كەركوكە
ئایا تۆی مرۆڤ ئازادیت یان كۆیلە؟
12

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە