ئەمریکا بۆچی فەڕەنسای هێنایەوە ناوچەکە؟
ئارام هادی
AM:11:45---05-04-2018
ئه‌م بابه‌ته 1268 جار خوێنراوه‌ته‌وه‌‌


تادێت ئەردۆغان بەپشتیوانی ڕوسیا و ئیران چاوچنۆکی و هەڕەشەکانی بۆ داگیرکردنی خاکی کوردان زیاتر دەبێت، بێدەنگی ئەوروپیەکانیش بەرامبەر بە هێرشەکەی سوپای تورکیا بۆ عەفرین هێندەیتر ئەردۆغانی پاڵ پێوەنا تا هەڕەشە لەیۆنانیش بکات، ئەمریکاش خۆی بەتەنها بینیەوە بەرامبەر مەترسیەکانی سێ کوچکەی"ڕوسیا. تورکیا. ئیران"لەسوریا هەربۆیە لەدوای هاتنەناوەوەی سوپاکەی ئەردۆغان و گروپە تیرۆرستیەکان بۆ ناو عەفرین هاوپەیمانێتی ڕۆژئاوای بەئاگا هێنایەوە بەرامبەر مەترسیە نوێ یەکانی ڕۆژهەڵاتی ناوەڕاست و ڕایگەیاند کە بەنیازن لە سوریا بکشێنەوە گەرهات و سعودیە خەرجی دارایی سوپای ئەمریکا لە سوریا نەگرێتە ئەستۆ و ئەوروپیەکانیش ڕۆڵی سەرەکی نەبینن.
ترامپی سەرۆکی ئەمریکا بە بەردێک هەردوو نیشانەکەی پێکا و هەر زوو سعودیە ئامادەیی دەربڕی بۆ لەئەستۆ گرتنی خەرجی دارایی و سەرەتاش فەڕەنسا وەک وڵاتێکی زلهێزی جیهانی و ئەندامی هەمیشەیی ئەنجومەنی ئاسایشی نێودەوڵەتی و خاوەن بڕیاری یەکلاکەرەوەی ئەوروپیەکان هاتە ناوچەکە بەو حوکمەی یەکێکیشە لە خاوەن پڕۆژەی سایکس بیکۆ کە ئیمپراتۆری عوسمانی دابەشکرد، لەئایندەیەکی نزیکیشدا بەریتانیاش بەدوای فەڕەنسادا بە قورساییەوە دێتەوە ناوچەکە بۆ شکست پێهێنانی ئەو هاوپەیمانێتیە سێ قۆڵیەی "ڕوسیا. تورکیا. ئیران".

ئەمەش نەک لەبەرخاتری ئێمەی کورد بەڵکو لەبەر بەرژەوەندیە ئابوری و مانەوەی پێگەی بەهێزی خۆیان لە ناوچەکە، دیارە ئەردۆغان زۆر زوو هەستی بەو مەترسیەی ڕۆژئاواییەکان کرد بۆیە بە پاڵپشتی ڕوسیا و گروپە تیرۆرستیەکان هەڕەشەی لە فەڕەنساش کرد و وتی گەر ببیتە ڕێگر لەبەردەمم ئەوا وڵاتەکەت پڕدەکەم لەتیرۆریست، کورد بەگشتی وەک هەمیشە دابەشی سەر هەردوو بەرەکەبوە، بەشێک لەگەڵ شەرق و بەشێکیش لەگەڵ غەرب، هەرئەوەشە بۆتە هۆکارێک کە نەگەیشتوە بە ئامانجەڕەواکانی.

پرسیارە جەوهەریەکە لێرەدایە، ئایا فەڕەنسا و بەدوایدا بەریتانیا وەک دوو وڵاتی زلهێز و کاریگەر و خاوەن نفوس لەڕۆژهەڵاتی ناوەڕاست کە هەریەکە مێژویەکی دێرینیان لەگەڵ سەرجەم نەتەوەکانی ناوچەکە هەیە، بەهاوکاری ئەمریکا و دۆستەکانیان، مێژوو دووبارە دەکەنەوە بەدووبارە دابەشکاری لەوڵاتانی ناوچەکە بەو حوکمەی هەرسەد ساڵ جارێک دەمەزەردی دەوڵەت نەتەوەکانی ناوچەکە دەکەن و وڵاتان پارچەدەکەن و سەرلەبەری سیستەمی حوکمڕانیان دەگۆڕن، یان شکست دێنن، چونکە ڕوسەکان بەپێچەوانەی سیاسەتی ڕۆژئاواییەکان کە کاریان گۆڕانکاریە لە وڵاتاندا دەست بە وڵاتانەوە دەگرن وەک ئەوەی هەیە بمێنێت؟.

ئیدی تورکیا بۆتە خەتەرێک بۆ جیهان گەر ڕێگەی لێ نەگیرێت سبەی هەڕەشەی جدیش لە ئەمریکا دەکات و ئەگەری شەڕفرۆشتنی بە سوپای ئەمریکاش دوورنیە.






ئەمریکا بۆچی فەڕەنسای هێنایەوە ناوچەکە؟
مه‌ترسیه‌كانی توركیا له‌دوای عه‌فرین
هه‌رێم و بغداد تا هه‌ڵبژاردنی ساڵی ئاینده‌ ڕێكناكه‌ون!
16ی ئۆكتۆبەر و كۆنگرەی یەكێتی
ستراتیژی پێش ریفراندۆم
لە داهاتودا پەڕلەمانتاران قورسترین ئەرکیان لەسەرشانە
سیناریۆكانی داهاتوی هه‌رێم
باجی گوێنه‌گرتن له‌ ئه‌مریكا
توركیا پەیامێكی دا بەجەماعەتی ڕیفراندۆم
یەكێتی و گۆڕان و پێكەوە لەگەڵ پارتی
ڕیفراندۆم، یان هەڵبژاردنی گشتی؟
یەكێتی قسەی خۆی كرد
ئەمریكا دەبێتە دۆستی ڕاستەقینەی كورد؟
دەوڵەتی سەربەخۆ و شەڕی پەكەكە!!
دەوڵەت لەنێوان وەهم و واقیعدا
123
زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە