خاوه‌ن پێداویستیه‌ تایبه‌تیه‌كان:وه‌زیری‌ كاروباری‌ كۆمه‌لاَیه‌تی‌ سه‌ردانی‌ نه‌كرداینایه‌ باشتربوو

خاوه‌ن پێداویستیه‌كی‌ تایبه‌ت ڕه‌خنه‌ له‌سه‌ردانه‌كه‌ی‌ ئاسۆس نه‌جیب وه‌زیری‌ كاروباری‌ كۆمه‌لاَیه‌تی‌ ده‌ڵێت،هه‌ر سه‌ردانی‌ نه‌كردینایه‌ باشتربوو چونكه‌ جگه‌ له‌وه‌ی‌ قسه‌ی‌ دووباره‌ی‌ ده‌كرد،هه‌روه‌ها به‌ده‌ست به‌تاڵیش سه‌ردانی‌ كردین

پێشتر وه‌زیری‌ كاروباری‌ كۆمه‌لاَیه‌تی‌ حكومه‌تی‌ كوردستان ڕایگه‌یاند،ه‌ئو سه‌ردانی‌ كه‌م ئه‌ندامه‌ مانگرتووه‌كانی‌ به‌رده‌م په‌ڕله‌مانی‌ كوردستان ناكات و ده‌بێت ئه‌وان سه‌ردانی‌ بكه‌ن،به‌لاَم دوێنێ‌ وه‌زیری‌ كاروباری‌ كۆمه‌لاَبه‌تی‌ سه‌ردانی‌ ئه‌و خاوه‌ن پێداویستیه‌ تایبه‌تیه‌ مانگرتوانه‌ی‌ كرد.

سابیر محه‌مه‌د یه‌كێك له‌و خاوه‌ن پێداویستیه‌ تایبه‌تیانه‌ی‌ كه‌ئێستا له‌به‌رده‌م په‌ڕله‌مانی‌ كوردستان مانی‌ گرتووه‌ به‌(لڤین پرێس)ی‌ ڕاگه‌یاند،هاتنی‌ وه‌زیری‌ كاروباری‌ كۆمه‌لاَیه‌تی‌ بۆ لای‌ كه‌مئه‌ندامان هیچ بایه‌خێكی‌ نه‌بوو هه‌ر نه‌هاتایه‌ باشتر بوو"

ئه‌و خاوه‌ن پێداویستیه‌ تایبه‌تیه‌ ئه‌وه‌شی‌ وت:پێشتر وه‌زیری‌ كاروباری‌ كۆمه‌لاَیه‌تی‌ ده‌یوت بۆیه‌ سه‌ردانیان ناكه‌م نامه‌وێت به‌ده‌ستی‌ به‌تاڵ سه‌ردانیان بكه‌م"به‌لاَم نه‌ك هه‌ر به‌ده‌ستی‌ به‌تاڵ به‌ڵكو جگه‌ له‌قسه‌ی‌ دووباره‌ هیچی‌ تری‌ پێنه‌بوو"

وتیشی‌:له‌ئێستادا چه‌ند مانگرتوویه‌كمان به‌هۆی‌ مانگرتنیان له‌خواردن ژیانیان له‌مه‌ترسیدایه‌"

ماوه‌ی‌ ده‌ ڕۆژه‌ كه‌مئه‌ندامان له‌به‌رده‌م په‌ڕله‌مانی‌ كوردستان ده‌ستیان كردووه‌ به‌مانگرتن بۆ جێ‌ به‌جێ‌ كردنی‌ داخوازییه‌كانیان و زیادكردنی‌ موچه‌كانیان"

zh

‌