سەرکەوت شەمسەدین: مەسرور بارزانی بە عەقڵیەتی ئاغا حوکم دەکات

15.09.2019

لڤین:

ئەندامێکی ئەنجومەنی نوێنەرانی عێراق رایدەگەیەنێت، شکستی حکومەتەکەی مەسرور بارزانی بەوەدا دیارە کەهیچ مژدەیەکی بۆ خەڵکی هەژار و فەرمانبەران پێ نییە.

سەرکەوت شەمسەدین، ئەندامی ئەنجومەنی نوێنەرانی عێراق لە هەژماری تایبەتی خۆی لە تۆڕی کۆمەڵایەتی فەیسبوک بڵاویکردوەتەوە، لەورۆژەی ئەم حکومەتە دەستبەکاربوە تەنیا ئەرکی سەرشانی فەرمانبەرانی قورستر کردوە بێ ئەوەی مافییان بدات.

ئاماژەی بەوەشکردوە" تەواوی هێزە بەشدارەکانی حکومەت لەبەردەم بەرپرسیاری مێژویدان کە ئایا تەسلیمی ئەجێندای بارزانی کوڕ دەبن و هەرێمی کوردستان دەکەنە دۆزەخی هەژاران و بەهەشتی سەرمایەداران، یان رایدەگرن و لەم هەنگاوە مەترسیدارانەی و بەهۆشیدێننەوە کە فەرمانبەرانی کوردستان هاوڵاتی پلەیەکن و غوڵام و "میلەت نین" ئەویش ئاغا و خودانی ئەو خەڵکە نیە".

ئەو ئەندامەی ئەنجومەنی نوێنەران دەشڵێت" لە کاتێکدا زۆربەی هێزە سیاسەییەکان تەسلیمبونیان هەڵبژاردوە، ئێمە هەموو رێگایەکی دەستوری و یاسای دەگرینەبەر بۆ رێگریکردنی ئەم هەوڵە مەترسیدارانەی بارزانی کوڕ بۆ بە بارمتەگرتنی فەرمانبەران لەپێناو بەرژەوەندی کۆمپانیاکانی بنەماڵە".

3741 جار بینراوە

copyright 2019, All Rights Reserved Developed by TeraTarget for Digital Intelligence and IT Innovations