كتێبخانەكەی مەلا عەبدولكەریمی مودەریس بەخشرا

16.09.2019

لڤین: 
كتێبخانەكەی مەلا عەبدولكەریمی مودەریس گواسترایەوە و لەسەر وەسیەتی خۆی درایە بنكەی ژین و ئەو بنكەیەش رایگەیاند "شەرەفی پاراستن و خزمەتكردنی پاشماوەی گرانبەهای ئەم زانا مەزنەی كوردەواریی پێ‌ بڕاوە".

بنكەی ژین لە شاری سلێمانی، رایگەیان: ڕۆژی یەك شەممە، 8ی ئەیلول پاشماوەی كتێبخانەكەی مەلا عەبدولكەریمی مودەرریس، كە لە لای خوالێخۆشبوو كاك سەڵاحی كوڕی پارێزرابوو، وەك بنەماڵەی مامۆستا پێش ‌وەخت گفت و بڕیاری لێ‌دابوو و پێشكەشی “بنكەی ژین”ی كردبوو، گواسترایەوە بۆ تەلاری ژین.

 ئەنجومەنی بەڕێوەبردنی بنكەی ژین، لە راگەیەندراوێكدا ئاشكرای دەكات "خۆ بە بەختەوەر دەزانێ كە شەرەفی پاراستن و خزمەتكردنی پاشماوەی گرانبەهای ئەم زانا مەزنەی كوردەواریی پێ ‌بڕاوە و سپاسی ئەم بنەماڵە بەڕێزەیش دەكات كە بە متمانەوە ئەم هەڵوێستەی نوواندووە".

ئەو بكەیە بڕیاری داوە ژوورێكی تەنیشتی كتێبخانەی تایبەتی "خوالێخۆشبوو شێخ محەممەدی خا‌ڵ لە نهۆمی دووەمدا بۆ ئەم كۆكراوەیە تەرخان ‌بكات و حاڵی حازر خەریكی ڕاپەڕاندنی ئەم كارەیە. شایانی باسە، بەشی زۆری كتێبخانەی تایبەتی مامۆستا مەلاعەبدولكەریم، پاش كۆچی‌دواییی، بەخشرا بە كتێبخانەی شێخ عەبدولقادری گەیلانی (غەوس) لە بەغدا".

2329 جار بینراوە

copyright 2019, All Rights Reserved Developed by TeraTarget for Digital Intelligence and IT Innovations