ئاماژەکانی پشت ڕێگری کردن لەبەڕێز مەحمود سەنگاوی

19.09.2019

لڤین: لە ئەژماری ( ئەبوبەكر هەڵەدنی )ەوە  وەرگیراوە

ئەندامێکی پەرلەمانی کوردستان لە فراکسیۆنی یەکگرتوو ڕایگەیاندوە، ئەمانە شایستەیی و لێوەشاوەیی بەڕێوەبردنی گەلی ستەمدیدەی کوردستانیان نیە وڕۆژێک دێت ڕەشەبای توڕەیی گەل داهۆڵی شەقوشڕیان دەبا بەحەوادا.

 

ئاماژەکانی پشت ڕێگری کردن لەبەڕێز مەحمود سەنگاوی!؟

پێمان دەڵێ کاربەدەستانی هەرێم لێبوردە نین ونابن وشەڕی کۆنەقین هەربەردوامە.
پێمان دەڵێ دەسەڵاتدارانی ئەم ووڵاتە چاکسازی راستەقینە ئەنجام نادەن .
پێمان دەڵێ هێزی چەکدار هەمووی لەژێر فەرمان وئاراستەی حزبدایە وئەم هێزانە ئەوەندەی حزبین هەرگیز هی هەموو هاونیشتیمانیانی هەرێم نین.
پێمان دەڵێ سنوورەکانی دێگەڵە وسماقوڵی دەمێنن مادام لۆژیکی غرور وبێ باکی وفیزکردن بەردەوام ختوکەی دەسەڵاتداران بدات.
پێمان دەڵێ کاربەدەستانی هەرێم(بکوژ)و(ببڕ)و(بخۆڕ)هەر خۆیانن.
پێمان دەڵێ دەسەڵاتدارانی هەرێم پەندیان لەمێژوو وەرنەگرتوەو هەڵەکان بەردەوام دووبارە دەکەنەوە.
پێمان دەڵێ ئەمانە شایستەیی و لێوەشاوەیی بەڕێوەبردنی گەلی ستەمدیدەی کوردستانیان نیە وڕۆژێک دێت ڕەشەبای توڕەیی گەل داهۆڵی شەقوشڕیان دەبا بەحەوادا.
پێمان دەڵێ دڵنیابن ستەم هەمیشە لەئەستوریدا پچڕاوە و(بەبنبەست گەیشتن وبۆگەن بوون)سەرەتای وەرچەرخانی ڕاستەقینەیە.
ئەم ڕوداوانە نەک نائومێدمان ناکات بەڵکو ڕق ئەستوورتر وبەرچاوڕۆشنتر وشێلگیرترمان دەکات وڕەوایەتی دەداتە خەباتی بێ وەچانی ئیسڵاح خوازان .

١٩-٩-٢٠١٩

13294 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations