ریاڵ مەدرید دەیەوێت دوای ساڵێك یەكەم یاری لە یاریگای خۆیدا بەرێتەوە

01.10.2019

لڤین:  
ئەمشەو لەیارییەكانی گەڕی دووەمی قۆناخی كۆمەڵەكانی چامپیۆنس لیگ یانەی ریال مەدرید پێشوازی لە یانەی كلوب بۆرگ دەكات و یانە شاهانەییەكە نزیكەی ساڵێك یاری چامپیۆنس لیگی لە یاریگای خۆی نەبردووەتەوە. 

هەرچەندە لە گەڕی یەكەمدا یانەی ریاڵ مەدرید بە ئەنجامی 3 گۆڵی بێ وەڵام شكستی هێنا لە پاریس، بەڵام راهێنەرەی یانەك دەیەوێت بە هەر نرخێك بووە یاریەكەی ئەمشەو بەرێتەوە بۆیە چەند یاریزانێكی دوور خستووەتەوە كە پێكهاتوون لە هەریەكە لە گاریس بەیڵ، ئۆدریۆزۆلا، جەیمس رۆدریگێز، رۆدریگۆ، براهیم دیاز و ماریانۆ دیاز. 

ئەوە جگە لەوەی كە چەند یاریزانێكیش بەهۆی پێكانەوە دووركەوتنەتەوە كە پێكهاتوون لە فێرلاند مێندی و ئاسێنسیۆ، یارییەكە لە یاریگەی سانتیاگۆ بێرنابیۆ لە كاتژمێر 7.55 خولەكی ئێوارە دەبیچت بەكاتی هەرێمی كوردستان.

ریال هیچ خاڵێكی نییە، یانەی كلەب بورگ خاوەنی یەك خاڵە لە پلەی سێهەدا دێت بەهۆی ئەوەی پاریس سانجێرمان پلەی یەكەمی گرتووە بە سێ خاڵ و گەڵاتەسەرای بە یەكسان بون لە دەرەوەی یاریگای خۆی توانیویەتی یەك خاڵە بە دسەت بهێنێت هەرچەندە كلەب بورگیش یەك خاڵی هەیە بەڵام لە پلەی سێهەمدایە و ریاڵ مەدریدیش پلەی 4هەمی گرتووە. 

ریاڵ مەدرید ماوەی 344 رۆژە لە خولی یانە پاڵەوانەكانی ئەوروپا نەیتوانیوە هیچ بردنەوەیەك لە یاریگاكەیدا ئەنجام بدات بە شێوەیەك كە دواین یاری چامپیۆنس لیگ كە بردویەتیەوە لە یاریگای خۆیدا 23ی 10ی 2018 بووە كە لە یانەی ڤیكتۆریا پڵزنی چیكی بردەوە.

208 جار بینراوە

copyright 2019, All Rights Reserved Developed by TeraTarget for Digital Intelligence and IT Innovations