پەکەکە: عەقلیەت و سیاسەتی دەوڵەتی تورکی داگیرکەر لە خاکی ڕۆژئاوا لەگڵدەنرێت

10.10.2019

لڤین:

کۆمیتەی بەڕێوەبەرایەتی پارتی کرێکارانی کوردستان (پەکەکە) رایگەیاند، لەدژی هێرشە داگیرکەریەکانی دەوڵەتی تورکیا هەموو ماڵ و کۆڵانێک دەبێتە بڕیارگەیەک و بەرەیەکی شەڕ و دەشڵێت" عەقلیەت و سیاسەتی دەوڵەتی تورکی داگیرکەر لە خاکی ڕۆژئاوا لەگڵدەنرێت".

کۆمیتەی بەڕێوەبەرایەتی پەکەکە لە راگەیەندراوێکدا بڵاویکردوەتەوە، مێژوو جارێکیتر ئەرکی پێسپاردوون، نوێنەرایەتی شەرەف، مرۆڤایەتی و ئازادی بکەن.

پەکەکە لە ڕاگەیەندراوەکەدا دەڵێت" لەو بڕوایەداین کورد و عەرەب و هەموو گەلان باکووری و ڕۆژهەلاتی سوریا، بە هەموو هێزیانەوە، لە چوارچێوەی بانگی سەفەربەری بەڕێوەبەرایەتی خۆسەری دیموکرات ئەرکی پاراستنی مرۆڤایەتی ئازاد لە ئەستوو دەگرن".

ئاماژەی بەوەشکردوە" ژن و پیاو چەک هەڵدەگرن و دەبن بە شەرڤان، هەموو مالێک دەبێتە بڕیارگە و هەموو کۆلانێک دەبێتە بەرەی شەڕ و بەو شێوەیە لەدژی فاشیزمی ئاکەپە-مەهەپەی دڕندە بەرخۆدانێکی سەرکەوتوو پیشان بدرێت، عەقلیەت و سیاسەتی دەوڵەتی تورکی داگیرکەر لە خاکی ڕۆژئاوا لەگڵدەنرێت".

823 جار بینراوە

copyright 2019, All Rights Reserved Developed by TeraTarget for Digital Intelligence and IT Innovations