بەرەی نیشتیمان بۆ پشتیوانیكردن لە ڕۆژئاوا پێكهێنرا

10.10.2019

لڤین:

لە دژی هێرشەكانی دەوڵەتی داگیركەری تورك بۆ سەر ڕۆژئاوای كوردستان، بەرەی نیشتیمان دژی داگیركاری لە گەرمیان پێکهێنرا و لەشارۆچكەی كەلار كۆبوونەوە سەبارەت بە میكانیزم و ڕێبازەكانی ئەنجامدانی چالاكی و خۆپێشاندان دژی داگیركار.

لە ڕاگەیەنراوێكدا، كە وێنەیەكی دەست ( لڤین ) كەوتووە بەرەی نیشتیمان دژی داگیركاری لە گەرمیان ڕایگەیاندووە" ئێوارەی ئەمڕۆ پێنج شەممە ١٠ / ١٠ / ٢٠١٩ لە بارەگای حزبی زەحمەتكێشانی كوردستان لە شارۆچكەی كەلاری ناوەندی ئیدارەی گەرمیان كۆبوەوە، سەبارەت بە دیاریكردنی میكانیزم و ڕێبازێك بۆ ئەنجامدانی چالاكی جۆراوجۆر، بۆ ئیدانەكردنی هێرشەكانی دەوڵەتی داگیركەری توركیا بۆسەر باكور و ڕۆژهەڵاتی سوریا و پشتیوانیكردنی گەلی ڕۆژئاوا".

لە بەشێکی ڕاگەیەنراوەكەداهاتووە" ئەندامانی بەرەكە بڕیاریانداوە سبەینێ هەینی كاتژمێر ٤:٠٠ی ئێوارە لە پاركی لەیلا قاسم بۆناو بازاڕی شارۆچكەی كەلار ڕێپێوانێكی فراوان ئەنجامبدەن و لە ڕۆژانی دواتریش بە چالاكی جیاواز پشتیوانی خۆیان دەربڕن بۆ پاڵپشتیكردنی خەڵكی ڕۆژئاوای كوردستان، لە دژی هێرشەكانی دەوڵەتی داگیركەری تورك بۆسەر باكور و ڕۆژهەڵاتی سوریا".

485 جار بینراوە

copyright 2019, All Rights Reserved Developed by TeraTarget for Digital Intelligence and IT Innovations