بەپێوەری نێچیرڤان بێت، بەعس مافی خۆی بوو ھەڵەبجە کیمیاباران بکات

05.11.2019

لڤین: لە هەژماری نیاز عەبدوڵا وەرگیراوە

کاتێک نێچیرڤان بارزانی سەرۆكی هەرێمی كوردستان دەڵێت "کێشەی تورکیا لە سوریا کوردنییە، کێشەی تورکیا لە سوریا پەکەکەیە."

ئەمە ئەو پشتیوانییەیە کە تورکیا و ئەردۆغانی فاشی پێویستیان پێیەتی لە کوردە ئەردۆغانییەکانی باشوور تا رەوایەتی بە ھێرش و داگیرکارییەکانی سەر رۆژئاڤا و ھەرێمی کوردستان بدەن.

تورکیا دەیەوێ وا نمایش بکات، کوردی ھەرێمی کوردستان باشن و کوردی رۆژئاوای کوردستانیش تیرۆریست. لە کاتێکدا روونە کێشەی تورکیا بوونی خودی کوردە لە رۆژئاڤا و نایەوێت ھەرێمێکی دیکەی کوردی ھەبێت و، دژ بەو خەباتەی کوردی رۆژئاڤایە کە لەپێناو بەدیھێنانی بەیەکەوە ژیان و دیموکراسی دەکرێت.

نێچیرڤان بارزانی بەم قسانەی دەیسەلمێنێ باشترین بەکرێگیراو و دوژمنی تێکۆشانی کوردە دژ بە تورکیای فاشی لە ھەرێمی کوردستان و رۆژئاڤا. ھەر ئەم عەقڵییەت و سیاسەتە وای کرد، تورکیا بە قوڵایی ٣٠ کیلۆمەتر بێتە ناو خاکی ھەرێمی کوردستان و، سەربازگەکانی پێشتر بۆ ئامادەبکرێت و پاشان جەندرەمەکانی سوپای تورکیا بە ئیسراحەت بە سواری "کۆستەر" بێنە سەر خاک و دۆڵ و چیاکانی ئێمە و، قەدەغەی ھاتووچۆ بەسەر خەڵکی گوند و شارمان بسەپێنن و منداڵانمان لە خوێندن بێ بەش بکەن و، نێچیرڤان و مەسعود بارزانی مامیشی بە کەرکوک بڵێن داگیرکراو و تورکیا بە داگیرکەر ناونەبەن.

بەم پێوەر و خوێندنەوەیەی نێچیرڤان بێت، حکومەتی بەعسی فاشی مافی خۆی بوو لەبەر پارتی و یەکێتی و بەرەی کوردستانی، ھەڵەبجە کیمیاباران بکات و کورد ئەنفال بکات.

3048 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations