ماوەی سێ رۆژبوو مەزڵوم عەبدی لە هەرێمی کوردستان بوو

10.11.2019

لڤین:
فەرماندەی گشتی هێزەکانی سوریای دیموکراتی سەردانی هەرێمی کوردستانی کردووە و ئێوارەی دوێنێ گەڕاوەتەوە رۆژئاوای کوردستان و لەگەڵ چەند بەرپرسێکی هەرێمیش کۆبووەتەوە.

سەرچاوەیەکی ئاگادار بە (لڤین پرێس)ی راگەیاند، ماوەی ٣ رۆژە جەنەراڵ مەزڵوم عەبدی، فەرماندەی هێزەکانی سوریای دیموکراتی سەردانی هەرێمی کوردستانی کردووە و لەگەڵ چەند سەرکردەیەکی هەرێم کۆبووەتەوە.

سەرچاوەکە ئەوەی ئاشکرا کرد کە مەزڵوم لەگەڵ مەسعود بارزانی، سەرۆکی پارتی دیموکراتی کوردستان لە شاری هەولێر  کۆ بووەتەوە و بارزانی داوای کردووە هەسەدە لەگەڵ ئەنجومەنی نیشتیمانی کورد لە سوریا کۆ ببنەوە.

لڤین ئەوەشی زانیوە کە دوای ئەو کۆبونەوەیەی مەزڵوم عەبدی لەگەڵ بارزانی لەگەڵ سەرکردەکانی یەکێتیش کۆبوەتەوە و و دواتر هەر دوێنێ گەڕاوەتەوە رۆژئاوای کوردستان و ئەمڕۆش داواکەی بارزانی جێبەجێ کردووە و لەگەڵ ئەنجومەنەکەی نزیک لە پارتی کۆبووەتەوە.

12414 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations