قوباد تاڵەبانی باس لە وردەکاریەکانی کۆنگرە دەکات

15.12.2019

لڤین: 

قوباد تاڵەبانی رایگەیاند لە ئێستادا گوێنادەنە قسەی نەیارەکانی حزبەکەیان، باس لەوەش دەکات گرنگترین شت بەڕێوە بردنی کۆنگرە گرنترین شتە.

قوباد تاڵەبانی، کوڕی بچوکی مام جەلال، سکرتێری کۆچکردوی یەکێتی، راگه‌یاند: جارێ گوێ نادەینە نەیار، ئەمە داواکاری دڵسۆزان و کادیرانی یەکێتییە بۆ بەڕێوەبردنی کۆنگرە، هەر ئەو فشارانەیە وای کردووە لە ئێمە بیر لەوە بکەینەوە کە یەکێتی نوێ بکەینەوە و بەرەو کۆنگرە بچین، بەسەلامەتی لێی دەربازبین و پارتەکەمان نوێ بکەینەوە و بە فۆرمێکی نوێوە بگەڕێینەوە ناو خەڵک.

ناوبراو وتیشی: من بۆخۆم کەسێکی گەشبینم لە هەموو شتێکدا، بۆیە پێشبینی دەکەم کۆنگرەیەکی سەرکەوتوو بێت، بەڵام ئایا دەکرێت هەموو کێشەکانی یەکێتی چارەسەر بکرێت؟ من لەو بڕوایەدا نیم، بەڵام ئەوەی گرنگە ئەوەیە کە هەیکەلێکی نوی بۆ یەکێتی دابڕێژرێت.

تاڵەبانی بە میدیاکانی حزبەكەی رایگەیاند: رەشنوسی پەیڕەوی ناوخۆ بریتیە لە نەخشە رێگای چوار ساڵی داهاتوو بۆ یەكێتی نیشتیمانی كوردستان، توانیمان لە پەیڕەوی ناوخۆدا زۆرینەی داواكارییەكانی یەكێتی جێبەجێ بكەین.

1459 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations