شازادە هاری و هاوسەرەكەی دەستبەرداری ناسناو شاهانەیەكانیان دەبن

19.01.2020

لڤین: 
كۆشكی شاهانەی باكینگهام لە بەریتانیا ئەو گۆڕانكارییانەی دەستنیشان كرد كە بەسەر رۆڵی شازادە هاری و میگان ماركلی هاوسەریدا هات دوای ئەوەی نیازی خۆیان راگەیاند بۆ دەستبەرداربوون لە ئەركە فەرمییەكان.

هاری و هاوسەرەكەی چیتر ناسناوە شاهانەییەكانیان بەكارناهێنن و هیچ بڕە پارەیەك لە داهاتی گشتی وڵات وەرناگرن، هاری دەستبەرداری پلەی سەربازیی خۆی دەبێت كە ئەفسەرە لە هێزی ئاسمانیی شاهانەیی بریتانیا.

بەگوێرەی ئەو گۆڕانکاریانەی دەکرێت دەبێت ئەو شازادەیە بەبڕی 2.4 ملیۆن پاوەندی ئەستەرلینی بداتەوە كە لە بارەگای نیشتەجێبوونی خەرج كراوە.

وا بڕیارە ئەم دوو هاوسەرە زۆربەی كاتەكانیان لە وڵاتی كەنەدا بەسەر ببەن، شازادە هاری كوڕی شازادە چارڵز و شازادە دایانایە، لە ساڵی 2018 هاوسەرگیریی لەگەڵ خانمە ئەكتەر، میگان ماركلی بەڕەچەڵەك ئەمریكی كرد و هاتنی ئەو بیانییە بۆ نێو خانەوادەی شاهانە ماوەیەك دەنگۆی كێشە و ناكۆكی لەنێو خانەوادەكە دروست كرد.

708 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations