یەکێک لە پیاوە ئاینییەکانی ئێران بە کۆرۆنا گیانی لەدەستدا

05.03.2020

لڤین:

بەرپرسانی ئێران ئاشکرایانکرد یەكێك لە پیاوە ئاینیەكانی حەوزەی تاران بە كۆرۆنا گیانیلەدەستداوە.

بەپێی ئاژانسی هەواڵی تەسنیمی ئێرانی، ئەمڕۆ پێنجشەممە شێخ موحسین حەبیبی، ئەندامی ئەنجومەنی باڵای حەوزەی تاران بەهۆی توشبونی بە ڤایرۆسی کۆرنا گیانیلەدەستدا.

ئەو سەرچاوەیە ئاماژەی بەوەشکرد، حەبیبی سەرپەرشتی حەوزەی ئەحمەد موجتەهیدی تارانی کۆچکردوی دەکرد.

هاوکات رونیشیکردەوە، موحسین حەبیبی، لە نەخۆشخانەی جەماران گیانی لەدەستداوە، کە نەخۆشخانەیەکی سەربازییە و تایبەت کراوە بەو بەرپرسە باڵایانەی ئێران کە توشی ڤایرۆسی کۆرنا بون.

دوێنێ چوارشەممە ئیسحاق جەهانگیری، جێگری یەکەمی سەرۆک کۆماری ئێران رایگەیاند،"بەپێی فەرمانێكی سەرۆك كۆمار، چونە دەرەوەی بەرپرسانی دەوڵەت جگە لە وەزارەتی دەرەوە تا كاتێكی نادیار قەدەغەكراوە و رێگەیان پێنادرێت بەشداری هیچ چالاكی و كۆنفرانس و كۆڕبەندێكی دەرەوەی ئێران بكەن".

جەهانگیری راشیگەیاندوە،"ئەو بڕیارەی سەرۆك كۆمار بەمەبەستی خۆپارێزی لە ڤایرۆسی كۆرۆنا و رێگریكردنە لە زیاتر هاتنە ناوەوەی ڤایرۆسەكە بۆ ئێران".

تا ئێستا دو هەزار و 992 حاڵەتی توشبون بە ڤایرۆسی کۆرۆنا لە ئێران تۆمارکراوە، ژمارەی ئەو کەسانەی کە بەو ڤایرۆسە لەوڵاتەکەدا گیانیانلەدەستداوە گەیشتوەتە 92 کەس.

995 جار بینراوە

copyright 2019, All Rights Reserved Developed by TeraTarget for Digital Intelligence and IT Innovations