ئەردۆغان لەبارەی پەنابەران بڕیارێكی نوێ دەدات

07.03.2020

لڤین:

سەرۆك كۆماری توركیا بڕیاریدا كە رێگری بكرێت لە چوونی پەنابەران لە سنووری توركیاوە بۆ یۆنان.

به‌گوێره‌ی هه‌واڵێكی ئاژانسی ئه‌نادۆڵی توركی، ره‌جه‌ب ته‌یب ئه‌ردۆغان، بڕیاریدا چیدیكه‌ رێگه‌نه‌ده‌ن هیچ په‌نابه‌رێك له‌سه‌ر سنووره‌كانی توركیاوه‌ بچنه‌ نێو یۆنانه‌وه‌.

ئه‌و بڕیاره‌ی ئه‌ردۆغان له‌كاتێكدایه‌ كه‌ ماوه‌ی هه‌فته‌یه‌كه‌ توركیا بۆ فشارخستنه‌ سه‌ر یه‌كێتی ئه‌وروپا، بڕیاری كردنه‌وه‌ی سنووره‌كانی توركیای به‌ رووی په‌نابه‌راندا كرده‌وه‌، تاوه‌كو به‌ شه‌پۆل بچنه‌ نێو یۆنانه‌وه‌ و ئه‌مه‌ش قه‌یرانێكی گه‌وره‌ی بۆ یۆنان و وڵاتی دیكه‌ی یه‌كێتی ئه‌وروپای دروست كرد.

830 جار بینراوە

copyright 2019, All Rights Reserved Developed by TeraTarget for Digital Intelligence and IT Innovations