باندێك لە هەولێر دەستگیركران

10.08.2020

لڤین: 
دژەتیرۆری پارتی لە راگەیەندراوێكدا ئاشكرایكرد لە (9/8/2020) لەكاتی هەوڵدان بۆ هێنانە ناوەوەی بڕی (292) كارتۆن جگەر بۆ ناو شاری هەولێر لەڕێگای ئۆتۆمبێلی بارهەڵگر كە شوفێرەكەی ناوی (كاروان عەتا رشید خوارەحم)ـە لە بازگەی دێگەڵە دەست بەسەر ئەو بڕە جگەرە ماوەبەسەرچووە‌دا گیرا و شوفێرەكەش دەستگیركرا.

دژەتیرۆر ئەوەشی راگەیاندووە ئەو شۆفێرە پێشتر لە (23/7/2020) هەوڵیداوە بڕی (265) كارتۆن جگەری ماوەبەسەرچوو داخیلی شاری هەولێر بكات، كە ئەوكات تەنها بڕی ئەو جگەرە ماوەبەسەرچووە لە بازگە دەستی بەسەرداگیراوە و دواتر لەلایەن لیژنەی تایبەت لە قایمقامیەتی قەزای هەولێر مەوادەكە لەناوبراوە.

ئەوەشی ئاشرا كردووە: بە هاوبەشی لەگەڵ بەڕێوەبەرایەتی ئاسایشی هەولێر ناوبراو لامان ئامادەكرا و خرایە ژێر لێكۆڵینەوە و خاوەنی سەرەكی و هەندێك لە هاوكارانی لەم كارە دەستگیركران و چەند كەسێك ماون دەستگیر بكرین بە ناوەكانی: (گۆران - دانیشتووی شاری هەولێر، بارزان محمد سعید – دانیشتووی قەزای سەید سادق، ابو سیف – دانیشتووی شاری كەركووك.

دژەتیرۆر داوای كردووە لایەنی پەیوەندیدار بەزووترین كات ئەو كەسانە دەستگیربكەن و رادەستیان بكەن، ئاماژەی بەوەش كردووە ئەو جگە لە وڵاتی ئێرانەوە هاوردە دەكرێت و بە ڕێگای قاچاخ لە شاری كەركوك كۆگا دەكرێت و ئۆتۆمبێلی بارهەڵگر بە شێوەی شاراوە و بەبێ ئامێری ساردكەرەوە لە رێگای كەركووك – تەقتەق – كۆیە، دەبرێتە شاری هەولێر.

تۆمەتبارانی دەستگیركراو :
- جەلیل ئیراهیم مستەفا ئیبراهیم / خاوەن مەواد.
- عادل عەبدوڵا عەلی مەحمود / خاوەن مەواد.
-رێبەند عەبدوڵا عەلی مەحمود /هاوكار.
- دیار ئەحمەد عەبدولعەزیز عەلی/هاوكار.
- كاروان عەتا رشید خوارەحم/ شوفێری ئۆتۆمبێلی بارهەڵگری مارسیدس و هاوكار.

تۆمەتبارانی دەستگیرنەكراو:
-گۆران/ تۆمەتباری دەستگیرنەكراو - دانیشتووی شاری هەولێر.
- بارزان محەمەد سەعید/ تۆمەتباری دەستگیرنەكراو - دانیشتووی قەزای سید سادق.
- ابو سیف/ تۆمەتباری دەستگیرنەكراو - دانیشتووی شاری كەركوك.

1323 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations