پەرلەمانتارێک ژمارەی بندیوارەکانی شەش وەزارەت ئاشکرا دەکات

18.09.2020

لڤین:

پەرلەمانتارێكی عێراق رایدەگەیەنێت، لە عێراق 48 ھەزار فەرمانبەری بندیوار ھەیەو ھەروەھا فەرمانبەر ھەیە لە بەغدا مانگانە 35 مووچە وەردەگرێت.

جه‌مال كۆچه‌ر، سه‌رۆكی فراكسیۆنی یه‌كگرتوو له‌ ئەنجومەنی نوێنەرانی عێراق بە كوردستان24ی راگەیاندوە"ئێستا 48 هه‌زار فه‌رمانبه‌ری بندیوار له‌ شه‌ش وه‌زاره‌تی حكومه‌تی عێراق ئاشكرا كراون، بەدواداچوون و لێكۆڵینەوەش بەردەوامە بۆ ئاشكرا كردنی بندیوارەكانی دیكە".

وتیشی"پێشتر دەگوترا دوو مووچە، بەڵام بەگوێرەی داتاكان ئێستا بەشێكی خەڵك لە دوو مووچە زیاتریان ھەیە، فەرمانبەر ھەیە مانگانە 9 مووچەی وەردەگرێت. كەناڵێك ئاشكرای كردووە، ئەگەر بەدواداچوونی ورد لەسەر ئەو بابەتە بكرێت، فەرمانبەر ھەیە لە عێراق 35 مووچە وەردەگرێت".

ئەمە لەكاتێكدایە بەگوێرەی راپۆرتی رێكخراوی شەفافیەتی جیھانی، عێراق یەكێكە لە وڵاتە گەندەڵەكانی جیھان.

2806 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations