ساسان عەونی: پێویستە ڕەچاوی ڕێنماییەکانی کۆکردنەوەی خاشاک بکرێت

19.09.2020

لڤین:
وەزیری شارەوانی و گەشتوگوزاری هەرێمی كوردستان رایگەیاند، بەپێویستی دەزانن لەسەرجەم ئەو شوێنانەی كە زبڵ و خاشاكی تێداكۆدەكرێتەوە، بەتەواوی رەچاو رێنماییەكانی تایبەت بە ژینگەپارێزی بكرێت و هەنگاوی نوێش بۆ چارەسەركردنی خاشاك بگیرێتەبەر.

ساسان عەونی وەزیری شارەوانی و گەشتوگوزار هەرێم لەكاتی بەسەركردنەوەی چەند دەڤەرێك لە سنووری بەڕێوەبەرایەتیی گشتیی شارەوانییەكانی هەولێر باسی لەوەكرد، بەپێویستیان زانی بە رێگاكانی دەوری هەولێر و شار و شارۆچكەكانیدا بگەڕێن بۆ ئەوەی لەنزیكەوە ئاگاداری رەوشی ژینگەپارێزی و فڕێدان و كۆكردنەوەی زبڵ و خاشاك ببن، دواتر هەر گرفتێك هەبوو، چارەسەری بكەن.

ئاماژەی بەوەشكردوە، ئامانجێكی دیكەی  سەردانەكە لە نزیكەوە ئاگەداربوونە لە ئاستی ئەدای ئەو كۆمپانیایانەی تایبەتن بە كۆكردنەوەی زبڵ و چارەسەری خاشاك، لەهەمان كاتیشدا بزانن چاودێری فەرمانگەكانی حكوومەت و ئاگەدارییان لە رەوشی ژینگەپارێزی چەندە، چونكە یەكێك لە ئەولەویاتەكانی حكوومەتی هەرێمی كوردستان، چارەسەركردنی خاشاكە، واتە هەم كارایی كۆمپانیاكان، هەم كارایی دامودەزگاكانی شارەوانی و فەرمانگەكانمان هەڵدەسەنگێنین.

300 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations