سێ پەرلەمانتاری گۆڕان بایكۆتی كۆبونەوەی سبەینێی پەرلەمان دەكەن

26.10.2020

لڤین: 
سێ پەرلەمانتاری گۆڕان بڕیاریاندا سبەینێ بەشداری كۆبوونەوەی پەرلەمانی كوردستان نەكەن لەبەر ئەوەی لە جیاتی پرساندنی سەرۆكایەتی حكومەت سێ راپۆرت دەخرێتە دەنگدانەوە. 


ئەو سێ پەرلەمانتارەی گۆڕان كە واژۆی پرساندنی سەرۆكی حكومەت و جێگرەكەی و وەزیری داراییان كردبوو بەیاننامەیەكیان بڵاو كردەوە و رایانگەیاند "لە بری ئامادەبونی بەرپرسانی حكومەت، سێ ڕاپۆرت نوسراوە بۆ پەرلەمان و ڕاپۆرتەكان دەخوێندرێتەوەو دەخرێتە دەنگدانەوەو زۆرینەش بۆ ئەو وەڵامانە مسۆگەر كراوە".

ئەو سێ پەرلەمانتارەی گۆڕان كە پێكهاتوون لە عەلی حەمە ساڵح و شیرین ئەمین و شایان كاكە ساڵح، ئەوەشیان راگەیاندووە: ئەم كارەش لەبری ڕاگرتنی لێبڕینی موچەی فەرمانبەران بەدەنگدان بە ڕاپۆرتەكانی حكومەت شەرعیەت دەدات بە لێبڕینی موچە.

ئەو سێ پەرلەمانتارە بڕیاریانداوە سبەینێ لە دانیشتنی پەرلەمانی كوردستان بەشداری نەكەن و هۆكارەكەشی دەگێڕنەوە بۆ ئەوەی كە "دەبوو سەرۆكایەتی حكومەت و جێگرەكەی و وەزیری دارایی ئامادەبن، ناردنی ڕاپۆرت و خستنە دەنگدانی ناپێڕەویە".

ئەوان پێشبینی دەكەن "بە دەنگی زۆرینە ڕاپۆرتەكانی حكومەت پەسەنددەكرێت، ئەم ڕاپۆرتانەش باس لەوەدەكات لە ناچاریدا موچە بڕدراوە، واتە: بەدەنگدان شەرعیەت دەدرێت بەم لێبڕینە".

680 جار بینراوە

copyright 2019, All Rights Reserved Developed by TeraTarget for Digital Intelligence and IT Innovations