سەڵاحەدین بەهادین: پەیمان دەدەین رێبازەكەی مامۆستا هۆشیار بەردەوام بێت

21.11.2020

لڤین: 
 ئەمینداری گشتی یەكگرتوو لەچوارەم ساڵیادی كوشتنی مامۆستای ئاینی (هۆشیار ئیسماعیل) رایگەیاند: پەیمان لەگەڵ خودا نوێ دەكەینەوە كەرێبازەكەی بەردەوامبێ وخوێنە ئاڵەكەی ئاودێری هەزاران وشیاری نوێ بكات. 


سەلاحەدین محەمەد بەهائەدین ئەمینداری گشتی یەكگرتووی ئیسلامی كوردستان لەتویتێكدا لەساڵیادی شەهیدكردنی دكتۆر وشیار ئیسماعیل ڕایگەیاند: لەچوارەم ساڵیادی شەهیدی دەستی غەدرو تاریكی، مامۆستای شارەزا وبانگخوازی هەڵكەوتوو دكتۆر وشیاردا، هەزاران سەلام ودروود بۆ گیانی پاكی دەنێرین وپەیمان لەگەڵ خودا نوێ دەكەینەوە كە رێبازەكەی بەردەوامبێ. 


ئەو لە تویتەكەیدا ئاماژەی بەوەشكردووە پەیمان دەدەین "خوێنە ئاڵەكەی ئاودێری هەزاران وشیاری نوێ بكات، بەكوێرایی چاوی تیرۆریست ودوژمنانی روناكی".


شەوی 23ی تشرینی دووەمی 2016  د. هۆشیار ئیسماعیل بانگخواز و كەسایەتی ئایینی شاری هەولێر كە پێشنوێژ و وتارخوێنی مزگەوتی عومەر بندیان بوو، لەناو ماڵەكەی خۆی دوای ئەوەی لەلایەن چەند چەكدارێكەوە بانگ دەكرێت، دەستڕێژی گولـلەی لێكرا، دواتریش لە نەخۆشخانە گیانی لەدەستدا. 


دوای نزیكەی حەوت مانگ لە رووداوەكە دوو كەس بەهۆی ئەو تاوانەوە لە دانیشتنێكی دادگادا بڕیاری لە سێدارەدانیان بەسەردا سەپێندرا، بەڵام بڕیارەكە تا ئێستا جێبەجێ نەكراوە، ئەو دوو كەسە لە دانپێدانانەكەیدا وتبوویان كە ئەو مامۆستا ئاینیەیان لەسەر ئەوە كوشتووە كە بەهۆی ئەوەی 20 رۆژ پێشتر ئۆتۆمبێلەكەیان رێی لەو مامۆستا ئاینیە گرتووە پێیوتوون ئەگەر كوڕی باوكی خۆتبوویتایە ئۆتۆمبێلت بەو شێوەیە رانەدەگرن. 

212 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations