سەرۆکایەتی دادگای تاوانەکانی کەرکوک/گەرمیان سێ تاوانباری سزادا

13.06.2019

لڤین:

ئاسایشی گەرمیان رایگەیاند، سەرۆکایەتی دادگای تاوانەکانی کەرکوک/گەرمیان سێ تاوانباری بە تۆمەتی بەکارهێنانی ماددەی هۆشبەر  و کرێنی چەک بە شێوەی نهێنی سزادا.

بەرێوەبەرایەتی ئاسایشی گەرمیان لە راگەیەندراوێکدا بڵاویکردوەتەوە، پاش ئەوەی لە چەند مانگی ڕابردوودا توانرا لە لایەن هێزەکانی بەرێوەبەرایەتی ئاسایشی گەرمیانەوە بە تۆمەتی بەکارهێنانی ماددەی هۆشبەر و کڕینی چەک بە شێوەیەکی نهێنی سێ تۆمەتبار دەستگیربکرێن و  پاش چەندین دانیشتنی دادگا و خستنەڕووی تەواوی بەڵگەکان و دانپیادانانی تاوانباران بە تاوانەکانیاندا دواتریش لەلایەن سەرۆکایەتی دادگای تاوانەکانی کەرکوک/گەرمیان بەم شێوەیەی خوارەوە سزا دران.

تاوانباری یەکەم- (ئەيوب سعيد رشيد)، لە دایکبووی 1995 و دانیشتووی گەڕەکی (گردە گۆزینە) ی قەزای کەلار بە تۆمەتی بەکارهێنانی ماددەی هۆشبەر دەستگیرکراوەو لە بەرواری بەپێی ماددەی( 14/2)ی هۆشبەر بە سێ ساڵ زیندانی و بڕی سەد هەزار دیناری عێراقی پێ بژاردن سزا درا. 

تاوانباری دووەم- (سەروەت ابو بکر علی)، لە دایکبووی 1993 و دانیشتووی (کانی مینا) ی قەزای پێنجوین بە تۆمەتی کڕینی چەک بە شێوەی نهێنی بە پێی ماددەی21 ی چەک بە سێ مانگ و یەک رۆژ زیندانی سزا درا. 

تاوانباری سێیەم- (شاهۆ محمد سعید) لە دایکبووی 1997 و دانیشتووی شاری (مەریوان)ی وڵاتی ئێران بە تۆمەتی کڕینی چەک بە شێوەی نهێنی بەپێی ماددەی 21 ی چەک بە سێ مانگ و یەک رۆژ مانگ زیندانی سزا درا. 

ئاسایش دەڵێت، دواتر بۆ بەرسەربردنی ماوەی سزاکەیان رەوانەی بەرێوەبەرایەتی چاکسازی گەورانی سلێمانی کران. 

153 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations