پاریس سانجێرمان هێرش دەكاتە سەر نەیمار

09.07.2019

لڤین: 
بەڕێوەبەری وەرزشی یانەی پاریس سانجێرمان هێرش دەكاتە سەر نیەمار و دەڵێت ئەو لە یانەكە گورەتر نیە و نابێت وا هەست بكات كە چاكەمان لەگەڵ دەكات بە مانەوەی لە یانەكە. 

لیۆناردۆ، بەڕێوەبەری وەرزشیی یانەی پاریس سانجێرمان، هێرشی كردە سەر نەیمار داسیلڤای هاونیشتیمانی وتی "نەیمار دەتوانێت بڕوات، بەڵام ئەوكاتەی دەستەوارەیەكی رازیكەر بۆ هەموو لایەك هەبێت، تاوەكو ئێستا نازانین كام یانە دەیەوێ گرێبەست لەگەڵ نەیمار بكات".

ناوبراو وتیشی "پاریس سانجێرمان متمانە بەو یاریزانانەی دەدات كە دەیانەوێ بمێننەوە و بەشداری لە پرۆژە گەورەكەماندا بكەن، پێویستیمان بەو یاریزانانە نییە كە پێیانوایە بە بەردەوام بوون لەگەڵمان چاكەمان لەگەڵ دەكەن".

ئەو پیشیوایە هیچ یانەیەك سەركەوتوو نابێت لە كاتێكدا یاریزانێك خۆی لە یانەكە بە گەورەتر بزانێت وتیشی"نازانم كام یانە سەركەوتنی بەدەستهێناوە لە كاتێكدا یاریزانێكی لە خۆی بەهێزتری لە ریزەكانیدا بووە، دەبێ كۆنترۆلی هەموو شتەكان لە دەستی یانەدا بێت، بە یاریزانە گرنگەكانیشەوە".

669 جار بینراوە

copyright 2019, All Rights Reserved Developed by TeraTarget for Digital Intelligence and IT Innovations