پەرلەمانتارێكی كۆمەڵ بەهۆی کاندیدی پارێزگاری کەرکوکەوە ستایشی پارتی و یەكێتی دەكات

12.07.2019

لڤین: 
پەرلەمانتارێكی كۆمەڵی ئیسلامی ستایشی دانانی پارێزگاری كەركوك دەكات لەلایەن یەكێتی و پارتیەوە و پێیوایە كەسێكی شیاویان كاندید كردووە بۆ ئەو پۆستە. 

سۆران عومەر، پەرلەمانتاری فراكسیۆنی كۆمەڵی ئیسلامی لە پەرلەمانی كوردستان، رایگەیاند "ئەزانن ئێستا جەبار تەیب ئەمین كە كاندیدی قبوڵكراوی یەكێتی و پارتییە بۆ پارێزگاری كەركوك چی دەكات؟". 

ئەو لە پەڕەی خۆی لە تۆڕی كۆمەڵایەتی فەیسبووك دەڵێت"لە ئێستادا لەشاری سلێمانی و تەنیشت گەراجی پاسەكانی ئازادی و ھەوارەبەرزە و لەژێر زەمینی بینایەكدا لەژێر قادرمەكاندا دوكانێكی بچوكی گرتووەو كتێبخانەیەكی داناوە بەناوی كتێبخانەی (كتێب)".

ناوبراو ستایشی ئەو كارەی پارتی و یەكێتی دەكات و دەڵێت  "جەبار تەیب سەرەڕای ئەوەی ئەدیبێكی بەتوانایە، یەكێكە لە ھەرە خوێندەوارەكانی كورد و یەكەمجارە دڵخۆش بم بەدانانی كەسێك بۆ پۆستێك لەلایەن یەكێتی و پارتی، ئومێدەوارم سەركەوتوو بێ خزمەتی ئەو شارە بكات و هەروەها پیرۆزبایی لێ دەكەم و دڵخۆشم بەسەركەوتنی".

1023 جار بینراوە

زیاتر

copyright 2019, All Rights Reserved Developed by TeraTarget for Digital Intelligence and IT Innovations