نێچیرەڤان گۆشەگیرکرا!

ماجید خەلیل
11.07.2019

نێچیرەڤان نەدەبوو کلیلەکان رادەستبکات هەتاوەکو....
نێچیر لەنێوان باب و فەرزەندا

نەدەبوو بەوساناییە گۆشەیر بکرێت، بەهیچ پێوەرو پینەیەکی یاسایی، نابێت و ناکرێت، پیاوێک چەند خولی دەوڵەتمەداریی لە لوتکەی هەرەمەکەدایە، چەند گەڕی گەمەی سیاسەت گۆڵکەری براوەی جامی زێڕینی نەهامەتییە، چەند جارە چارەنوسی ئەم میلەتەی خستووەتە سەر لقی شکاوی سیاسەتی رەوشێکی پڕ موعەماو ناجێگیر. نەدەکرا بەو ساناییە کلیلەکانی کابینەکە رادەستی رکابەرە سەرەکییە ماڵباتییەکەی بکات. نەدەبوو نێچیر بەبێ ئەوەی جارێک ئەرزش بۆ پەرلەمان بنوێنێ فەرشی سوری سەرۆکایەتی هەرێمی بۆ ڕابخرێت. نەدەبوو بەبێ ئەوەی جارێک تەنها جارێک لەباڵەخانەی پەرلەماندا ئامادەبێت، ئەو هەموو موعانات و موعەماو میزاجە تاکڕەوییەی بچێت بە تونی بابادا.

 نێچیرەڤان دوو نەوەی لە ئەزموونی سەرۆکایەتی حکومەتدا پیرکرد بۆخۆی هەر لاوە، نێچیرەڤان تەنها بەرپرسی سیاسییە کە سیاسەت پیری ناکا!

 نێچیرەڤان دوو نەوەی لە ئەزموونی سەرۆکایەتی حکومەتدا پیرکرد بۆخۆی هەر لاوە، نێچیرەڤان تەنها بەرپرسی سیاسییە کە سیاسەت پیری ناکا! ئەو دیوێکی سەرکەوتووی نیشاندا، سەرکەوتوو لە فۆرمی کۆمپانیاو مامەڵەی بازرگانی و واژۆی ترسناکی تاقەت پڕوکێن، ئەو  هەرێمی کردە پۆڕێکی خوراوی بەردەم گورگەبۆرەکانی تورک، ئەو ئەلفێکی لەسەر دۆزی نەتەوەیی کورد نەوت، رۆژێ ڕانەچڵەکی کە بۆچی ئاڵای کوردستان لە پشت سەرییەوە نییە، نیوەی خاکی کوردستان بە میزراحی سیاسەتی  ماڵباتی وی سوڕایەوەو لە بەغدادا ستاری گرت، کەچی کێچێ میوانی نەبوو. قەرزو قۆڵەی دونیا، پاشەکەوتی پلیشاوەی چەند ساڵی موچەی خەڵک، داڕمانی دیزاینی شارو لادێ و هەڵوەشانەوەی هێزی پەروەردەی رەسەنی کورد، وشکبوونی سەرچاوەی ئاو، زەردبوونی کشتوکاڵی کلاسیکی کیشوەر، هەموو ئەمانە ئەوی لە زەردەخەنەو فاشن و قردێلەی سور بڕین نەخست. ئەو نەدەبوو بهێڵن وازبێنێ، نەدەبوو بڕوا تا بۆ بەرزکردنەوەی شکۆی پەرلەمانیش بووە جارێ بهێنرایە پەرلەمان. نەدەبوو بڕوا تا جارێ لە پرستگەیەکی پەرلەمان بپشکێنرێت، بپشکێنرێت بزانین چەند واژۆی قاچاغی پێیە، بزانین چەند دەرمانی ئێکسپایەر و ژەهراوی لەکیسەکانیدایە، بزانین چەند چەکوچۆڵی بەرەکانی جەنگ لە ژێر کەواکەیدایە، بزانین چەند لولەی گەرمی فیشەکی سەر دڵی رۆژنامەنوسان بەلاقەدیەوەیە.

نێچیرەڤان نەدەبووبڕوا تا بەتۆپزی لەبەردەم کەم ئەندامێکدا رابگیرێ، تا بەشاشەیەکی گەورەی سینەمایی، وەک ئەو سینەما پەخشنەکراوانەی ژیانی کوردستان، وەک سینەما مۆدێرن و مەزنەکانی ناو کۆشکەکەی، ژیانی کولە مەرگی نابینایەکی کورد، چیرۆکی نابیستێکی کورد، بابایەکی پیری ناو جێگە، کیژێکی چاوەڕوانی ئازادی ببینێت


بەڵێ ئەو نەدەبوو بڕوا تا جارێک هەست بکا پەرلەمان هەیە، تاجارێک لەوغرورە غەریبە بهێنرێتە خوارێ کە بەناوهێنانی پەرلەمان پێدەکەنی. ئەو نەدەبووبڕوا تا بەتۆپزی لەبەردەم کەم ئەندامێکدا رابگیرێ، تا بەشاشەیەکی گەورەی سینەمایی، وەک ئەو سینەما پەخشنەکراوانەی ژیانی کوردستان، وەک سینەما مۆدێرن و مەزنەکانی ناو کۆشکەکەی، ژیانی کولە مەرگی نابینایەکی کورد، چیرۆکی نابیستێکی کورد، بابایەکی پیری ناو جێگە، کیژێکی چاوەڕوانی ئازادی ببینێت. دەبو پێش ئەوەی بڕوا رۆژێک رابگیرایە، تاچیرۆکی کەم ئەندامان بژنەوێ، بزانێ لەسەردەمی ئەودا موچە بەساڵ نەدراوە دوو فلسییەکەیان چۆن گەیشتووەتە دەستیان، نەدەبوو بڕوا تا ژانی ژیانی پێشمەرگەیەکی برینداری ناو جێگەی بۆ بەیان بکرێ، بزانین هەستی چۆنە، بزانین چی پێیە بۆ وتن، بزانین ئێستە لەو پاریسەیدا، کە بەرگ و پەڵاسەکەی لەوەی ماکرۆن گرانبەهاترە، لە شوشەی ماشێنەکەیەوە کەمئەندامێکی  ئەوێ بەراورد بە کەم ئەندامێکی گەرمیان و هەڵەبجەو ئاکرێ دەکات، بێگومان نەخێر.

سەرۆکایەتی هەرێم لە ئێستادا بەڕەکەی لەژێر پێیان دەرهێنراوەو هەمان بەڕە لە بارەگای بارزانیدایە. بارەگای بارزانی ناوێکی ناو ناوانەو لە ئێستادا شوێنگرەوەی سەرۆکایەتی هەرێمە. ئەوێ هەمان ڕۆڵی سەرۆکی هەرێم دەگێڕێ. لەهەمووی گرنگتر، ئەنجومەنی وەزیرانیش ئیلهامی لەوێوەیە

 ئەو ئێستە لە کۆشکێکی فەرامۆشکراودایە. سەرۆکایەتی هەرێم لە ئێستادا بەڕەکەی لەژێر پێیان دەرهێنراوەو هەمان بەڕە لە بارەگای بارزانیدایە. بارەگای بارزانی ناوێکی ناو ناوانەو لە ئێستادا شوێنگرەوەی سەرۆکایەتی هەرێمە. ئەوێ هەمان ڕۆڵی سەرۆکی هەرێم دەگێڕێ. لەهەمووی گرنگتر، ئەنجومەنی وەزیرانیش ئیلهامی لەوێوەیە. ئەنجا وەرە کاک نێچیر لە نێوان ئەم باب و فەرزەندەی بارەگای بارزانی و ئەنجومەنی سەرۆکایەتییەدا بەر ببە.

copyright 2019, All Rights Reserved Developed by TeraTarget for Digital Intelligence and IT Innovations