ئێمە دەبێت چی بكەین.....

سەنگەر سەیدقادر
05.11.2019

ئێوە لەم تەنگانەدا دەستی  یەكبگرن و ململانێ وشەڕە منداڵانەكانتان هەڵگرن بۆ كاتێكی تر، كاتی شەڕی كۆنەقین و یەكتر شكاندن و تێكدانی دۆخەكە نیە چونكە لەم یاریەدا یان پێكەوە دەدۆڕین یان پێكەوە دەیبەنەوە، ئەوەی پەڕ بگرێت و بە تەنیا یاری بكات  دۆڕانی گرەنتی كراوە.

ئێوە دنیایەك بەرژەوەندی هاوبەشتان پێكەوە هەیە لە بازرگانیەوە بۆ پشكی چێشتخانە و ئوتێل وگرێبەستی كامێراكانی  هاتووچۆ، خەمی خەڵكتان نیە بەڵام خەمی خۆتان بێت، چونكە شۆرتی بەریەكەوتنی ئێوە ئاگر لە خەرمانی ئێمەی ڕەش و ڕووت بەردەدات.

گرایزەر تیمەكەی لە ئەبوزەبیەوە دەسكی یاریەكەیان بەدەستەوە گرتووە و ئاراستەی دەكەن، سولەیمانی و فەزڵوڵاهیش لە بەغداد لەناو یاریەكەدان،سەرئەنجام دەگاتە كوێ ڕوون نیە بەڵام ئەوەی ڕوونە ئێوە دەرفەتێكی زێڕینتان هاتووەتە پێش بۆ قەرەبووكردنەوەی زیانەكانی ١٦ ئۆكتۆبەر


بەڵام دەرفەتە ئەگەر هۆشیارانە مامەڵەی لەگەڵ نەكرێت وەك دەرفەتی دوای شەڕی داعش نەك دەستكەوتمان نابێت بەڵكو دەگەڕێننەوە بۆ ١٩٩٦ و دواتر لەدایكبوونی قۆناغێكی نوێ


ب كوردستان وە ستاتیۆیەكی سیاسی  هیچ مەترسی لەسەر نیە ئەوە ئەمەریكا و بڕیاری ٦٨٨ ئەنجومەنی ئاسایش دەیپارێزێت، بەڵام قسە لەسەر دەسەڵاتی سیاسی و هەنگاوێك چونە پێشە بە ئاراستەی قەرەبوو كردنەوەی زیانەكانی ڕابردوو


- ئەوە ڕوونە مسعود بارزانی لەسەر ئاستی ئیدارەی ئێستای ترەمپ كارتێكی سوتاوە و مامەڵەی لەگەڵدا ناكرێت، بەڵام لەسەر ئاستی ناوخۆ بارزانی ئەگەر بیەوێت دەتوانێت ڕۆڵی مەڕجەع بگێڕێت، لەسەر ئاستی نێودەوڵەتیش نێچیرڤان بارزانی دەتوانێت ڕۆڵبگێرێت.

copyright 2019, All Rights Reserved Developed by TeraTarget for Digital Intelligence and IT Innovations