ئیمە گەراینەوە بۆ كوێ

زانا عەبدولرەحمان
10.08.2020

بەكورتی شەوێك هەوا بە ٧٠٠ هەزار
ئەگەر دەستی پێوەبگری ٥٠٠ هەزار
چی ترماوە پێمان بفرۆشن
لەمنی وەربگرن هەمووشمان بفرۆشن هەر مووچەتان پێنادرێت
تاكە چارەسەر ئەوەیە گازمان پێدابكەن با نەجاتان بێت لەدەستمان
ببورن كە بووینەتە بار بەسەر شانی هەرێمەكەتانەوە
‎نوستن بەبێ ئۆكسجین و بە ئۆكسجین سەیری ئەو رستە بازاریە
‎من بەراستی بەزەیم بە سەرۆكی حكومەتایەتەوە توشی بووە بە توشی چ ستاف و راوێژكارێكەوە كە هەر رۆژەو بەجۆرێك حوكمەتەكەی ئەكەنە فلیمی خەڵك
دڵنیام تۆزێكی تر وەزارەتی تەندروستی كە كاردانەوەی خەڵك ئەبین ئەڵێن ئەو كتابە هی ئێمە نیە وەك چۆن پارەی نەخۆشخانەی رزگاریان كرد بە هی خێرخواز لە ملی حكومەتیان كردوە
‎سینۆهەی پزیشكی فیرعەون لەبارەی كاری پزشكیەوە ئەڵێت دوو جۆر خزمەتگوزاری پزیشكی هەبوو لەمیصر پزیشكی ناوكۆڵان كە بە پارەیەكی كەم هەژارەكانیان چارە ئەكرد و بەڵام هیچ پێداوستێكیان لەبەردەست نەبوو و خانەی ژیانیش تایبەت بوو بە فیرعەونەكان و خانەدان و دەوڵەمەندەكان
‎دوای هەزاران سال هێشتا ئێمە لەو جیاوازی چینایەتیە گیرمان خواردوە

copyright 2019, All Rights Reserved Developed by TeraTarget for Digital Intelligence and IT Innovations