ئه‌كته‌رێكی به‌ناوبانگی كوردیشی تێدایه‌
فلیمی عاشقه‌كان به‌ پێوه‌ ده‌مرن به‌ باشترین هه‌ڵبژێردرا
PM:08:04---14-10-2015
ئه‌م بابه‌ته 2234 جار خوێنراوه‌ته‌وه‌‌
فیلمی (عاشقەکان بە پێوە دەمرن)لە دەرهێنانی شەهرامی مەسلەخی دوای سیودووەمین فیستیڤاڵی نێودەوڵەتی فەجر کە ناونیشانی گەنجترین دەرهێنەری ئێرانی پێ وەرگرت،توانی لەیەکەم بەشداری فیستیڤاڵدا کە لەلایەن کۆمپانیای(ئای لووفیلم)ەوە بلاو کرایەوە خەڵاتی باشترین فیلمی لەلایەن لیژنەی داوەرانی(تەحکیم)حەوتەمین فیستیڤاڵی نێودەوڵەتی بغدا وەربگرێت،لەبەر ئەوەی بەشێکی ئەم فیلمە لەپاڵ عەشق و خۆشەویستیدا باسی کۆچ و ئاوارەیی و شەر دەکات دەرهێنەری فیلمەکە خەڵاتەکەی پێشکەشی ئەو منداڵەپەنابەرە کرد کە لەجیاتی یاریکردن لەسەر جۆلانێ ،شەپۆلەبێکۆتاکانی دەریای بونە جۆلانەی.


شەهرامی مەسلەخی بە تەمەنێکی کەمەوە ناوبانگێکی گەورەی لە ئێران و هەرێمی کوردستان پەیدا کردوە لە بنەچەدا خەڵکی شاری هەڵەبجەیەو لە ئێران گەورەبوە وبەشی دەرهێنانی لە زانکۆی تاران تەواو کردوە پێش ئەم فیلمەش بە فیلمی (هێلانە) کە باس لە چیرۆکی (علی)کورە ونبوەکەی هەڵەبجەدەکات ناوباگێکی باشی لە کوردستان پەیدا کردوەو بۆ ماوەیەکی درێژ نمایش کراوە،شەهرام دەربارەی فیلمەتازەکەی وتی بەداخەوە بەهۆی بارودۆخی ناهەمواری هەرێمی کوردستان تا ئێستا دەرفەت نەبوە بۆ نمایش کردنی فیلمەکە لە هەرێمی کوردستان بەڵام بە زووی لە سینەماکانی ئێران بڵاو دەکرێتەوە،بەنیازیشە بەم زوانە فیلمەکە بۆ هاووڵاتیانی خۆی لە هەرێمی کوردستان نمایش بکات.

شەهرام هیوای خواست فیلمەکە بتوانێت لە فیستیڤالەکاندا بەشداریەکی سەرکەوتووی هەبێت و لە کۆتایشدا سوپاسی هەموو ئەوکەسانە دەکات کە لەبەرهەم هێنانی ئەم فیلمەدا هاوڕێیەتیان کردوە بەتایبەت ئەکتەرەکان و هاوکارانی لە هەرێمی کوردستان کە سەرەڕای بارودۆخێکی دژوار هیچ کەمتەرخەمیەکیان نەکردوە.

فیلمی (عاشق بەپێوە دەمرێ) لە دەرهێنانی شەهرام مەسلەخیو بەرهەم هێنانی یوسف سەمەد زادە، ئەكتەرەكان (شوان عەتووف، سرووش سیحەت، بە بەشداریی پووریا پوور سۆرخ، لەعیا زەنگەنە، سۆلین دڵپاك، ئاسۆ عومەر سوارە، چریكە عەبەڕەش، هەردێ سەمیر، كاوە قادر، ڕێبوار هەورامی، سەعدوڵڵا نەسیری، مستەفا عوسمان، عەسەل هێرش).

بەڕێوەبەری وێنەگرتن: محەمەد ڕەزا سكوت، مۆنتاژ: ئیبراهیم سەعیدی، مۆسیقا: ئارمان موسا پوور،كاری دەنگ: ێرش قاسمی، موسیقی-دەنگ هەڵگر: محەمەد حەبیبی، كاری میكیاژ: عەلیڕەزا باقربەیگی، دیزاینی جل و بەرگ و دیكۆر: سەعید هەنگرانی، دیمەنە تایبەتییە مەیدانییەكان (جلوەهای ویژە مەیدانی): عەزیم محەمەدی، دیمەنە تایبەتییەكانی بینین (جلوەهای ویژەی بصری): مەجید دوستی، فۆتۆگرافەر: سۆران نەقشبەندی و محەمەد سێقر، بەڕێوەبەری پلاندانان و یاریدەدەری یەكەمی دەرهێنەر: حەمیدڕەزا هیمەتی، بەڕێوەبەری بەرهەم: موحسین دانشوەر، بەرێوەبەری ئیداری: مەهدی موجەللەل، هاوكارانی بەرهەمهێنان لە كوردستانی عێراق: ئارش مەسلەخی و مستەفا عوسمان

وەرگێران :جیهاد نەزیف و مەریوان هەڵەبجەی













یەکەم عەیبی ئایفۆنx بڵاو کرایەوە
پیس بونی هەوا دەبێتە هۆی نەخۆشی گورچیلە
نۆیه‌مین خه‌ڵاتی لومیێر به‌ وۆنگ کاروای ده‌به‌خشرێت
حه‌فتاهه‌مین فێستیڤاڵی نێوده‌وڵه‌تی فیلمی کان ده‌ست پێ ده‌کات
كارزان مه‌حموود موسیكی خۆی ده‌گه‌یه‌نێته‌ جیهان
ڤیدیۆ: ڕۆژنامەنووسێک بە وتنەوەی گۆرانیەک هونەرمەندان سەرسام دەکات
هه‌شته‌مین خه‌ڵاتی فێستیڤاڵی سینه‌مایی لومیێر پێشکه‌ش به‌ کاترین دێنێڤ کرا
هه‌شته‌مین خه‌ڵاتی فێستیڤاڵی سینه‌مایی لومیێر پێشکه‌ش به‌ کاترین دێنێڤ کرا
وێنە : ‌خانمه‌ هونه‌رمه‌ندێكی كورد 27 تاتۆی له‌سه‌ر جه‌سته‌ی كردووه‌
وێنە "بە عەلاگەی خۆڵیشەوە هەر سێكسیم"

زۆرترین خوێنراو
گۆڤاری لڤین
318
ژمارە
وتار
لڤینی نوێ
59
ژمارە